水草情迷

小弟本是電器工程仔一名，因為我已算到本人約4個後將會有一場大劫(炒魷)，而己覺得工程以很難做(人太多、工程少)，於是我想把心一橫想轉開蚊型水草舖。
本人以前也曾創業、但衰左，當時女朋友變左黑白天鵝(早知叫左你.....................>_<,嗚)，噤唔好彩現在結埋婚，我再唔想經歷那些曰子，所以跟老婆大人商量後，想開一間蚊型水草舖算喇(犯少口的老本)，構施告下：

地區：美孚或全灣(近本人住所)
舖位：約200平方呎地舖(希望租金有$5000樓下，可守一年)
主要售賣：T5燈盤、鹵素燈(因工作關係、本人買燈是工程價、所以可以賣得好平及訂做)、水草(自已培植及少量入貨)、濾水器(賣國貨)、少量水草必須品(如泥及肥)、少量魚缸。
舖內罷設：4呎水草缸一缸做陳列、笑容免費供應。

至於其他收購2手魚用品(可寄賣、淨貼相?)及回收水草(買$10棵?、收$5棵?)可以考慮，(因舖細及人手問題)。

請比的意見、冷熱水不駒、功德無量。

應該又是一個hit topic.
第一個感覺是不應以住處就開店位置... 要睇適唔適合做該行業
第二, T5燈盤、鹵素燈等要做得有特色, 如果可以提供較平的技術及意見, 會比較吸引.

之前有個類似的topic, 唔知你有無睇過呢?
http://www2.aqugrass.com/phpBB2/viewtopic.php?t=8319
他們有很多不同的意見, 不妨一看, 可能有用

個人意見:就算唔想買野都想睇多d野,係美孚或全灣開店,比你會唔會去嗰度睇野(除非住響嗰處)

同意ar... 除非好有特色及魚街或其他地方找不到的東西又或平好多就會專程去...

租金問題好大喎!$5000樓下仲要地舖,商場舖都無la,有都要去到
d山卡啦地方la,我都想揾間ar(hehehehehe)

網上水草店仲有得諗喇, 諗下!!

做做下真係做得過再開鋪囉

開舖開係自己附近最好啦...慳時間.慳車費..但D人消費係魚街兼集中地.所以個人應為可以考慮上樓舖係魚街..當你按金,上期,小小裝修下,入小量貨賣.都要十雞野留下啦..加埋流動資金..小弟意見魚街有得做既.眼見魚街有兩間即將開業.但唔知賣乜.水草定咸水...

各位前輩，其實我知開響人流多的地方好，但貴丫碼。

其實我又想，粉嶺、沙田、牛頭角、葵芳、甚至紅勘都有人夠薑開，而且還健在，正所謂大有大做，小有小做，亦都唔會有人保証於魚街開一定賺梗，成功與否實在有太多因數存在，如果我用熱誠既態度、親切既笑容、便宜既售價、再加上靈活的經營方法、去搭夠地點的不足，這樣得嗎？

請各位再多多指較

有一個問題，
你賣果ｄ主要為器材多,
但會好易做完一次生意就斷架喇．．．

例如一支燈有幾可壞．．．
　　魚缸都唔會成日買．．．

魚同草都ｏｋ．．

建議賣ｄ套裝野，
等ｄ人行過，（新手黎）
想養又唔知點做時，
見到你一套過，乜野都有
唔駛煩，俾一個價就可攪掂哂
就會有新血買野，條水路比較好些少．．．

（以上係一個水族館老闆同我講佢既經驗）
仲有有可能就自己去訂魚ｏｒ搵魚場,
因為個老闆同我講,
依家d魚俾某幾間大野包哂(包括發達魚．．)
ｄ價錢佢地話哂事~~

唔奇得香港d魚貴過深圳咁多!

唉, 這個操縱市場手法真係可悲...... 不過有一些魚店試圖打破這個局面, 可惜得不到支持...

畢竟而家市道咁差,打份工都擔驚受怕,有一個預算咁去創業不失為一個出路,而家租金各樣都平左,都可以一試,唔試就唔知,無人敢肯定話攪唔成,鋪位方便等如粉嶺都有人專程搭車入去,況且總會係附近有人養魚卦,加上網業可提供資訊俾大家,不妨一試,最緊要係有預算囉!!!

不如試試港島區, 好像除了柴灣中興,筲箕灣8號,西灣河中興,港島區好像找不到又有魚又有草又有器材賣嘅地方 還是我沒有發覺呢?
雖然我已經搬左去將軍澳!

小弟覺得如果間舖開係d唔係太多人地方,但又要賣器材,魚,草,係會比較難成功,因為冇咩重點可以吸引人去睇,冇人睇就冇人買野..仲要冇咩人去.而家仲有太多朋友送草送魚.生意會仲難做.如果真係要開都唔好係荃灣開.因為已經有4間啦.最好都係係網上做下生意仔,post d相,如果有人要先賣.好似van兄都做得幾成功.(如果有咩地方得罪.請見諒)