|
我想養一個混養缸(水草+魚),
我已經搵左好耐有關水草方面o既知識黎睇,但係都係有d野唔係好明,希望各位可以教教我~
我諗住買一個18吋左右o既缸,
about水草: 我會選擇陰性草,因為我聽講陰性草唔洗用co2都可以,我都唔係咁想安裝co2.但我想問一問係咪真係所有陰性草都可以唔一定要用co2 o既裝置都可以生存,什至成長?!會唔會話有某幾隻唔可以?因為我都想用多d草去佈置一下個缸.
about過濾: 我知道養水草最好就係用濾桶, 如果照18吋呢個size o既缸,咁我需要用邊隻濾桶? 501呢隻迷你o既夠唔夠??同埋我想養一隻泰國鬥魚o係入面, 鬥魚係唔鐘意好急o既水流,咁比起其他過濾,濾桶o既水流會唔會好急嫁??定係比較溫和d?
about底砂/土: 我聽講過陰性草唔一定要用底土,用底石/砂都可以種到,其實係咪呢?!因為底土好似好難打理,清潔比較麻煩..但如果真係用底土,清潔時應該點做先可以清潔得好但又唔會塵土飛揚??各位可唔可以推薦一d岩用o既底砂/土比我?
about照明: 我成日睇到d人問應該用咩燈,我知道w數可以點睇,但其他野真係唔明.其實要有好o既照明,應該用點樣o既燈?!因為都睇過書話,家庭用o既照明燈係唔適合水族用.魚街買到個d燈係咪全部都岩水送用?會唔會有d唔適合?
about打氣幫浦: 因為我都睇過話如果個缸有水草,唔打氣ｄ魚都生存到,係咪真的?! 如果用打氣幫浦會唔會影響到d水草? 因為我都知道濾桶只會提供好少,什至唔能夠提供氧氣到水入面,因為係密封式o既, 如果唔用打氣我好怕會整死d魚,,但如果用,好似又會影響水草生長,因為聽講太多氧氣會迫走d 二氧化碳. 仲有一個令我不解o既係,濾桶已經帶唔到d氧氣入去個濾桶入面,咁未好難形成到一個好o既化學過濾系統lo?! 因為聽講硝化菌係好氧的. 咁其實打氣幫浦係咪必須o既呢?冇左好似好多問題咁bor...
我知道我都有好多問題, 希望大家可以不厭其煩指教指教一下我!!
我真係勁想擁有一個自己o既水族世界!!!
唔該曬!!
|
登入
註冊
問答集
