水草情迷

各位巴打&SISTER，

小弟有两次到以上的棠記(書局與7-11隔離)買魚具，但都給了我不愉快的感受
上两次賣給我的魚具都系有損壞的，懷疑店員與老闆系蓄意騙詐。請各位小心。


小心棠記﹗﹗﹗

可以講解下點樣損壞法?

我未嚮棠記買過野...
不過覺得佢地 d 態度就唔好!~
問佢幾多錢, D staff 淨係話 "2 百幾蚊",
究竟係二百幾多蚊呢??

棠記 D Staff 好似以前嚮對面就記做過? 熟口熟面!!

"上两次賣給我的魚具都系有損壞的，懷疑店員與老闆系蓄意騙詐" ..........我唔係想同佢講好說話, 一般甚至任何鋪頭有壞你拿回去難度不肯跟你換嗎 ? 有無反映過?

我上次去買左個缸...
之後番到屋企見到底角崩左..
之後第二日去換果個人都好客氣wor
可能見我係學生哥啦...
我諗佢都唔係咁衰姐.....

_________________

我上次買燈...買錯左支紫管既燈唔岩用(種草), 佢都肯同我換番支白管既燈.
不過當然一TAKE過, 唔使換黎換去就最好LA!

如果講黑店, 我估那些教錯人種草養魚O個D咪就仲黑.......
你問佢王子混燈魚, 金龍混燈魚, 佢都會答你得O個D, 大把人在(我都賴過野). 呢D真是令人把起火

_________________

啱，器材硬件唔啱可以換過，d魚死咗冇仇報呀 個人覺得棠記冇乜問題呀，我都响佢度買過缸、泥、糧

棠記,幫佢地買過野啦~~~ok喎~~只係入去睇野時覺得佢地好煩姐,成日問"有咩幫到你?",心諗~~"我自己識睇啦,唔好煩我"

_________________
寶劍鋒從磨礪出，梅花香自苦寒來

我都有同感,老闆娘比較煩....
佢地未必係最平或最好個間..但係最早開門個幾間,所以都有去買過野.

家庭式運作
講野有時比較勞嘈
但我覺得ok老實

仲有佢d野price同卡奇有得"fright"

_________________

我覺得依間野態度有d問題啦,一入去佢地實問你想要乜...

我試過問佢地一些事一次,咁想考慮下,睇下第二間會唔會平d...佢竟然一句講埋黎話"你買左啦話,問完又唔買",仲想睇我手拎袋中買左乜野咁... 我屌,立即轉頭行出鋪 ...以後入都廢事入去睇,唔好話咩幫襯佢

咁究竟你係佢道買左d乜，同發生左d乜會令你咁勞氣呢？ 因為講咁耐都唔知發生左咩事！

棠記唔算係好黑店,但d sales真係煩到爆炸~想靜靜地睇下野都唔得架囉~

各位 Brothers & Sisters，

好多謝大家的回應，但估到會咁熱烈。
我最唔順就系棠記 Ｄ人明知賣畀客Ｄ貨系有缺損既都
重會當系好貨咁以正價賣畀我地﹗咁做分明系當我地
傻仔搵我地笨漆啦…﹗好彩上次系佢到買野時望多左
幾眼＋細心先冇畀佢搵到笨漆咋。　

第一次：
我入棠記買個（１０ｘ４ｘ５）”的缸內隔離膠兜仔，
立即有個又肥又矮既店員問我要Ｄ咩幫我搵。當我道
出要買既野佢就好快好爽手咁摞個早放置於櫃架上最開
最易摞果件畀我。我打開個盒細看之下發覺個膠兜仔底
部有條好明顯既3吋長破裂痕，根本唔用得，一定漏水，
就算送畀我都唔會要，更何況要我買。我同佢講話有
破裂時佢重好大聲咁講："唔系喎…原廠一出就系咁架喇﹗
系新架﹗"。 X佢老母…我當時 心諗，你條粉腸系咪盲架﹗咁
大X條裂痕你重可以話系冇事系新既，簡直系張大眼賴尿。
後尾，我話我唔X買時佢就死死氣氣換個無壞既畀我。我
出去時暗中留意到佢又將果件壞左既貨品放X番系原來既
位置，諗住呃下一個大意的消費者。
第二次：
上個星期晚上去買件魚具(不便公開系咩)，又系畀我細心
之下發覺有損壞後死死氣氣換番個好既畀我。壞的又系學上一次咁
放番系原位準備呃下一位大意消費者﹗佢做生意手法就系咁卑鄙下流﹗﹗﹗
小心…小心。我唔明白掂解佢D損壞左既貨品唔退番畀供應商而要繼續
咁呃D消費者買左佢﹖真系無良…唉…
請各位Brothers & Sisters 以後到棠記買野時要小心，唔好畀佢呃左你地D血汗錢。
小心…小心。

如果買野買得咁勞氣,
無謂去勞氣第二次!!!