首先覆玻璃先生，PRIME唔係濾水器，係一種新水劑，SEACHEM出品，可除氯、除氨、除重金屬等等。詳情請自行搵SEACHEM個網頁睇睇……
苜先，我想講返香港水喉水。唔知幾時開始，香港D水喉水係大家心目中仲恐怖過毒藥，大家硬係覺得D水唔乾淨、有重金屬、有毒等等等等。其實，除左香港水務署，有邊過真係詳細咁驗過自己屋企供水有乜重金屬之類O既野？水務署網站公開檢驗出東江水水質同家用水水質報告，又有幾多人睇過？當廖秀冬誓神劈願咁係立法會同所有人講：食水中O既重金屬係濾水廠己經被處理，唔會送到入巿民屋企，大家點解又唔信呢？點解硬係要一犬吠影百犬吠聲咁以訛傳訛，更要話香港D水喉水唔得？究竟係D水真係有毒，定係大家「心中有鬼」？
講完廢話，送上香港水務署網站：
http://www.wsd.gov.hk/tc/html/aboutus/new.htm
一千幾百蚊買個濾水器，當隔下餘氯、鐵鏽咁，我都覺得好合理。（我屋企都有個，冇計，樓舊，d水黃雖然飲唔死人，但見到唔想飲搞到飲水少就唔好……）但幾千、上萬咁買個「安慰劑」，最黑人憎個種安慰劑仲要係誇大效用、歪曲事實、傳播偽科學訊息o既，對唔住，我真係接受唔到。
因為呢個題目扯左好多野出黎，以我長氣o既習慣怕且會搞幾版紙，以下我盡量簡單逐點講……
一：玻璃提到海水化淡。其實香港現時係有做呢樣野，只係已經唔係廿幾三十年前咁用「煮海為水」o既方法，已係用逆滲透（RO），成本亦已經大大降低。理論上，逆滲透處理過o既水係純水，唔好話海水化淡，污水化淡都仲得。之但係，你同我會唔會接受將廁所沖出黎o既水隔返做純水再飲呢？所以呢……現階段仲係「研究」當中囉。上列水務署個網站裏面有講，係新聞稿裏面，有興趣o既同好煩請自行查閱。
二：玻璃提到太純o既水帶走身體微量原毒o既講法，坦白講，愚見以為都係唔合理。如果係身體需要o既野，身體會吸收左。如果係身體吸收唔度、用唔度淨返o既，再有益都係身體用淨o既，又即係係該段時間內身體無法吸收到o既，排出根本都唔係壞事（排得出仲好，有時排唔出仲增加個肝o既工作量）。唔好講水，就算進食食物，人體都唔係百分百「照單全收」。水純D會令人體收吸少D野或者沖走人體一D有用o既野呢個講法，實在係唔多合理。話時話，聽聞有人真係覺得痾出黎o既野「曬料」，提出「尿療法」話飲尿治病，仲據傳晨早第一篤「天一神水」係最補添，我諗……大家唔會去試卦？（咪亂黎呀，我純粹講笑，唔負責架……）
三：MINSC99講磚石水sell o既係「水分子團」。如果有人搞個「騙術排行榜」，我覺得呢個簡直係史上最成功都兼流傳最廣o既一個。因相信呢種講法信，以為係科學事實o既人，由十幾歲到八十幾歲o既我都見過，真係睇到眼都突。其實，又係我第一次貼出黎個網站已經有詳盡解釋，現時所知/推測水分子團係不停咁變動中，話有技術可以令水分子團「變細」根本係「謊言」一個。而且水分子團細唔細根本同人體吸收或者健康無關。
長氣完勒，多謝收看！
登入
註冊
問答集
只要平時注意飲食就會健康 
)
長氣都唔怕，最緊要有 point!! 
