[問題] 水草變黃,半透明,有洞,新芽啡紅色, 草頂變啡紅點算好

jc106_hk · **註冊時間:** 2007-07-28 20:57 **文章:** 4

我是新手, 新設缸約一個月, 以用很多方法, 但水草仍出現很多問題, 請高手多多指教。

器材如下：
缸： W48” x19” x19”
燈：鹵素燈 150w 6500k x 3 支, 燈開 18:00-01:00
CO2 : 1秒 2-3 波, 時間 18:30-00:30
底：ADA 黑粗泥 + 基肥 + 根肥 + 鐵肥
濾桶：Jebao 304 x 2 個
濾材：生物環, 火山石, 活性炭, 棉
軟水樹脂
水 : 山水 (沒有氯氣), 3天換1/3缸
水温：大約25-28℃ (有風扇 x 12 個, 開冷氣時可達 25℃)
補品 : ADA STEP 1, ADA 根肥, TBS微量元素

水草出現的問題 :
1) 變黃
2) 葉變半透明及穿洞
3) 新出芽變啡紅色
4) 草頂變啡紅
5) 莖出現根
6) 一些草生長很快(3-4天己大一倍), 一些很慢(無大過)

Andy Kong · **發表於 :** 2007-07-29 18:56

資料好齊下喎，但因唔知有什麼草和幾多草，所以較難講點攪D草，只能說部份轉水中或末入狀態。
現階段只能從硬件和設定入手。

48x19x19 用 3x150w HQI 是偏多，尤其是新缸草未入狀態。建議用兩盞先，到草生順而又有需要才試加第三盞鹵仔。

溫度是一個難題，。炎炎夏日起大草缸是較難搞，有用風扇降溫嗎？

ADA黑粗泥 + 基肥開缸，唔駛咁快補肥，暫停加根肥, 鐵肥和液這肥。

濾材上，建議取走火山石, 活性炭是一個月前放的，到期換未？

用 ADA 泥軟水樹脂可以不用。開缸已一個月， 3天換1/3缸過密了，我建議每星期 1/4。

jc106_hk · **註冊時間:** 2007-07-28 20:57 **文章:** 4

多謝你既回覆, 詳細資料如下, 請幫幫忙。

水温：大約25-28℃ (有風扇 x 12 個, 開冷氣時可達 25℃)

[b]另外活牲炭用佐$60一盒果d, 賣果個人話3個月換一次, 唔知有無此人

鏍絲 · **發表於 :** 2007-07-30 05:26

可以的話，最好指住幅圖，唔使大家左按右按，唔識參考下依度：
http://www.aqugrass.com/phpBB2/faq.php?mode=bbcode

開缸一個月落肥冇咩問題，火出石同活性碳對過濾幫助唔大，可以唔用，不過用都唔會係你問題既成因，48"缸用三盞鹵仔唔係問題，反而19"高用鹵仔唔係隻隻草頂得順，好多草都要有些少硬度先生得好，香港水已經偏軟，再加軟水樹脂弊多於利。
睇情形係水太軟、唔夠鉀同鐵，因為你個缸屬於強光，所以要有重肥先有利草既生長，你主肥得STEP 1，唔知你落幾多？暫時唔要軟水樹脂，多加鉀肥同鐵肥，觀察多一個月，睇下有冇改善。

Andy Kong · **發表於 :** 2007-07-30 17:10

咁好睇這好多，尋晚 clickclick 下都係答左其他人先，跟住老婆叫睇 CSI, 立刻收檔！

日本荷根, 鹿角鐵皇冠, 扭蘭, 日本篢藻, 水榕, 莫絲等都是低至中低光的草，太陽草和紛紅虎耳則用中至強光都無問題，真係強光的草相信只是鹿角苔和紅蝴蝶。

48" 缸來說這是偏細，實際行水量約為 250L, 再加上草種陰多陽小，用 2 枝 150W 鹵仔應易玩過 3 枝，反而我建議題將鹵仔吊高D，加枝 40W T8 令熄左鹵仔時都有燈睇魚/草。

草種的光需求上差別幾大，長遠計要在 layout 上花些心思，做返D陰位比鹿角鐵皇冠, 日本篢藻, 水榕, 莫絲等。溫度方面，希望捱埋 8 月會好D，但 4 呎草缸長遠計有水冷較好！

jc106_hk · **註冊時間:** 2007-07-28 20:57 **文章:** 4

多謝你哋既回覆同袋$入我個袋。而家己經攞走佐軟水樹脂。

我之前用 2 x 鹵仔放係高d 但做唔到光合作用, 所以而家放底佐。如果而家既高度係o.k. 咁係咪要加多d肥 ? 幾耐加一次 ? 唔該晒

鏍絲 · **發表於 :** 2007-07-31 02:03

唔係好多草，反而泥唔夠厚，舖多一倍上去差不多，草黃真係可能晒燶左

。肥要日日落，step 1 4唧，鉀肥2唧，鐵肥1/4蓋開始，隨住草既生長而增加。

Andy Kong · **發表於 :** 2007-07-31 02:38

咦，係彎角缸？

泥見光好淺，但個缸座入個櫃都有 2" ，但又唔知基肥層有幾厚，不如樓主自已講泥的深度啦。

濾水的出入水安排有 D 奇怪，小小擔心缸的左後角會形成慢流區。

草的排列最好考慮到草的光差，如無睇錯，小水榕放在紅草粉紅虎耳和太陽草中間，粉紅虎耳旁邊是阿根庭皇冠？左鹵正下方是鹿角鐵皇冠？

你說用 2 x 鹵仔放係高d 但做唔到光合作用是鹿角苔無泡？雖然舊位較高但 19" 缸應不至於做唔到光合作，尤其你大部份的草都唔係高光草。

前景草未動手，已選定草種了嗎？

睇完相，我都係會用 2x150 HQI ，先試離水面 12" 再慢慢調教，但燈一定要 set 水平，唔好打斜擺。同時呢枝燈的反光板好似有方向性的，以你現在set 的鹵仔方向，盞燈應 set 偏前景小小。

張相的 level 和 WB 唔多準，未見過實物但斷估之下我會改成咁，唔知會唔會近返你個缸的真身！

jc106_hk · **註冊時間:** 2007-07-28 20:57 **文章:** 4

1) 基肥 : 1.5磅, 泥厚10cm
2) 慢流區係乜野, 有咩影響 ?
3) 小水榕放在紅草粉紅虎耳和太陽草中間 (係, 係咪放係沉木底好d ?)，粉紅虎耳旁邊是阿根庭皇冠？(我都唔知呢隻草叫咩名), 左鹵正下方是鹿角鐵皇冠？(係)
4) 前景草未動手, 有咩好介紹 ?
5) 張相係較光佐小小, 而家係差唔多

綜合兩位高手意見, 我諗都係較高小小盞燈同加多d肥再睇下有無好轉啦

Andy Kong · **發表於 :** 2007-08-01 11:03

泥厚10cm 又基本上無問題。19" 缸高，扣基肥/泥，玻璃厚度和水面小小空位，即 14" 水深。

慢流區即缸內的水流不平均，某區域的水流過慢，令水草生長不良，是藻的溫床。你個缸的左後角應是水流較慢的地方，但你在此堆沉木，鹿角鐵皇冠都扎得很密下，進一步減慢水流，可能需要將左邊的出入水試不同的排位，視效果而定。

建議重新整理草的編排，將接近光度要求的草放在一起。水榕和紅草基本上是你的缸內的最大光差要求的兩隻草種，放在一起會很難兼顧。日本荷根, 鹿角鐵皇冠, 水榕, 莫絲等基本上受唔到 14" 水深的 HQI 光照，唔減光的話要克意做陰位比佢地。

水草情迷

[問題] 水草變黃,半透明,有洞,新芽啡紅色, 草頂變啡紅點算好

誰在線上