給玻璃先生：
唔知你為買濾水器上網搵料之前，有冇睇過我係上面俾個網址？如果無，我強烈建議你花時間睇下（唔click細題目詳細睇，都睇我貼出黎個版撮要）。網上面極多關於水或濾水器o既資料，都係製造或售賣濾水器公司提供，其中誇張失實o既內容多不勝數。
以為蒸餾水、ro水太乾淨，乜都冇對身體唔好，個人偏見，呢個概念並不正確。水係人體主要係用作溶劑，溶解要o既野幫助吸收，同唔要o既野排出體外。純水自然溶得多，絕對唔係壞事。（補充：但唔純水，只要含有o既野唔係乜有害o既，都唔係乜壞事。）當然，如果你要堅持相信「水太乾淨無益」呢個論調，我都冇辦法o既。
其次，我理解你提出個兩樣野，1）令水無氯氣味、雜質；2）水中有一定o既溶入物，係難以並存o既情況。我諗，呢個世界仲未有識得自動審查水中溶入物過唔過濾得o既濾芯卦？濾芯過濾原理係好簡單o既阻隔溶入物，即係睇大細，唔會分邊隻對人體好邊隻對人體壞。所以，如果你要1，咁就揀ro機吧勒。（都唔駛六千幾咁貴……）如果要2，咁就揀隻普通d o既濾水器或者唔用濾水器。又要馬兒好，又要馬不吃草，好難架
或者有人會問：「巿面上有d濾水器話可以做到1同2存o既情況喎？」有d濾水器係主要過濾程序後，另加珊瑚骨或礦石之類係最後一關或幾關，可以曾加水中含有o既礦物質云云。一，又係個人騙見，呢關其實係「兩刃刀」，時間耐左可以係滋生細菌o既溫床。二，都仲係個人偏見，咁其實都係將水純化之後再加返d野落去。用係魚缸，你用蒸餾水或ro水再選擇需要o既野加入去，更加好控制。俾人飲o既，其實只要平常飲食均衡，就已經可以吸收到人體需要o既野，仲靠個d珊瑚骨、礦石做乜？
至於換水可以換幾多……嗯，希望我冇理解錯誤，你指用「磚石水」可以換多d，用第二部d水就會變白，係因為「磚石水」可以完全去除左氯氣？如果係呢個理由o既……去買支prime都係幾草野啫，唔駛部「磚」貴水機卦。再唔係，用ro水或蒸餾水我諗都唔駛咁價錢。再再唔係，用隔夜水都得得。
唔好意思，我呢個長氣o既壞習慣一啟動就欲罷不能……坦白講，我的確好希望打沉好似「磚石水」呢d咁極具欺騙成份o既健康產品傳銷公司。但係，錢係大家手，大家要俾錢呢類係我眼中係「騙徒」o既公司，我都冇辦法。只係，我諗，我都會繼續好長氣咁「依哦」落去，希望令少d人落入呢類咁包裝精美o既「騙局」中。
********************************************
忽然諗起再補充：FDA APPROVAL係我認識之中係被濫用O既名堂。其實好多時送檢產品只係被檢查「是否安全」而唔係「是否有效」，即係只係代表美國政府話個隻野食/飲你唔壞，而唔等於有該產品所聲稱O既功效。係就係APPROVE，但係APPROVE D乜，都係睇清楚好D。
登入
註冊
問答集
賣6仟幾....可能有5仟幾係廣告成本呢 
