水草情迷

我買左草泥丸~JBL Tormec Filtax係咪黎ga?
係咪唔駛用好多?~但係佢唔沉落底既?

吸飽水就沉啦, 原理同沈木一樣.

浸多幾日會沉啦...

咁係咪有得佢浮面先?~但咪會好礙眼囉?

我自已用個份量10吋缸就用大半個拳個左右啦...
有得佢浮面啦~會礙眼兩三日囉

okok~^^~

最近魚缸ph7.5, 落了co2才回落到7.0, 我想到6.5.
請問草泥丸是否可降ph...對蝦是否有害...魚舖話要放入濾水器內...濾水器無位...所以沒有試...請問:12吋缸用幾多才可降0.5....甚麼牌子好....若放入缸,蝦吃了,有害嗎??????
吾該教路...

我建意就用網袋裝住先好放入去魚缸度
咁就唔會散到周圍都係, 同埋當幾個月後佢慢慢失效時都易於拎起,
如果你有放泥底床, 再要就咁掉落去,散到周圍都係, 同泥混為一體, 到時要拎返出來都咪話"幾金"..
我用過幾隻牌子, jbl,.. mr. aqua, 重有一隻係好早期用, 已經唔太記得叫咩名, 唔知咩咩aqua, 定係aqua咩咩, 印象中紅色盒的
我覺影響水顏色最少就係最後果隻, 紅色盒呢隻, 不過呢隻好似已經唔咩係魚街見, 以前詳記有得賣, 而家重唔知有冇.

而咁多隻比我感覺最企理係mr.aqua, 不過亦感係最人工既一隻, 不過可能係錯覺, 因為佢係壓得最實一隻

至於你問用幾多, 我唸都幾難答到你, 因為你比既資料唔夠, 例如你幾多升l水, 你本身缸水係幾多ph, 另外想降到幾多亦都冇提 , 難於比意見你

對蝦有冇害我唔知, 或者間接有沒有影響....因為我沒有玩蝦, ..不過應該沒有問題...
12寸缸, 想降多0.5度, 試下下100-150g左右應該都夠,記住要比時間佢降酸, 唔好落完立即去度.
唔洗一定要放入過濾度, 你可以如我之前所說, 用網包住佢放入缸度, 當然你亦都可以就咁放, 不過到時更換時就難於清理
或者可以用個魚仔隔, 痴住缸邊, 草泥放入去都係辦法之一

arcat, TKS!! MR.AQUA草泥丸...

唔洗客氣~
想補充多一樣野, mr aqua就係一條條形狀的,
其他牌子就多數係一粒粒,
睇你想要邊隻了~
重有一個好處, 就係mr aqua係跟包裝送1 個網袋, 所以你唔洗自已另外買網袋, 呢個係好處之一

要直接放落缸點解唔用大粒草泥丸呢?粒粒大過太古方糖,要換唔使咁辛苦嘛.又唔會點甩色.
魚街有賣叫Aquavital.