水草情迷

絲藻,.莫絲 ,鹿角苔 難分難解,
18" 缸, 30W FL , 每星期換 1/3 水 2 次, 肥已減到1/4 分量, 魚糧3-4 日一次 2-3 分鐘搶食完畢.
5 條小精靈, 4 紅蓮燈, 4 細鼻, 4 SEA, 2 鉛筆, 我吾覺得鉛筆吃絲藻,
唯有每次換水用夾同拉走絲藻, 鹿角苔 散, 莫絲 難離, 怎辦?
要全部放棄???

對付佢地無速成藥,需耐性!
開缸幾耐?藻維持左幾耐?對付佢地又有幾耐?

如果是太多, 重種真的會較快.
如果想持續鬥爭, 就唔好餵糧同落肥, 減少光照吧. 換水次數增多, 和用人手剪除.

_________________
多多交流, 多多研究, 多多搜尋
我的水族相簿

多謝各位指教,

開缸4個月後, 初時有黑毛藻, 便學習減肥, 換水, 剪草,買魚治理, 終於1個
月後大減, 可是2個月後輪到絲藻. 何解??

光約7小時, CO2約1秒1個泡 ( JBL 套件 )
液肥用Azoo, 掛缸式Filter,有落消化細菌,
大約有7成水草種植, 種過紅柳走色, 可能未夠班
因初次種草無經驗受魚街老細話Nisso 泥好, 所以糢糊地買了一包Nisso 燒 土粒, 1 包啡色Nisso 泥. 慘啦! PH 7, KH2. 唯有試下種些easy species. 現有大寶塔, 扭蘭, 鹿角皇冠, 九層塔, 迷你波浪,日本珍珠,鹿角苔,moss. 各樣生長得OK

聽閒用牙刷可以清除絲藻, 是否可行??
現時好似絲藻生到其他葉上!!!
是否要長期同藻鬥爭???
有草便有藻??? 幾時才可無藻生態??

有可能係你的光源問題.......or 水草液肥問題(AZOO).....Try use ADA

d藻有好多時候都係買草時送埋既!去到你個缸遇到好條件,無理由唔生下ar,不過只要你d草生得夠壯,去除佢地係指日可待既事,不用太upset!!
都係果句,比d耐性,學習下有d藻係個缸的心情,話唔定睇下睇下又幾順眼呢?

"好少姐,唔緊要",其實應學習的是控制佢地不要太快蔓延,而非消除哂佢地!

多謝哂大家

我會耐性d, 其實鬥藻過程都學識許多野.
這個網站好有用, 會看到上引.
就算是貪靚女子, 一迷上草, 也要一手一腳去照顧, 樂趣無窮

所以迷上有關水族 的東西比其他的總算健康d!