水草情迷

小弟想養水草,打算做個150cm*50cm*50cm缸
打算陰陽都養,要d咩設備先得 ?
想有水冷同一次買曬所有合用裝備,因冇想買左唔合用又要換
預算8000-10000
唔知夠唔夠.?
如果唔夠都可以增加一點
請各大師兄比d tips..........

之前有冇種過水草?
如果新手一開始就玩5尺缸...真係怕你會半途而廢.
在開始前,先想清楚如何控制,打理,有沒有時間,打後的開支.
換水下下過百升.慘過做苦工.剪草剪到手軟,有沒有想像到?
唔想見到一個有熱情的草友因為以上原因而放棄.
因為會比想像困難好多.

回正題
1皮野真係可能唔够用.

燈最少 150W鹵仔X2 要平鴨記1000 要安全有牌子 3000+
缸+櫃 最平4000 玩5呎缸,一定想靘仔D啦 要白玻璃又要比多好多. 用普通玻璃因為太厚真係唔好睇.
泥十幾包又最少 1500
濾水器 要買最巨型又 2000
水冷最少又 2000
CO2 2手700
重有好多濕碎野...又2000!

15000元先剛剛好!
6呎缸要插草.. 除非有網友無限量供應你... 唔係只係前景都要買幾舊水...
想買一盤自然生滿...真係要非常有耐性...

還有石頭..沉木..最少又2000...

考慮清楚呀..

ococococ又唔好咁嚇佢，閒來可以起得個5'缸，屋企有翻咁上下大，身家有翻咁上下厚，一定唔會用二手野，d野加晒價，走走笛笛，加埋運費，再加2000，買喉買鉗、買錶買魚，冇兩萬銀唔好玩 。

各位師兄你唔覺個缸怪咩...........
5尺x尺半x尺半...........
尺半高..........剪草剪到傻啦

rinkai06兄你係咪打錯呀........

我唔想個缸又長又矮,所以有咁想法,如果覺得太高,咁有咩好提議 ?如果淺d是否可以唔用鹵仔??
另外,個水冷最好唔使放室外,因為預定個缸位置距離露台太遠...(超過20尺)

rinkai06 兄
原來係150cm 係高？.....................
咪玩啦
尺半長x尺半闊x5尺高................
個缸咁怪？

最機本有兩個問題
第一:咁深水，支燈火數一定要好勁至可以照到落底
150w唔知得唔得呢？(希望其他師兄解答)
第二:個缸咁既Size，你唔怕扮落黎咩？

如果空間係有限的話，你不如買呢個啦
(我自己覺得，你當然可以唔理啦。因為我自己都係用呢個Size既魚缸)
魚街有得買既
16吋x12吋x18吋
ok 架，夠你用，同你個要求差不多
希望幫到你

另外 立體面積係長x闊x高
你咁樣寫係人都會睇錯

再唔係返廣州花地灣買呀.....
水草一定會平香港好多
訂埋個缸連櫃, 租車運到hk 都得啦...

其實係5尺長,我以為師兄話1.5尺高度係太高,

尺半我又覺得差不多(最好兩尺啦)
不過一兩個月就要剪草
睇下你養乜啦
有D草生得慢就冇咁快囉
我幾鍾意養泡泡龍
三個月都冇剪過
生又生得慢
又有泡
你可以諗下
至於邊D生得慢又唔高既草
咁你就要比D心機
睇下其他師兄寫既野啦
我都係睇其他師兄寫既野學返黎(勁有用)

笑死我.......
都好嘅，調劑下，無咁悶

= ='

你第一之開缸? 還是之前有玩開?

因為差好遠~


150cm長.....好似長左d......


46'' 缸都夠玩'

五識甘長....

好似魚店果d甘= ='