水草情迷

艾!!!來讓我講一講我的感受吧!!!
身為女兒家的我，對於養魚有很大的興趣，但每次設缸都是失敗收塲，死魚無數。於本年4月我又再次設缸，直至今日都有無疑問，不知如何是好。

(20吋缸+2盞T5( 8W)燈，底沙用黑鋼沙，300 ml掛濾，軟水樹脂系統，CO2系統。(用硝化細菌+水質安定劑+水草液肥)
種植水草: 小水仙、幕絲、小水榕、椒葉等。
魚: 孔雀、紅滿、紅連燈、飛弧、小白鼠等。

一個月後，發現水草生長尚算健康，但係不知為何魚兒死得很快，一天死3-4條，水面出現油膜，綱友說是餵食過度，我兩天才餵一次的，於是改3天才餵一次吧。我亦都2天換水一次，(換的水我都是用2L膠樽，用氣打24小時+水質安定劑)，情況未有改善，於是我將魚摟一撈起，用另一個膠箱養住先，經此一役，飛弧、紅連燈已死清光………..傷心及心灰意冷。

現在我打算再從頭來過，希望幫忙我這個新手，我於{水草迷情}已看了很久各位前輩的經驗，但總是弄到一頭霧水，希望各位前輩幫忙， 我沒有CHECK PH的用品，是否真的須要嗎? 因為我以前曾用過，但作用好像不大。我是否要加減什麼?

開缸時養水養耐d先買魚啦 ~~~
養水keep住打氣, 其間可以落硝化細菌和放一兩條魚(死士 ) 加快循環.
其間唔可以換水.
等到d水由白濁到清晰, 先慢慢加魚吧 !!! 再一星期換水1/4左右.
努力吧 !!!

你需要既係 check NH3/4, NO2, 同 Nitrate 既用品， 又或者明白硝化系統既運作同需注意既野。 新手死魚 99% 都係尼個問題。 而"買"菌係無幫助！

_________________
Bye Bye Mash BB! 你要保重， 你永遠係我既乖BB。

係唔係d魚買返黎已經有事? 傳染?

至於新缸落魚
我成日都新缸新水落新魚 (鯛)
都好少死魚呀，認為對好水就得
反而覺得落左魚，d水好似仲易清

我前幾日先換左個14吋缸(ada泥+power sand S 另+bacter100&penac W)
十幾條燈魚+2條買了不夠一星期的鯛魚水都唔對,只對下水温( 因為新舊缸水温一樣)就放落去個開了一日的新缸到
現在過了幾天都無事..
不過濾水係舊的..我相信有足夠消化菌..因為之前舊缸check過no3同ammonia 都係0
每次換水前可以take d 水版check下d no3同ammonia囉
ph其實無咩太大作用,D魚都能適應到比較大的PH range..因為d泥巳經可以穩定ph..經濟d可以用test tube check下就算
另外d魚有無比d維他命距地吃呀?

_________________
14吋缸一個,0.7L CO2一SET,ADA泥一堆,魚一羣,草一抽,濾筒一個,DAZS T5HO 16WX3一個,暖管一條

我好好彩,成日都好快放魚,但都未試過開缸放魚死~
反而係養養下有病死.........

好可能唔係病死， 係水質唔好死。 一般真係病死唔會止一條兩條， 一病就多數一齊病， 由其係魚魚不斷咁死， 從未試過一個月唔死魚的話。

_________________
Bye Bye Mash BB! 你要保重， 你永遠係我既乖BB。

我就係試過呀,佢o地生白點呀之前,我10條紅鼻而家得返2條咋,而家仲有條病病o地,但另一條就好生猛~~

唔....唔好咁快就話放棄!

多左個街坊都唔知添。基本資料都有，就咁睇唔覺有乜大問題：
用黑鋼沙，ph會接近水喉水，應該唔關ph事。
如果有養水，都唔關溫差事。
如果有睇舊文，相信對水落魚、一次過唔好落咁多魚等問題都唔會犯錯。
再講油膜，都係分解唔晒既蛋白質，如果冇過量，就要換糧。

唯有估下問題出現係邊：
土瓜灣多舊樓，如果妳住舊樓，有機會係水源有問題，大廈水箱不潔、銅喉等都有機會污染水源。
隔夜又有打氣，試下唔好落定水劑，始終係化學野，可免則免，尤其是缸唔算大，日積月累，都可能有影響。
用2L膠樽，如果得個樽口放走氯氣，似乎細左d，有冇開大d個樽口？
用2L膠樽，照計就換唔到十分一水，似乎換得少左d。
掛濾養菌係弱些少，所以魚兒相對比標準要少，唔知魚既數量有幾多？

如果從頭來過，建議先養單品，養定一批先開始混養。

我反而覺得如果係水箱問題， 仲更加要加除氯劑， 仲要係靚野可以中和重金屬那些。 不過一般除氯劑係會將氯中和， 同把金屬 (例如鐵) 還原為可從水吸收， 所以係唔會有剩， 如果擔心日積月累， 如果唔係每星期都大量換水， 反而應該擔心下肥料。

_________________
Bye Bye Mash BB! 你要保重， 你永遠係我既乖BB。

我真係好多謝各位前輩既幫忙
我真係很早落魚，因為FS個售賣員話: 開缸後2小時可落魚的，但是缸魚初初3星期內係好好的，之後特然大量死亡，艾.......

Macbrush前輩: 我會去買check NH3/4, NO2, 同 Nitrate 既用品，多謝你


一團火前輩: 另外d魚有無比d維他命距地吃呀? 我有呀!!


鏍絲前輩: 你的大名我經常係水草情迷見到，你既指點我會嘗試


相信我係FS既其中一個受害者 我有無須要換濾水器呢?

_________________
我會努力、加油，希望養到一缸美美的紅連燈!!!

i would like to point out three questions,
1. the amount of fish in tank?
2. the dose of fish food everytime?
3. the filter and filter material suitable?

i guess the NH4,NO2 and NO3 is......

_________________
友朋知所剔，何患少交遊。

15前輩:

1) 初初置缸: 一共有25條小魚，但唔係一次過落的，第一個星期有15條 (10條紅連燈+5條孔雀)，第二個星期(加三條飛弧+2條小白鼠)，第三個星期(加紅滿5條)，之後就大量死亡

2)我兩天才餵一次的，餵薄片，魚兒15秒內食晒

3) FILTER 內有: 綿 (有三種，但我唔識分) 有生物環(灰色鋼沙)，THATS ALL

_________________
我會努力、加油，希望養到一缸美美的紅連燈!!!