水草情迷

我個缸24吋, 開缸第四日, 密植水草, 第一星期每日同步開燈開co2三小時, 養了三條金青苔.

不知何解, 每開co2, 魚就唔掂. 尋日一條伸左大半個頭出水面抖氣, 我以為佢身子弱, 係時候汰弱留強 (另外兩條沉左係水底). 點知今日三條都反晒肚, 為救佢地, 唯有暫時搬左去金魚缸(雖然明知佢地會咬金魚). 一入金魚缸, 班友就翻生, 仲狂食金魚缸既青苔(呢個都係我既目的 ).

點搞呀?! 我今睇番d舊post, 仲有人教話要長開co2, 唔使打氣都得. 諗住試下, 但d魚一掂co2就反肚, 點解? 可以點做??

請問你開幾大CO2呀? 唔係好似氣泵咁大下話?

每秒兩粒.

如果你唔係好多草出泡既話(即係唔夠氧氣), 咁就要開氧氣pump啦

應該唔關 CO2 事, 可能你唔打CO2佢都一樣結果!

照你所講個缸只得24",兩秒一粒咁就差唔多.

如果你唔係好多草出泡既話(即係唔夠氧氣)
d草出泡唔等於唔夠氧氣;當光合作用做到o既話,而d草已經到左飽和點後,就會出現冒泡o既現狀.
咁就要開氧氣pump啦
當發現co2過多,應即時換水會比開氧氣pump還好.

我會"賴"co2, 因為未開之前, d魚十分生猛, 一開co2, 睇住佢地跌watt, 最初好似飲醉酒, 跟住開始反肚. 而家我放左佢地落金魚缸, 佢地一落去就生猛番晒.

d草勁嘔泡喎, 得果三條魚毛仔, 點解都唔夠氧氣? (我未開co2前係開氣泵, 停泵就開co2. 我唔會兩樣一齊開, 因為只會浪費d co2, 而且好多人都唔開氣泵而長開co2, 咁點解人地d魚又冇事?).

如果水流唔夠，都可以係缺氧原因之一！

新開缸...?
會唔會係你個硝化菌系統仲未完成呀...?
亞麼尼亞或者 NO2 仲係過呀...?
你 test 一0下睇睇...

初開缸D水草還沒進入狀態，所以水裡的氧含量不高吧！

小弟不太建議在開缸的頭一兩個星期落魚，兩星期後待水質穩定了會好很多呢！

其實只係落左三條cheap cheap工作魚試水. 同埋俾人嚇得多, 好驚新缸即刻生藻嘛. 我估我會試下開細ｄco2, 睇佢地頂唔頂得順.

因為草有d黃, 我睇好多舊文話試下加多d co2...咁我梗係顧左d草先架啦....果三條野而家係金魚缸不知幾happy, 因為個缸勁多青苔....希望今晚番去唔會見到金魚屍橫遍缸(不過d金魚大條過d金青苔好多, 應該唔打得都睇得).....:p

金魚?養草?加co2, 2泡/秒? 感覺幾得意喎!

直覺告知小弟, 反而d金魚可能會頂唔順d CO2喎!

最後, 小弟還是勸你test清楚你個缸的祕數先啦!

唔係, 我另外有一個金魚缸, d金青苔係由草缸"筆"左落金魚缸. 金魚雜食會咬草, 我諗我唔會咁大方拎d草餵金魚o羅.

幾得意? 有咩得意呢? 好似呢度d人都係咁咋喎.