水草情迷

我認為各人出一分力就可以，魚街幾十間鋪，難道再多一間就冇生存空間？問題係有幾多人光顧！好似呢個網站，只有千多註冊用戶，其實只有百多活躍參與者，香港七百萬人，何止十萬人熱衷養魚/草，可以找到一萬名忠心客戶，每人每年花二千圓，8% 利潤己有一百六十萬！

若有錯誤，請多指點！

小弟提出來只係Brain Storming一下姐!唔好以為我會o甘做,我不是大智大勇的人!講左o甘耐,究竟有無人自動請英?

不過,直覺話我知:
只要唔好太食水深, 宗旨係"益街坊",貨品平靚正,更為網友時常提供增值服務(如代差氣/寄存水族相關物品/低利潤批價訂貨),明碼實價不偏私,等得到網友的支持,例如免費由網友贈草同繁殖魚BB,或將d唔要既器材擺在這裡賣等等,唔洗半年內翻本一定得!到時就可擴充營業,.....天下無敵啦!hahahahaha!不過萬事起頭難lor!開始啟動時要食穀種一段時間嫁!

不如大家又估下水草x一個賣幾棵草?

能做到有錢出錢,有力出力,集

其實如果以低利潤、股份方式做,幾個年青無家室待業青年一齊做都幾適合!(但可能要人地打本比佢地!)

[quote="太陽草老人"]能做到有錢出錢,有力出力,集

而家個市場融資唔容易, 出面好多基金公司都已經封左今年 1st round 既所有投資, 話明唔會俾 1st round 既錢, 要一間公司自己上到位先可以考慮俾 2nd round 既錢

而家再唔係九七年, 現時市場集資力太低, 上市分分鐘都一上即蝕, 問題係有太多考慮因素, 對於一個人黎講, 係就係 HK$2000 唔係一個大數目, 但你想晌佢地袋入面拎出黎係一件非常難既事, 凡事真係唔好諗得太簡單

To:甦醒

Brain Storming吹下水嫁咋!直覺上係可行!但做起來有千萬種唔同既方法!idea傾下傾下就係嫁啦!話唔定明天可能就有幾個傻佬企在魚街十字路口派傳單,推廣新鋪開業呢?創業唔係需要些"傻勁"至得嫁咩?

事事從詳計議,集合各方的意見,應該可以做到!差在有無人抵得唸羅十萬蚊出來玩下風!經濟雖然唔好,但香港地有錢人仍有好多, 樂觀d,起碼香港每星期都創造兩位有錢人啦(mark six麻)!
hahahaha!

有時候,生意係可Plan出黎,但如果加左一份熱情及去除一些偏見,會事半功倍嫁喎!

我同朋友都開左公司, 我可以 99.9% 話你知, "傻勁" 係行唔通, 我同朋友開公司之前既諗法同你地差唔多, 當你開左間公司加埋而家個市場, 你就會明白點解我要潑冷水.

香港係就係仲有好多有錢人, 但係叫佢地拎錢出黎俾你? 除非你係佢地個仔啦 ... 我見過某大基金公司既 ceo 傾野, 仲有好多玩財記既人, 因為以前營商容易, 就咁拎 d 錢出黎就好快賺到落袋, 而家拎錢出黎分分鐘好快會冇晒, 而家有錢既人晌投資方面比以前謹慎過百倍 ...

逆市創業唔係唔得, 如果做返人地有既野, 生存空間會好細, 因為要成功就要打低晒其他對手, 反而最重要係要有 "創意", 要做一 d 人地冇而得你有既野, 仲要唔好噤快俾人跟得到風先得, 睇既野要比其他人快, 睇到人地睇唔到既野, 逆市唔逆市都已經唔係一個問題

千萬別誤會,我只係比較得閒至羅個話題當傾下咋!重申:要開鋪一定 唔會係小弟!(可能大把想開鋪既人在旁觀看呢?)

此題目可能有少少令甦醒兄你觸景,有感而發! 近既就睇下元宵市場就知啦!大把人踫釘!過來人的經驗緊係要聽啦!甦醒兄覺得有d唔妥,不如比d你既過往失敗經驗大家,等d候生仔借鏡,唔好重蹈覆徹!可以嗎?

第一要面對既問題係資金, 就算你有條絕世好橋, 冇錢都係行唔通 ...
只要有個有資金投資既人信你條橋同信你就行左第一步.
解決左資金問題就要面對第二個問題, 就係資金運用, 要諗下點先可以用最低既資金得到最高價值既野, 跟住就要考慮收入來源, 最少要達到收資平衡, 到最後會發覺條 "絕世好橋" 只係用黎搵資金, 當然條橋真係賺到就好啦, 但做生意唔變通最後都係關門大吉, 正如 tom.com 咁樣, 開頭話做中國內容網站, d 人就只係信阿李生之嘛, 集資完之後就變左一間控股公司, 收購有潛質既傳媒公司, 做生意下下都係講錢 ...

重有呢!再講d添啦!唔洗負責呀!

我嘅理念係:好鋪唔怕多!只要間魚店做得好,就唔怕無市場空間,亦唔使驚個市場會飽和!!大家話係咪先?!

香港經濟係差左;,養魚嘅人有無少到呢??我唔知!!但係你事但一個星期六,日去魚街睇下,就知魚店有得做!!否則發記亦唔可能開分店啦



開魚店都算係傳統生意,好難話有咩新卓頭嘅.而如果真係開得成,針對魚街(or elsewhere)黑店, 搵笨, 吹水唔抺咀, 惡劣態度...etc.呢個盲點,開一間態度誠懇有禮, 賣優質而價錢合理嘅魚店,點會無得做?

再唔係,簡單d,只靠"水草情迷"的各位網友(登錄/非登錄)將自己每個月進貢俾魚街嘅生意全部都交俾一間魚店,我諗都夠開間細細地嘅鋪啦!! 淨係做老人嘅生意都夠養半間鋪

開鋪係長線, 而唔係短線, 欠缺左 "穩定" 既話, 一野就已經可以打沉間鋪, 尤其靠一兩個人去放貨, 當放貨人出現問題, 一時間又冇貨可賣時, 咁點算?! 做生意做得冇保証既話, 要承擔既風險就會越大, 風險大既生意又冇高既回報既話, 一樣最終都會關門大吉 ...