水草情迷

我係新手，玩左半年到，16"水草缸，上兩個月由掛濾轉左濾桶，開頭都幾好，d水好清，但係個濾桶成日噴d氣出黎，水面又出現大量油膜，每3-4日換1/4 - 1/5水，但係油膜都不斷出現，而且都幾厚下，試過買d浮萍番來吸都無用，而且仲枯得好快，想問下點解會咁既呢，係唔係個濾桶既問題?油膜既成因又係咩呢?

另外，我最近兩個星期買左d新魚(10胡椒燈+2金胡子+1飛狐+1鉛筆)，對左4個鐘水先放缸，開始幾日都好好無咩事，但係之後就一條一條咁死，3-4 日差唔多全部死晒，連我養開果d都死左好多，計埋差唔多有20條到，唔係白點，死後腐爛得好快，半日未到就見佢腐爛晒，特別係個頭既部份好似比人head shot爆開左咁，眼又突晒出來，比平時既死相恐怖好多，到而家都仲係一日死1-2條，完全唔知點做好....請各位高手教下小弟邊度出左問題，同埋可以點做....感激萬分>.<...

16"缸
ed511 濾桶
自製co2
ph 5.8-6.2
溫度25-28
開4-6個鐘燈
2代底泥，無特別加肥，黑鋼沙面

死後仲有冇色？

_________________
Bye Bye Mash BB! 你要保重， 你永遠係我既乖BB。

本人多年前因加了袋裝魚, 也遇上這 SARS 事件, 魚魚連死近三星期, 死了近三十多條

建議...什麼也不好做, 只好定期換水, 先過一頭半個月等水質定下來才再算

油面係正常現象,你用吸油器就可了.
看你咁講d魚應該帶了d菌入缸.一買新魚就有機會.
不過你這情形是很少會出現的,機會很少,但都有機會.
只可說你唔好彩.因為我以前都試過一次,慘

感謝大家既意見~~小弟因為係新手，好多野都唔係好知，希望各位高手可以教下我，等日後唔好再發生呢類sars事件...>.<...始終魚都係有生命的...唔希望佢地死係我手上...

留意左幾日，見大部份魚死前都會突然淺色左好多，之後一日內就會死，死左都仲會有少少色，唔會白晒，不過個頭就會超快嚴重腐爛先(以前d魚死時都係全身慢慢腐爛)

我好少買袋裝魚，通常都係一條條買，覺得好似健康d，而家咩都做唔到，希望過多幾日會好d

我以前用掛濾果時一d油都絛架喎，why轉左用桶濾先有呢? 係唔係同個桶濾有關? 如果係咁d油係點產生出黎架?
可能真係d新魚有菌，但係通常係d咩菌會咁勁呢? 無藥缸既情況下可以點預防?

感謝感謝!!!

我既習慣係....
一般買新魚時,會睇下成缸魚既狀態,覺得成缸都健健康康先會買
返屋企成袋放落魚缸對水,加小小tdc落袋...
然後每十五分鐘到加小小魚缸水入袋,(入缸前半粒鐘會加dd維他命)
大概兩個鐘左右用生仔隔開d水,然後放佢入缸(一般我會熄燈先放入缸,等佢地無甘驚)
so far新魚都無咩大問題..參考一下

your configu is:

16"缸
ed511 濾桶
自製co2

Would it be night time Co2 kill all fishes... since the ed 511 is weak... not enough current and maybe Oxygen level drop...?

or those DIY CO2 chemical was sucked into tank?

會唔會co2過多？
吸水管將過多的co2吸入濾桶，破壞左消化菌的平衡。
而排水管將濾桶的水排出時，又帶左co2出來，
會變成好似出氣的形象。

因為我係聽你講水面油膜過多，先會咁諗。
有錯唔好插呀。

應該唔係co2過多，因為都只係2秒一個泡...可以話太少就真...而且我試過唔用co2幾日，d泡都係會係濾桶出口噴出黎...d魚又無浮頭，應該唔會唔夠氧，吸水管同co2出口位都有相當距離，應該唔會吸左入去...

不過都多謝各位既意見^^，可惜仲係未知個問題所在(特別係油膜同濾桶出口噴氣問題<--成鬼日嘈醒我= =)

其實除油器用入水口果邊果d好d，定係出水口果d好d架? 打氣果d又好唔好既呢?

水面油膜的成因與解決方法
一般的水草缸，相信都會遇到水面出現一種類似油的一層薄膜，無論除去多少次，結果都會再出現......這層真的是油嗎﹖﹖如不是油，又會是什麼東西﹖﹖﹖

其實這層薄膜並非是油的膜，而是無數蛋白質的微粒，暫時在水面上漂浮凝聚，令人看起來好像有一層油膜漂浮在水面一樣。但那些蛋白質的微粒從何而來呢﹖﹖

水面油膜（蛋白質的微粒膜）的形成原因：
1. 現時最常用於養魚的飼料中，大部份都含有40-50%的蛋白質。而蛋白質可分為易於被魚消化和不易於被魚消化兩種，如果魚糧中含有不易被消化的蛋白質，在魚的糞便中便會含有未被完全消化而不溶於水的蛋白質，這些疏水性蛋白質部份因為比重低於水而可以漂浮於水面上，這些蛋白質微粒便在水面上形成看起來像油膜的東西~~
2. 水草的新陳代謝，植物任何部份之腐敗，亦會分解出類似上述所提到的蛋白質微粒。

水面油膜（蛋白質的微粒膜）的處理方法：

1. 良好的硝化系統，係處理水面油膜的最好工具，奈何會在水面漂浮的硝化細菌少之又少......唯有想辦法將水面油膜送進濾水器內......
A. 裝置除油器，將水面水流引進濾水器內
B. 打散水面的蛋白質微粒，令其容易被吸進濾水器內，常用有兩個方法，都是在晚間關上二氧化碳後進行，避免二氧化碳流失
- 在晚間打氣，日間二氧化碳開啟前停止
- 在晚間將出水口提高至水面，日間回復原狀

2. 生物除油法：
A. 養一些類似黑魔利，珍珠馬甲等等會常於水面活動的魚，將油膜（蛋白質的微粒）吸掉。
B. 養一些浮萍類，或會浮於水面的水草，把漂浮的油膜（蛋白質）吸收掉。

這文好像解釋了油膜既問題...如已貼請刪~~

我試過發現冇養魚的缸，用掛濾，
一般來講，掛濾的出水都稍微高於水面，
沒有co2時，見唔到水面有任何油膜；
但有co2時，雖然co2較得很慢及很細，
水面也會有油膜出現。