水草情迷

用10000k種植唔係唔得o既
只不過種出黎形態同6500k唔同
而且人眼睇10000k照出黎o既野顏色無咁好睇
另外UV會破壞葉綠素所以唔係光合作用能源

水冷係十幾尺外就真係好麻煩
缸-->前置桶-->水冷-->櫃底上水泵or濾桶
咁樣可以試下
不過水冷要改外置測溫
同埋喉要包上保溫

岩岩睇完咁多偉論, 忍唔住去其他地方求證一下, 搵到一幅咁既圖
http://www.tbs-aqua.com.tw/data/encyclopaedia/research/317/Content.png
圖二入面藍光波長好似比紅光波長更吸收....
大家可否討論下?

又想請教一下有咩形態上唔同呢？可唔可以詳細講下呢？等我地d新手學下野！
你話人眼睇10000k照出來d野頻色無咁好睇！又想請教一下點樣無咁好睇？
若果uv會破壞葉綠素，咁太陽光含有咁多uv，豈不是將d植物破壞晒？所以又想請教一下這是甚麼理論？

我唔識形容喎
不過我自己用過
T5HO 10000k/6500k
T8 ada 6500k
HQI 6000k
四種光照所種紅宮廷係唔同樣o既



的確好唔好睇好主觀o既
或者有人對紫紫藍藍有愛也未嘗不可



你講得o岩喎
如果無左臭氧層咁d植物就真係破壞晒架
我有科學文獻支持
你自己睇勒
http://eskorska.zut.edu.pl/es-99.pdf
http://books.google.com.hk/books?id=eZ2 ... ct&f=false

其實Fish Fan 兄都係好意！
不過各施各法，前輩留落d經驗，參考吓無壞！

其實當初分兩段時間開燈，係想無禁容易生藻！(其中一段長時間，係唔想d草追光，因見你的矮珍珠有d追光)
你個case 如用2211 拖150 最好最好改支溫控探頭入缸！(最多部機著時間長d，不過怕你室溫上升)！
如果你覺得拖完水冷，水流唔夠先換過濾都未遲！

Have fun!

唉﹗而家D細路，睇左一兩篇文章，就斷章取義，以為已得個中真締。問題出左黎，就响自己個井底搵原因，人地講既唔啱佢心意就將矛頭轉向攻擊人地既睇法，唔記得左係自己個缸有問題。
唉﹗矮珍珠係貼地生架，生到向上，梗係光有問題喇。
唉﹗算喇，支矛又預備飛過黎。

之前已經覺得"fish fan"師兄好肯幫d新手,我都受用唔少,睇完o尼個post之後,更
加覺得"fish fan"師兄非常......非常......有耐性,抵我甘服你!
(ps.之前睇到"老師"覺我o尼度變左質,有d意興闌珊,之前唔明,依家明晒)

我就唔想睇你d乜野科學文獻，我淨係想問而家重有臭氧層啦，咁太陽光有無將d UV光照射到去植物上面？就係唔簡單一個問題！如果係有你就唔能夠話UV光會破壞葉綠素！

你估你又好醒呀？鹵素燈無紫外光！邊個人個缸無問題？你咁醒又唔識答？

D矛唔係飛過來，你自己插自己姐！

其實你知唔知鹵素燈既紫外光點黎
普通光管點解又無紫外光?

UV 燈可以收拾綠水就係UV 可以破壞葉綠素既其中一個例子

唉﹗香港教育失敗又一明證，咁淺既中文都睇唔明。
邊個話鹵素燈無紫外光？我係話佢既好處唔係响紫外光度。
紫外光會引致個缸爆藻，紫外光唔係鹵素燈既優點，係缺點。


咁又係，特別是個個星期要剪草呢個問題真係好大。
不過，你一定無呢個問題，你D草會自然死亡。


答就答左架喇，不過你睇唔明無法。唉，失敗的香港教育。

都唔x係路，係度搞個人針對，真係採你都傻，呢個係我最後回覆，省番d氣暖下肚！咁x叻自己寫晒佢，呢度d版主都唔出來講下野，搞到呢度咁樣，唔怪得無人氣啦！都係搵過第二個地方無呢d咁樣d衰人嘈生晒好過！超！

嘩﹗咁失斯文呀。
重要惡人先告狀。D網友熱心地答你既問題，你用乜野態度回應。就算人地講錯，你都唔應該咁既態度，何況，你自己不學無術，用埋D騎呢理論黎攻擊好心答你既網友。
你怪網主無出黎都無錯既，但係網主出黎都應該係封你既POST，你咁既態度，似搗亂多D。
講人唔掂，一走了之都啱既，不過我係你就努力鑽研光學，睇下D窒到你無晒聲出既人錯响邊度，以報一箭之仇。
不過，估你既學習態度，都係蜻蜓點水咁，努力學習？都係唔啱你既 style。