edwin21 寫:
點解會變成咁呢.....開始好好地咪好囉......
人地好有心機教你.......冇謂咁啦
我都明白樣樣好似都要換新.....好似唔合性價比.....
人地只不過提供最好效果的方法俾你.....可以做到接近最好.....如果有最好既緊係俾D最好意見你姐
方法你唔一定要用....我都好讚成你去TRY ......如果冇人去TRY .....點會出D好方法呢
不過有D野真係換左去好過啦.....
好似泥咁.....你用得太耐真係老化了.....可能你d泥未到啦.... 用得耐泥開始冇營養,開始融解變粉....變得開始唔疏水....積累毒素....你一唔小心翻泥or太耐你成缸都係毒啦....
你話冇營養用你方法加根肥唔係唔得,不過唔係長遠囉..(唔夠營養,只會越加越密).....你加得黎條數都可能係包泥價錢...而且換一次又幾年先搞(DEPENDS ON 你有冇加基肥,加 5 寳 OR 你既方法去減慢老化)
最大問題係變粉......依樣唔係話你唔想換就可以(你變唔返原本咁MA) unless 你唔再玩姐......
光既問題真好複雜.....唔同植物需要唔同波長.... 6500K只不過係接近日光所以好多人用....對草比較好.....唔係10000 唔岩用.....可能你種D適合呢....我唔知呢
你想下大自然.......;由光>>>>>最光>>>>光>>>>>暗........咁CYCLE..... 而且有陰天又冇陽光既日子.....就算俾破壞都有復原既時間..OR 唔真係日日都咁長時間吸引 (我依樣唔清楚啦, i am not a plant)
但魚缸日日都咁曬法....咁穩定光源...... 10000 可能就係吸取太多其他光....所以先冇咁靚,唔夠靚(我唔係SAY唔得,唔靚呀)(靚既定義個個都唔同既.你要咁,我要咁,真係唔知邊個先係靚)
學術上我真係唔識同你講.......如果識 我開TALK,去教人,去研究
最後係你態度問題啦.....你唔岩哂.....佢又唔岩哂.......大家都有唔岩.....和和氣氣咪好囉......大家都討論....都係想整好個缸姐....我明你既......用最少既成本發揮最大既效用丫MA
玩缸要有耐性既.......唔好俾人嘈 2 野就爆先得.....咁先做好件事
我雖然最初講野係有些少怪責果位fishman的成份，但係我都有多謝佢的意見先，再發表我自己的意見！不過只係有人話我乜話我物，而d版主又唔出來調解，最後先搞到咁姐，好似你而家先出來講番d咁野，早一d有你d中間人出來就無咁易發生呢d咀鬧事件！
既然果d泥或者係無一種泥係可以長時間用，又或者無咩好方法另d泥保持長時間都無問題，而你又解釋得咁詳細，我當然會選擇再養唔到之後就唔養，呢個選擇做版主應該會向一d新手講解一下，咁若然呢度d版主大多數都只係提供最好的方法，咁我當然會去其他地方問下啦！不過我自己的意見對你地討論區係有好處，有多方面的意見會俾到多方面的會員！
致於植物對光的反應，大家作為人類當然唔知點係最好，而學你話齋唔同植物都有唔同需要，咁作為版主都要詳細解釋一下俾d新手聽嘛，淨係得一句10000k唔適合水草，去搵6500k，試問點另人信服呢？
我係我自己的專業都係版主，我都會留意住d會員討論成點，一有咩事就出來調解下，最主要一點就係︰會員講咩都得，第一戒條就係唔可以有針對或甚至侮辱其他會員！但我自己做會員就會無咁忍吞氣吞聲，有咩唔合理我都會問下講下，可能用詞會比較直接同有d怪責的意思，但以純文字溝通就有呢個幣病，所以做版主就會慘d，因應唔同情況用唔同方法去調解。
登入
註冊
問答集
