水草情迷

首先同各位長老say hi 先.小弟第一次種草有很多不明地方想向各位問問．我大約種了五至六水草，金魚草，金錢草，鐵皇冠，等等．而我同時放下根肥丸，ｃｏ２設備，和一瓶藥水Biological Aquarium Supplement（好似是細菌用來對付亞麼尼亞 )每日落一瓶蓋份量．但不知為何三日後魚缸有少許混濁和泡．請問我什麼地方不對要改善？要不要買暖管？

硝化菌未建立好水會係濁,等幾天啦,冇事

其實我不是買了很多設備.如有什麼要加說給小弟聽.上部式過濾水器,缸底放了砂而面是水草泥,co2是個外置圚桶放入化學品加水.經氣喉排出co2泡泡.

暖管是需要的
如果唔係d魚會凍病

又用砂又用泥,為何?你種果Ｄ草應該好難死.

硝化菌未建立好水會濁係正常,一個星期左右就會清
CO2 暫時最好用DIY,你果d running cost 太貴
講

又用砂又用泥,最初買砂是因為店小二話砂是永久不須更換而泥要一年換一次,長期計用砂比較平所以買下,後來驚唔久用而且見到金魚街個個都用泥種,所以又買泥.是否不能兩溝?店小二的話正確?上部式過濾水器是指下面吸水上面過濾個種(古老個隻).diy是什麼?怎麼樣?有無相看?

請問何時可以養魚?買什麼魚呢?

新缸水濁好正常, 一個字 "等" ......
依家好少人會溝沙同泥一齊, 係ph 同kh 上有衝突, 而且混合後唔係太美觀. 用泥一般都可用成年幾兩年, 雖然冇沙用永久咁耐, 不過都夠長時間了吧.
種草又係唔會用上部濾水器o既, 會阻地方同埋理論上會令co2散失較快.
你 個co2 設備, 係咪 hagen 出品, 有多一個方形擴散放係缸內呀, 呢個都係 diy 形式o既產生co2. 不過o的料就配好比你. 可以去 diy 區看看其他的方法, 你可以用回個桶而加 diy 的物料去產生co2.
可以說說缸有幾大, 用什麼燈嗎!?
初期可以加一, 兩條黑摩利仔, 唔錯o架, 粗生又會食藻. 之後看自己鍾意囉..

_________________
多多交流, 多多研究, 多多搜尋
我的水族相簿

一支日光光管,幾多w( I forget it).缸有20吋長,AA牌有蓋連濾水器個隻.
CO2是叫NUTRAFIN -CO2 NATURAL SYSTEM.濾水器有陶瓷環.

一枝光管好難種草,養魚仔冇問題.

係呀,燈太少啦!另外你用頂部過濾好難養菌既,水草缸係唔適合既.
其實大部份問題super兄都已經答左啦.
小弟有少少補充,你提及過水面有泡,我估多數都係因為有油漠.
用除油器係最見效既,但係你用頂部過濾應該裝唔倒.......

與我第一次買缸之前一樣, 店小二叫我兩溝...
用沙不是不好, 不過ph和kh不適合種某些品種的水草。買草時要了解一下其ph和kh的要求了。用泥就大部份都可種植。
沙雖可是永久不換(理論上), 但時候耐了還是要翻缸以清除底層廢物。