水草情迷

TonyC兄:(滴緊汗!) 唔好屈我呀!小弟剛剛買完菜趕住翻屋企煮飯比老婆同個仔食, 食完飯又要同個溫習功課, 之後又要講"哈利波特"故事比個仔聽, 路過嫁咋, 唔好點錯相呀!

這裡太多太多高手, 小弟真的名正言順的係"小弟弟"呀!唔好亂講呀!汗顏....滴汗...!?#@ 得閒上網出post當打機, 消磨..消磨..消磨...時間姐!

加不加底管,我覺得是長期和短期問題,=於食飯是否加味精,一食好味.多食冇益,加底管or格屎板會出現好多死位.日子一長.死位空氣會形成no4,一翻泥魚玩完.
ps:各位可在一缸加格屎板.上加沙,過幾日,於格板入口泵入紅色水,你會發現水并非你想像中般流.

hkseaming兄:
死位!的確會有!但小弟都係不太明白, 如果唔用底板, 就會沒有死位? 可否賜教?還是小弟理解錯了? 是沒有舖底板的地方出現死位?還是有舖板的位置, 其中某一處出現死位?
如果可以, 又hkseaming兄做過類似的水流實驗的話, 小弟確想請教, 可否分享一下你在這方便的經驗?謝謝!

用底板,有水流過,水里空氣會積蓄在冇水流的空間.一日子長久.水里o2加魚屎會形成no4.
水永遠向最冇阻力的地方流,上面有沙泥,就有阻力,厚度,密度不同,形成不同阻力,日子一長,阻者更阻,疏者更疏.阻位下有空間,積蓄死水.空氣,試想想積蓄多時死水加落你缸水,後果如何.
唔用格板,都有死位,但相對少0的.因1.冇大空間,不能大量積蓄,2.魚屎費物冇甘快到底,在到底過程中,會給根部吸收,像大自然,3.極少量no4魚冇問題,等於空氣中都有好多有毒氣體,但極少量人冇問題,但一多,人必死,
ps;不知可否答到你呢,GL兄

hkseaming兄:
謝謝!說得有道理!
小弟還有問題想請教及探討~~~
成塊隔屎板舖在缸底, 無可能100%fit翻晒個缸底, 除左隔屎板放置的位置外, 還會有空出沒有被隔屎板蓋住的位置:

1)按您的經驗理解, 大量或足以令魚致死的死水死位應該是存在於隔屎板蓋住的底部, 是嗎? 如是者, 假設塊隔屎板內部可以長久保持住正確有效的順暢, 100%內部流通的運作的話, 死位是不會存在, 這樣說對嗎?

2)而無被隔屎板蓋住的地方, 只有沙壓住, 情況同日常直接舖泥一樣, 所以無需理會, 因為不會"大量"積存死水死位, 不會構成重大的影嚮!

懇請賜教!

我想問點解O2加魚屎會變成NO4既?

此外, 如果 o個個位冇水流, 照理唔會有幾多O2過喎.

仲有, 我又唔明唔用底板點解會有更少的死位. 照理無水流先會有更多死位o架.

其實我都好想知道個原理.

1,對,理論上ok,但實際上好困難,就好像人都可跑得和車一樣快.但事實呢,?
2.理論上都對,但都有空間.日子一長,積少成多,一樣反缸,大自然冇事,因有生水不停更新,而我們不能,因我們不能開水長流.
bebe,:一種化學反應
有水就o2.多或少問題
空間少,死位少
ps:己改名小二

各位好，小弟是新加入，對隔屎板有以下見解，因小弟已養"咸"水魚十多年，水草是這三數年才開始，但對隔屎板也有以下經驗。
隔屎板之應用可分為兩類，分別為入水式和抽水式之分，如hkseaming兄所講應為抽水式，水泵從隔屎板經砂泥把水抽出，好處是"快"，如果應用得好36"缸在兩三小時內應該變清，但長遠會有問題如hkseaming兄所講：積蓄死水、魚屎會形成no4.、泥沙變硬。因水經沙床到隔屎板然後經水泵排出，加上地心吸力，沙泥會越來越硬，沙泥變硬，積蓄死水，魚屎會形成no4......等，只要一翻起泥沙，多年積下之毒素死水等便爆發出來。在水草缸中用抽水式隔屎板本人不能說一定會有以上問題發生，但在"咸"水缸中就經常發生這問題突別一些養"咸"水新手。
机於以之原因小弟反而見意用入水式隔屎板，其實只不過係一個從沙床中把水抽出，而一個係把水泵入沙床，好處在於不會把泥沙變硬，加快魚屎分解，同時沙床變得比較鬆軟，有助根部發展，但也有缺點，因為把水泵入沙泥中，泵入之流量要剛好，如果水流太大會翻起泥沙，到時真係飛沙走石，同時開缸時間比較長，可能要兩三日水才會清，不太見意用於沙缸如荷蘭沙，因小弟試過較果麻麻。

公子有禮!
謝謝您的見解!
好想試下!小弟用黑鋼沙, 用隔屎板, 用抽水式, 如果要儘量避免上述問題發生的話, 誠心請教有何高見?

想要以上情況不再發生,就要1)近水泵厚沙.遠泵處簿沙.2)不停翻沙,如15日,30日.........
但小弟以前做過,都好難做得好,但願GL兄大攻告成,告知小弟.
謝謝!!!!!!!!!!!!!!!!!!

GL兄你好
小弟見意不如改用入水式，加個潛水泵落隔屎板就O.K.，留翻個濾水做D水流，因為入水式係只有好少水流，千其唔好用太大水泵，我有個24" 陰草缸只係用100L/h潛水泵已經有少少飛沙走石，如果一定要用抽水式，老實講都無乜辨法，因為係天然缺點，其實如果有留意魚街D魚檔好多都用抽水式無論"咸"或"淡"，因為"快"而且平，所以以前D人養"咸"水都好樂意用抽水式，但只要翻起D沙泥D魚就好容易生白點，所以當時只有清缸養水(魚缸內乜都無只用隔屎板濾水)，增加硝化細菌於沙泥中數量到飽和情度才放魚，但這要花好長時間，如有見舊文都應該知硝化細菌不能在無條件情況下增加，短都要兩三個月、長的話我見過有人清缸養水養一年，所以後來才有入水式(其實呢個名式我自己作，叫乜我真係唔知)，但因為無乜水流，仲有比較慢所以要配合其他濾水器以增加水流，而且隔屎板仲有一個缺點係唔可以加其他濾材，如活性炭、生物環、火山石、還氧樹脂.....所以不能單用隔屎板，只能當作一個大形硝化細菌過濾器。

公子兄.
不知你有否做過實驗,入水式只好過抽水式少少,在水向少阻力位流的原則 下.怎解決死位問題.謝謝.

公子有禮!

Sorry 小弟表達得唔好!應該係塊板的喉管連接外置筒形濾水器吸入濾筒運作!再由另一面自雨淋管從水面灑水!不知這樣是否可以?
請賜教!

其實不關喉管連接哪裡的問題,因都解決不了死位問題,不知有邊位高人可一解小弟多年之煩惱,謝謝.

GL, hi hi hi ...你好..看過你一編以下的文章 :
獲益良多, 謝謝指導!
小弟正打算下星期用38cm高(60cm寬, 43"厚)的缸試玩, 只用一枝36w的PL白光燈!缸內亦會加入此種濾底板, 底板將接駁外置式筒形濾水器, 方式為底抽水, 上以雨淋管出水, 底沙的舖排次序, 由底至面分別為:

1)濾板--接駁外置式筒形濾水器, 高度約1.7cm。
2)紗網--防止微粒倒塞底板入水口。
3)黑鋼沙--微粒較黑泥粗, 先舖一層墊底, 高度約1cm。
4)基肥--擬採用Dulpa Root, 隨便灑在上面, 平均一點即可。
5)黑泥--加不加其實無所謂, 但多了出來, 就把它用完吧, 也有可能在缸中的某一處角落, 全部使用, 用以種植不同條件的水草。
6)黑鋼沙--取後一層, 比較厚, 達5~6cm。

對於上述舖排,以及隔屎板的使用, 不知大家可否提出意見, 如果方法正確, 好讓小弟及時作出更正!謝謝!
_______________________________________
本人也打算種草...但正在考慮應不應用底板...看過你這文章之後...想參考你一些意見..
想問你以上的舖排有什麼效果...

thank you very much ....