[討論]想開蚊型水草舖！比的意見喇喂！

tommy fu · **註冊時間:** 2003-03-06 22:23 **文章:** 171

Kelvin.K 寫:

小弟覺得如果間舖開係d唔係太多人地方,但又要賣器材,魚,草,係會比較難成功,因為冇咩重點可以吸引人去睇,冇人睇就冇人買野..仲要冇咩人去.而家仲有太多朋友送草送魚.生意會仲難做.如果真係要開都唔好係荃灣開.因為已經有4間啦.最好都係係網上做下生意仔,post d相,如果有人要先賣.好似van兄都做得幾成功.(如果有咩地方得罪.請見諒)

小弟都應同講法..正所謂人流都係一個重點..而家今時今日做生意重慘過打工..有個後生朋友渣的士都囀行讀培訓做看更五六千蚊.無辦法無人咁消費..加上非典形,又打仗..

鯛兄 · **發表於 :** 2003-04-08 19:09

其實你心目中預算係幾多$,不如講出嚟大家同你計一計!
睇吓可唔可行.

漁民 · **發表於 :** 2003-04-08 20:42

首先多謝大家比左甘多意見我，有一問題想請教Kelvin.K兄，全灣已經有４間水草舖碼？請問在那裡？

魚周兄、我預算拿１０萬元出來，讓我自己預算也計出來跟大家研究研究：
以一間約２００平方呎來計：
裝修人工：＄２０００（大部份食自己或叫朋友幫手）
裝修物料：６尺寬３層架２個、角鐵連木板（＄１０００）
　　　　　二手２匹分體冷氣＄０（朋友送包安裝）
　　　　　４尺缸２個、２尺缸２個、１尺缸６個＄估約１５００
　　　　　全店油克油、油費＄３００（食自己或叫朋友幫手）
　　　　　水電工程、料１０００（做食自己或叫朋友幫手）
　　　　　燈具３支鹵素燈水草缸用、６個T５燈盤舖及水草缸用
　　　　　共約＄４０００
　　　　　國產濾水４個＄１５００（水草缸用）
入貨　　：草＄１０００
　　　　　魚＄１０００（唔賣魚周）
　　　　　泥＄２０００（自用及守門口）
　　　　　其他（草肥、糧）＄１０００
　　　　　國產濾水４個＄１５００
　　　　　魚缸＄２０００
每月電費：約＄１５００（己計算）
每月水費：約＄１５００（斷估）
開業租金：＄５０００x３個月（租、按金、上期）
人工　　：＄５０００（請人賺職）
好似漏左好多野、請先人引路。

嘩！第１個月已經無左約＄４３０００

每月支出：電水費＋租＋人工＝＄約１３０００

每月估計賺：　

　　　　　　大家自已計計，如果我要１年內回本、每月至少淨賺約　　　　　　　＄１５５００、我點計都無信心賺到，今晚可以早些沖涼　　　　　　訓覺，明天準時返工博老細好感、希望唔好甘快炒我！講　　　　　　笑）

等我今晚再度一度先、大家請大力比意見！

　　　

BigPan · **發表於 :** 2003-04-08 21:04

我不是玩

鯛兄 · **發表於 :** 2003-04-08 21:09

仲有商業登記$2000幾未計呀!!
如果睇到你入貨list就覺得太少嘢la,你唔覺你list出嚟d嘢
好無吸引力咩?
仲有你話賣d DIY T5管,又要存貨同$架!!!

tommy fu · **註冊時間:** 2003-03-06 22:23 **文章:** 171

鯛兄寫:

仲有商業登記$2000幾未計呀!!
如果睇到你入貨list就覺得太少嘢la,你唔覺你list出嚟d嘢
好無吸引力咩?
仲有你話賣d DIY T5管,又要存貨同$架!!!

開頭做生意可能入少少貨賣或者摸熟左可能再加添呢..人地有心創業應該支持下既.有邊個初做生意入大量貨呢..唔怕扎貨咩..小弟都係做生意.做生意基本條件就係封左蝕本門最重要...仲有接觸客路多左就知自己入d乜貨...賣.商業登記必要添啦..所以話有後備流動資金..所講十萬蚊去創業起碼有3-5萬做流動資金..小弟己創業五年都係死守.餓唔死飽你唔死(手飾行業)..漁兄做法我諗貨滾貨,唔係就死緊.

漁民 · **發表於 :** 2003-04-08 21:34

係wor！

主要既貨都末入，入埋咪每月起碼要淨賺２萬先回本。
甘我穩曰將d錢過澳門玩舖百家樂好過！但以我甘計都要２萬，甘魚街唔怪得要扼拐騙先可以維生。

neil · **發表於 :** 2003-04-08 21:50

我覺得如果要開舖就應該開係新市鎮,因為會有多D人新居入伙,多D人買野,購買力都勁D.

鯛兄 · **發表於 :** 2003-04-08 21:56

.
tommy fu寫到:開頭做生意可能入少少貨賣或者摸熟左可能再加添呢..人地有心創業應該支持下既.有邊個初做生意入大量貨呢..唔怕扎貨咩..小弟都係做生意.做生意基本條件就係封左蝕本門最重要...仲有接觸客路多左就知自己入d乜貨...賣.商業登記必要添啦..所以話有後備流動資金..所講十萬蚊去創業起碼有3-5萬做流動資金..小弟己創業五年都係死守.餓唔死飽你唔死(手飾行業)..漁兄做法我諗貨滾貨,唔係就死緊.

我並係唔支持人地創業,我都係自催僱人仕(時裝界),做咗7年,我
只係想話比漁民兄知,人地賣魚,自己又賣魚,點樣突出自己先有生
意呢?等於你去街市買菜都揀擋新鮮d正d先買la,呢d咪就係吸引力
law!

tommy fu · **註冊時間:** 2003-03-06 22:23 **文章:** 171

鯛兄寫:

.

,點樣突出自己先有生
意呢?等於你去街市買菜都揀擋新鮮d正d先買la,呢d咪就係吸引力
law!

鯛兄吸引力一定要啦..我話創業第一步做法..就算有吸引力可能人地頂難市,鬥平..平2-30蚊都好難做.香港人心態係今.例如一件物品同一樣貨式,你賣$100,人地賣$80比你幫親邊間.當你係消費者比你選擇..

龍少年 · **發表於 :** 2003-04-08 22:46

漁民兄，自古成功在嘗試，如果對自己的計劃有信心，一定會成功，如果不行出第一步，也不知下一步發生甚麼事，我覺得只要不時按自己訂下的每一步計劃及目標作出檢討，作出修改及配合市場的需要，快人一步，先知先覺，一定可以成功，預祝你一帆風順。

查你事 · **發表於 :** 2003-04-09 12:01

漁民兄,唔知你會知會賣紅蟲,因為而家好似冇乜地方有得買,應該幾好賣,可以諗下!

鯛兄 · **發表於 :** 2003-04-09 15:00

意見大家都比唔少la,開唔開就自己決定la,支持你呀!!!!

雷獸 · **註冊時間:** 2002-11-25 08:53 **文章:** 375

之前唔係好耐，呀owen兄post過一個有關魚街創業的有線財經節目，對你來說可能有d幫助，你可以看一看
http://www2.aqugrass.com/phpBB2/viewtopic.php?t=9848

wilfred · **發表於 :** 2003-04-10 10:34

查你事兄所講:
漁民兄,唔知你會知會賣紅蟲,因為而家好似冇乜地方有得買,應該幾好賣,可以諗下!

賣魚糧不論生或乾，相信都係非魚街魚店的主要收入，起碼固先定一班熟客，而且利潤也相當不錯。
試想想，有無見過街市魚店經常有小朋友或大人買魚或睇魚？通常都係買魚糧。因為佢地主力賣魚糧，跟本無想過賣魚，只是求其入些平價魚算數，但係又可以支持成間舖，所以賣魚糧一定不可忽視。再講，五蚊紅虫，在街市買有幾多，同魚街買又有幾多，就知非魚街魚店賣魚糧的利潤有幾勁。
以上，只是小弟對支持賣魚糧的小小愚見。

水草情迷

[討論]想開蚊型水草舖！比的意見喇喂！

誰在線上