水草情迷

我有兩個問題想問下各位高手:

1) 我的鹿角苔之前都有出泡, 但近一星期不知為何沒有出泡泡, 我check過水流應該不會太急, 我的diy co2亦都keep住6秒一個泡. 我看見它們是有生長的, 而且我的菊精太陽都有少少泡在葉面.

2) 我的紅松尾放近暖管, 但就越養越唔紅, 雖然有生長, 有新芽, 但葉同莖現在都呈深紅啡色和少少綠色.請問點先可以變回之前的淺紅色呢?

以下係我缸的資料:
14寸缸, 2枝T5 8W 12.5寸光管連diy燈箱, 光照10個鍾頭, 每星期落AZOO水草液肥 5ml, AZOO鐵肥 3ml, TMG 5ml, 和每日兩滴ADA ECA, 水溫keep住25度, 有少少azoo基肥和DBO水草根肥, 用ada黑泥, d 水草種我好密和好多

希望各位前輩指導一下

洗唔洗落咁多肥呀?
我個 30" 缸每星期落 10ml TMG
D 泡四圍都係...
仲要唔係鹿角苔的泡
係四色睡蓮, 太陽和紅雨傘咋...

出泡係睇下你個缸水的溶氧量是否飽和
有時唔出泡唔代表有問題

又係0個句

你究竟養魚養草定養泡0架?

hahaha, 太多嗎?幸好沒有太多藻類的問題, 可能是除磷劑的巧效了!

我當然想草,魚,泡都兼得啦!哈哈!

但水草的顏色始終不好! 出了什麼問題呢?

d紅松尾你種d幾耐??如果變綠我覺得同光有關囉.

己種了兩星期了!
紅松尾由淺紅轉變成深啡紅lor
其實我之前種紅柳都係咁, 不過之前係用9W PL, 轉得仲快!
光有問題嗎?
我剛剛買了T5個多月, 唔想又轉過支燈wor...

鹿角台出泡與否:
只是與光同Co2有關,與液肥無關。
按如此的缸尺寸,t5 x2無理由唔夠!所以推估你的Co2未能有效溶在水裡,請re-check一下你的Diy co2啦(我未做過Diy co2, 唔識教你。

紅松尾紅唔紅:
主要光照與Co2,液肥及基肥等只是次要。
t5養紅松尾免強應可應付!但亦可能同樣與Co2溶解唔夠有關。

Note : Co2有出泡唔代表有溶解喔!

GL兄 :

我種既紅松尾同樣有問題, 頂紅底紅淨係中間唔紅...............
1.我個缸30" X 16" X 15",
2.用緊ADA 馬來西亞紅泥,
3.燈係150WHQI一支, 離水面10寸, 每天光照8小時(3:00pm - 11:00pm),
4.Co2 與光照同步, 每秒兩個泡(置出水口由水流打散),
5.PH 維持於6.3 ~ 6.7之間,
6.KH 係2, 缸溫26度C,
7.液肥係ADA Step one(按指定份量80%),
8.有追加ADA Multi-bottom & Iron Bottom

...........因為我見佢唔夠紅, 依家做緊ADA ECA treatment, 每日10滴ECA, 每三天換1/4水, 但持續了一星期有多, 情況仍未有改善????

我種到有D投哂降既感覺...........望GL兄, SuperCTW兄及此網眾高手多多提點。

我都係DIY CO2
我將出條的一邊打個結
再用針有管上整D孔
d CO2 出來時細細粒
易d dissolve

我以前都遇後類似的問題,以下僅為小弟的個人看法,可以試試!

有水冷機嗎?溫度可否降至23or24度,因水草在此溫度會較容易吸收養份,包括CO2溶解,以及對鐵及其他液肥的吸收等等.

唔得?試下加埋ADA bright K!

據我自已瞭解,此草的根吸收養份強力不是很強,大部份靠葉身及莖!因此由底去做功夫效果比不上由水裡做功夫!我現時是把液肥分開七天逐點添加,即使換水的一天也如是相等小的分量,效果唔錯!

魚缸就是這樣,很難平衡各種草都長得美麗又唔生藻!
另外,其實,現時是冬季,建議換水次數一星期換次三分一已經足夠!

GL兄:

非常多謝你迅速回應!

我想投資水冷機很久了, 但奈何魚缸柜內容納不了; 但如放置於柜外, 我諗我屋企隻雌老虎會扭斷我條頸...............

我有計劃使用 ADA Brighty K, 但發記肥佬話Brighty K 0係日本斷左貨, 唔知幾時有...................雖然濱記四眼仔(John)話佢地新年後有貨返, 但我就唔係幾信............

我有分開七天逐點添加液肥0架, 我驚生藻嘛!

唔該哂GL!!!!

我現時是置於魚缸頂以入牆爆炸鏍絲連板架起!不會佔地方!但會有聲音!制冷時就好似雪柜聲o甘lor!順便一提,水冷機不能置於柜內,不能散熱,制冷力會減半,機器壽命亦減半!

其實,我都不很讚成大定買貴野Bright k, 用其他激素應該絕對可以取代,只係自己未用過唔敢介紹比你!

不如請其他網友幫手介紹隻可以取代它的液肥啦!

我用的是hagen co2 reactor, 因為用晒d所謂既"chemical", 所以現在才用yeast+sugar, 在hagen co2 reactor, 佢有一個長方形的co2 dissolver, 據舊文所講, co2 氣泡由底上到面, 氣泡可以溶到剩番15%-20%.....所以我想應該是有溶到的.....
問題5-6秒一粒co2在我的密植草缸是否太慢呢?
如果真的是太慢的話, 我想我會用多幾枝yeast, 同步出氣......
但魚兒會否窒息嗎?需打氣嗎?

CO2太多當然會窒息啦，但diy co2會多得去邊Y，就算加多一至兩SET DIY，頂多咪一秒一個或兩個，無問題的

不過你個缸唔太大，唔好出CO2咁勁
因為出CO2要視乎缸SIZE

um......所以幾多個一秒係最好呢?
請指教........