水草情迷

首先..講聲對唔住先..
其實... 係呢個網真係睇左好耐.. 不過只係睇 冇加入到會員..

經過年多係度睇...
真係要多謝各位版主的教導
各位網友無私的將各位珍貴的作品放在這裡
消磨了我很多的時間 真的很多謝妳們... 真係好靚
經過年多在這裡的學習 同埋比你地呢班天使與魔鬼的混合體...
的引誘 終於都忍唔住令我走去金魚街...買左個缶 加入你地o既大本營...
雖然係度浦左咁耐.. 不過原來開波後發覺 都係好多實戰問題 唔係好了解... 希望各位多多指導 ! 今日加入左會員了 而家試下放我個新缶比各位師吧比d意見 ^^

由0開始吧 ^^
材料:
1. 友人放棄養海魚淨下之48吋實心木聚脂櫃 (多謝秋哥)
2. 養草友人介紹KOTOBUKI LEGLASS 48吋x18吋x18吋 草缶($900) 比間黑店呃左我個尾角膠
3. JEBO 302 瀘桶 1000L ($320) 粗粗地用住先 之前魚缶用
(多謝養草友人教頭師兄帶我返深圳魚街 買以下的材料..同魚街質素無咩分別的器材!)
4. Atman 48吋 T8 燈 Philpxx膽 (由面到底 白紅白白光管) x2 @$210連光管 ($420)
5. Boy 牌 細化杯 ($20x2) 一個清洗藻面時, 另一個補上, 輪流開工 ($40)
6. CO2電跋 ($340) 真係平香港成截.. 一無一樣...魚街個水有幾深可想而知...
7. CO2放水倒流($10)
8. 沈木及石等等 (真係要係深圳買..香港魚街果度果d..好多係流木..再加上d流木係渡金黎 全部天價 上面買 多而且平到.. ) 買左舊主題木同埋d碎木再加埋舊石都係... ($50)
9. 吸油面瀘管..香港近百..果度賣.......($50)
10. 軟水樹脂樽 ($20) 平!
無手拎.. 唔係仲有野想買....跟住返香港再買料..第一日完...

第二日 教頭師兄帶隊 魚街掃貨!
11. ADA底泥細包 x3 @80 ($240) 條店員問我點解唔直接買一包大..老細250蚊喎.. 容量一樣..點解呀 你平10蚊我咪買囉 -.-12. 第二間鋪 ADA黑泥大包 @110 ($330) 又係果句..平十蚊就十蚊..睇多幾間有唔同的
13. 皇冠水草基肥1KG x2 @50 ($100)
14. 防爆暖管 (唔記得幾錢了..)
15. 軟水樹脂,生化炭(白炭),防藻樹脂... 等等..
16. 黑色藍色兩用報境..10蚊尺...好貴... ($40)
17. ADA Nature Aquarium Goods step1 ($69,間間唔同價..有d賣成80蚊..要睇呀!.. 記得呢度有人教話用黎仲咩.. 不過唔記得...教頭哥話用左會好d... 遲d再係度請教請教人..)
跟住買小小平草...開波~~~ 因為教頭哥係佢個缶剪左d黎(真係多謝,哈哈)
草種: 叭地雄,變種百葉,寶塔,紅菊,牛毛毯,莫斯,鹿角苔... 種住先...
清潔死士步隊: 飛狐X5($35), 小精靈X5($35),藍蝦小蜜蜂蝦虎紋蝦($50, 佢話60隻,唔洗諗魚街搵笨之一)

好到試下鋪圖了^^ step.. 順次落....

前面d泥會唔會太薄?
加返多小小好d喔

嗯嗯 我都覺得 ^^ 謝呀...
不過..唔知起返晒d叭地...好似好大工程....

1. 你用ada power sand 點解再加基肥呢？
2.你 d power sand同ada克坭間有冇加鋼網或尼龍網？如果冇第日你拔草時用連基肥拔起，令缸水變肥，好易生黑毛藻。
3. 用ada坭可不用軟水樹脂。
4.坭真係太淺，冇兩吋都要吋半高。

冇呀 用軟水樹脂..因為貪佢.... 型..... 哈 同埋平...
基肥冇隔呀 呢樣真係唔知 聽天由命吧~
哈!
又學多樣野了 ^^
而家最擔心的 是白毛虫 同埋個斜波.. 驚山泥傾瀉..同埋co2溜晒氣 = =
朋友介紹 35蚊打爆2L以下CO2樽果間鋪頭 要初九先開....
驚d草唔掂....

仲有樣野... 我屋企用開果個抽水泵.. 係上下fing果隻... 發覺用唔到係草缶 - - 各位師兄有冇好介紹?

師兄果然係師兄...
48吋x18吋x18吋缸夠膽用彎角缸 祝你好運
d泥真係好淺建議你放走哂d水 再係呢家既power sand泥上面加個鐵網/膠網.....再加上一定厚度既黑泥

硬係覺得咁大個急灣缸有o的牙煙....

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

其實宜家係FS都好難買到直角缸
一係訂造, 一係就ADA

_________________
懶人nano草缸, 學問在其中, 亦樂在其中

右邊兩種石既?

應該OK, 因為18吋不是太高...

ADA既48吋可能係天價....
FS去到24吋既都好少好少有直角缸了

師兄....「9. 吸油面瀘管..香港近百..果度賣.......($50) 」.....係咪即係黑色果個除油器？....

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

我係初哥黎 第一個缶 各位兄台 高台貴手...指點指點
謝謝tstspage Raymond-MA POT164 師兄建議
小弟今日起返晒d叭地 加厚左小小泥了 .. 因為假期完結.. 冇咁多時間再起返晒d草再鋪網
所以用個細碗仔 逐小逐小加返深d泥 不過底肥果度 真係要諗下計搞下佢

POT164師兄: 缶果度因為朋友介紹 加上眼緣 覺得呢個缶幾靚 又日本野黎 所以就諗都唔諗就帶佢返屋企 請師兄指點指點 直角同彎角對草缶的影響 學多樣野

大猩猩王~師兄: 係呀 個除油器 我係旺角格個價 一模一樣 價錢一半

leonhart師兄:本來想兩舊都係層積岩.. 而女友就非常喜歡舊紅石 所以就局住放埋落去.. 你知女人.... 唔係太肉孫.. 就一就吧... 女友係呢個缶都出左一分力..(上大陸掃完貨, 佢算係唔話得 今次肯陪我去睇 又陪我搞個缶..你知啦.. 中左魚毒 去到d鋪頭 就好似女人揀衫咁 逐件逐件慢慢揀.. 佢小有咁大量肯陪個頑童玩左成日..就忍一忍.. 唔係下次再放我上大陸一定noway = =!)
不過可以指導下小弟 兩種石會對我呢個缶有咩影響嗎.. 我記得我係度曾經睇過有講解.. 不過冇咩時間再去搵.. thx a lot!

死士步隊.. 死左3條玻璃貓 同埋 2隻小蜜蜂 1隻藍蝦 = = 死傷暫時唔係好慘重...

各位師兄 其實... 養蝦要幾度果d 要幾多度到? 我只係知道個水質好重要 同埋要度水
遲d會買幾個瀘樽過下d水喉水
個缶其實我都想養下魚 開頭想養神仙 不過仲未有閒錢搞個瀘樽住 同埋d神仙要求真係好高...唔敢養住.....