水草情迷

都成個星期啦...d水仲係咁黃...... ,
我已經係咁日日加硝化細菌,不過就無換水!其實換吓係咪好d呢, 咁多位又幾耐換一次呀?另外除氯氣d寶品藥又需唔需加?因為我無加

新開缸係咁上下,等係必須。你個缸望落似用boyu桶仔過濾,似乎係細了少少。唔用除氯劑都得,不過用養水加打氣會好d。換水就因情況而定,一般一星期一次換1/4至1/3啦!

我用eden501, 我個缸得24吋長x12吋高x9吋深用緊aqua gem t5ho 24w x 2, ada黑泥!
請問係咪有咩問題?

成42L水係居然用501!
快快換個400l/h or 以上的桶.

日日加硝化細菌都冇用啦!! 你依家係水黃唔係水白呀嗎!! 勤D 換水啦!! 直至水開始冇咁快黃先開始加番硝化細菌養水啦!

_________________

"一起推動水族設景潮流, 集思廣益, 雅俗共賞。"

勤D 換水啦!! x 2

If new tank, try to change 1/3 water for every 3 days.

時間加耐性是而家需要的～

另外我d草草生得好鬼快, 你地話要成棵拎起剪個底, 要返個頂! 我跟住咁做, 不過次次做完個缸又仲黃!
其實我可唔可以就咁剪個頂! 好煩.....同想懶

用雙魚牌啦-.-" ..去搵下舊post~
仲有.. 我個fd 14 : 缸用501 都唔夠力..
你24" -.- ....
我24"用緊6xx L 流量..

其實你地成日話大水流會影響d草生長! 如果用400/l 以上咁咪成缸水既十陪? 乜要咁多咩?
我係新手, 勿見怪...

你D草剪平頭算啦,之後會爆頭生過嫁嘛~
等遲D剪多兩轉生得唔靚先抽頭剪底啦~

係咪ADA 1代泥？

死症....

空桶就400L o者，質滿晒就要打折架啦

水流猛可以有好多方法去解決嘛

我仲有個200/l 既國貨, 如果你地咁講我裝多個上去! 200+300都應該夠喇.. 如果買多個桶實比我個老佛爺鬧死 ! 咁我到時個桶, 邊個裝生物環邊個裝白棉, 定全部生物環?
你地一定要我呀

_________________
我個缸24"長x9"闊x12"高
石春仔做底
eheim 2217+MA 生物環2L M SIZE, 1L S SIZE+黑珍珠 0.5L
T5HO 24W X2
有: 5條米奇,1條小精靈,五隻橙啡迷螯,六隻沼迷

又係個句成日講既，唔知由邊個開始說要加硝化菌。

我認為一個缸除了開始時加硝化菌可能有機會加快N-cycle的成熟外，其他情況下加硝化菌是絕不需要，再說開新缸的最佳硝化菌源是舊濾材。買硝化菌添加濟是差不多沒有需要。

水黃加活性炭啦。水變清馬上移走。