水草情迷

希望各位網友能幫幫小弟!!!!!...........萬分感激!
我之前係玩18"缸,有水草,有幾條鯛同其它魚,有CO2,
用濾水筒,又有落消化細菌水,每星期都有換水,有生物
環,開頭D水都好清,但三個月後D水開始變綠色,以為係
D草太多或瀘水筒有問題,後來加多包生物石都唔掂,所
以而家素性換個個26"缸同瀘水筒,上星期六開始換,日
日都有落细菌水,呢兩日D水又開始慢慢綠啦,而D魚同
D草都好健康,點解呀.........原因何在呢?請各位資深網
友打救小弟..........謝謝!

綠水, 同燈光和養份過多有關. 有冇其他資料.

綠水可以用 UV 燈 同 封缸處理.

_________________
多多交流, 多多研究, 多多搜尋
我的水族相簿

可以post張相看看大家研究一下啦!

我用兩套20W白光管(共4支)用1隻FLORENA液肥
消化細菌水係(深粉红色)個隻,UV燈同封缸係咩?
謝..................謝!

FLORENA 呢隻肥好"野"青苔~
試下份量減半先la~

請問UV燈同封缸處理係咩同點做?

邊隻液肥會較適合呢?


謝謝各位!

其實,你個種什麼草,種左幾多,是否密植式種,都有影嚮!另開燈時間幾長?缸有幾深等？新設缸或新泥至今幾耐？

UV燈用作殺藻的苞子,長遠計是不錯,又可防止疾病!

封缸指不給陽光照射,不開燈,用布或黑紙圍起魚缸,讓藻類無法滋長!但對草亦有影嚮!(我個人比較不建議採用)

我個人比較喜歡以比較展的時間與它對抗，採用的方法，假設其他設定不變，不外乎：
１）減少餵量；（如果魚隻數量過多，應減少魚隻數量一些）
２）減少液肥量；
３）增加些快速生長的水草；
３）增加換水密度（但建議不次不能超過１／３）；
４）增加Co2 (note:每秒2個bubble or up，再觀察小魚的狀況有否呼吸困難,以及PH上升的速度而再作調整增減）；
５）晚上打氣泵；
６）加UV燈；
７）其他如常。
維持約兩星期至一個月。

只供參考！希望有幫助！

謝謝元老,非常感激,而那一隻液肥會較合我呢!
我只養了一個綠角苔,少少倭珍珠,同幾棵草,只
沾缸位置不到三分一,6條鯛,4條燈同其它魚合
共不到20條.............謝謝各位!

試下用 ADA STEP 1 , 主要係微量元素, 冇咁惹藻, 不過依家你有綠水, 乜肥都唔好落住呀.

_________________
多多交流, 多多研究, 多多搜尋
我的水族相簿

養得草少唔係問題,問題係你可能按說明書上的份量照樣投入,因此,缸內積存的養份過多而無如此多草在吃肥液,如是者,藻類照單全收lor!不如把一星期的份量加水以小樽裝住佢,以每天添加一定的稀釋份量投入,當然,以現時的情況看,至少應該停止加肥三四天至一星期啦!
基本上,初設缸頭一月或兩個月,缸內需要加的液肥量是極少的!
有錯請指正!

我現在所內用的兩套燈(20W)是否夠光,如要換UV燈
是否換兩套,還是換一套便可以?

感謝各位!!!!!!!!!!THANK YOU!!!!!!!!!!!!

UV 燈唔係換係燈座個o的"紫色光管"呀, 是一個外置的裝置, 接在濾水桶的出水口的. 是真正的紫外線殺菌燈, 找找 "uv 燈" 看看.

_________________
多多交流, 多多研究, 多多搜尋
我的水族相簿

20W以你個缸的尺寸,只能養一些易養的陰性水草!

試試放除磷酸和除硝酸包在濾桶, 液肥用 ADAECA, Green Brighty Special LIGHTS每日用小小.