水草情迷

個缸底沙是黑鋼沙, 開缸2星期左右, 都有一層薄薄的, 不過冇理佢.

現在個缸開了一個多月, 近兩日層污垢突然增厚, 好肉酸, 嚴重到好似D發毛的嘔吐物鋪起沙面,
還見佢有氣泡嘔出來, 真係生化危機了! D水又變了白色, 好濁.

這層厚厚的污垢, 紅白色的, 好似魚屎的顏色.
用快子挑起它, 好象一層厚厚的塵.
是甚麼來的? 應怎樣辦?

唔該各位大佬呀!

我估三個原因造成...
1.濾水系統不強...甚至沒有濾水...
2.餵飼過多魚糧...造成囤積變質...
3.長久不換水...水質變壞...

說清楚缸的大小及器材設備...
以及養什麼魚...魚的數量等...
有助於其他師兄弟更好幫你...

_________________
凡事包容，凡事相信，凡事盼望，凡事忍耐；愛是永不止息。 ------ 哥林多前書13:7-8

似是餵飼過多魚糧，發霉，換水用吸管吸走吧

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

比師兄你講中...

因為我每次餵完魚, 缸底都有大量剩糧.
大量到就像拿執鹽灑落去咁多, 可以鋪滿成個缸底,
因為我見D魚仔成日食食下吐番D糧出來, 咪諗住落多少少, 等佢肚餓自己食沉了底的糧.

個缸14寸, 養了6條孔雀, 我都知道有好多剩糧, 所以上星期買了兩條"白鼠"來食剩糧.
個缸底依家冇乜剩糧了, 但係那層污垢越來越厚, 就係咁羅...

現時我見邊度太厚, 就用快子挑起吸走, 因為養了草, 所以唔翻得缸.
咁我可以點樣整走層污垢呢?

經高人指教, 那些是藍綠藻, 唔該各位師兄!

對付藍綠藻日記:

12/8
抽起活性炭, 換1/4水, 把成個濾水裝置徹底清潔.
發現大量藍綠藻在濾水管壁, 極之腥臭.
落了100mg Erythromycin(萬能藥丸)進18L魚缸, 再加硝化細菌水.
12小時後藻有些少減少, 水冇咁腥臭, 魚仔外觀和胃口沒問題.

13/8
魚仔外觀和胃口沒問題, 藻沒有明顯減少, 水維持些少腥臭.
再落100mg Erythromycin. 12小時後藻沒有多大分別

14/8
再爆藻, 魚缸玻璃有些少地方黏住白色的黏膜, 像腐竹在糖水入面般飄揚,
整個沙面鋪了一層白色黏膜, 水草葉面都有, 水草根部和水流低的區域更積存了一舊舊紅白色的藻.
魚仔外觀和胃口沒問題, 水比前日腥臭.
換1/4水, 落了200mg Erythromycin(萬能藥丸)進18L魚缸

待續.

努力啊

不過老實說１４寸細缸不如翻缸算了 下藥在病發早期會好些，這樣大規模發病~~~~~~，又要吸走死菌~~~~~人煩~~~~亂~~~~缸境嘔心~~~~~腥[鼻子好一點，相信也能在家中嗅到 ]，而且在砂底的死剩菌不日又再~~~~~。

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

落 4-5 份金魚茜或蜈蚣草，兩星期內見效 ~

_________________
蝦蝦相簿
食獸柴房

續前:

14/8
再爆藻, 魚缸玻璃有些少地方黏住白色的黏膜, 像腐竹在糖水入面般飄揚,
整個沙面鋪了一層白色黏膜, 水草葉面都有, 水草根部和水流低的區域更積存了一舊舊紅白色的藻.
魚仔外觀和胃口沒問題, 水比前日腥臭.
換1/4水, 落了200mg Erythromycin(萬能藥丸)進18L魚缸
12小時後藻沒有多大分別, 沙面的黏膜少了點而已.

15/8
藻沒有多大分別, 水腥臭, 葉面的擦走了又有過.
有部份魚仔的活力明顯減少, 可能因為減少了餵食的份量.
落了200mg Erythromycin
12小時後還有明顯的藻在葉面, 沙面, 缸的玻璃

明天翻缸.

總結:
可能因為處理得太遲, 開缸後個幾星期沙面已出現黏膜, 有成兩個星期比佢養菌,
濾水管壁的藻厚到可以挖出來, 沙面最厚的藻有超過5mm, 好多地方都冇辦法清洗.
D藻纏著水草的葉和根, 大部份的草都冇要了.
估計今次經濟損失大概一舊水, 但時間和心機就好多好多
哈! 如果再爆, 睇來連濾水都要買過!!!

其實14"缸不如...翻缸吧