水草情迷

睇左咁多感覺宜家d年青人點解咁多對婚姻冇信心,睇野都係諗唔好個方面多呢?照計宜家和平社會都唔係好多風浪,但係好似個個經歷好多曲折咁,灰暗的多,係我地裡代人的眼中覺得真係有點傷感.人與人之間互信的基礎去左邊呢?兄弟姐妹,父子,母女,夫妻間的關係難道都要留一手嗎?裡個社會真係有點責任,傳媒都有責任,負面野太多.
個個父母眼中的仔女都係叻架啦,仔女的要求只要條件許可都會滿足佢,大家覺得應該讓佢投入社會磨練磨練,知道搵錢艱難都係好啱,個仔對錢真係冇乜概念.不過佢都知自己屋企窮,唔會同周圍d富學生比.佢d同學有揸benz返學咁誇張架.我地裡d人家培養到佢讀到大學真係唔容易,學費一年4萬二仟,宿費一萬,加埋平時生活費,社交費,拍拖費,你都唔想佢一畢業就負債累累架,所以做父母的只有付出,有冇回報從來都冇諗過,仔女如果以後環境好自然會想到父母,如果自身難保你就唔好指意啦,我係諗得好通架.

_________________

你是一個好父親

chu前輩個仔仔真係幸福
有個咁為自己o既父親 實在難得
但係我同青頭兄幾前網友都係太約o既意見
讀書同出左來做野係兩種唔同o既世界 隨時可以令你個仔仔有好大o既轉變
如果我係chu兄 我會叫個仔仔出來做左幾年野先 等佢了解左以後生活上佢要承擔咩責任後
先至去諗結婚呢個問題 我覺得咁先至係明知呢
我自己同另一半都打算出年拉埋 而家正為以後o既生活頭痛緊
其實冇話靠唔靠屋企 呢個都係其次 最重要係清楚明白之後o既生活所要面對o既承擔同付出
不過都係度恭喜chu兄可以飲到呢杯新"抱"茶

chu前輩個仔仔真係幸福 ，我結婚前都係自已儲蓄。15萬左右執靚間屋、10萬左右預酒席除去人情後支出、又預5,6萬左右呢樣o個樣。不過禮金就唔到你想點、只希望你仔仔的外家係明理o既人，唔會賣女咁開天殺價。

我只會幫個仔儲錢，一係俾佢外國讀書、一係買樓娶老婆，是但一樣。

咦，個 topic 由「結婚使費問題」轉左做「幾時點樣才適合結婚」喎，老朱要改下個 subject title 啦！

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663

唔係想撥冷水
而且我覺得chu兄係個好爸爸
不過都想講

1.唔係悲觀, 係個世界變o左
我地上兩代盲婚啞嫁就一世
而且好多時候仲係好幸福添
但所有o野都係by chance
你就算保證盲婚一定可以終老
o的後生仔都會揀"風險高"o既自由戀愛

2.別把自己的意願加在兒子身上
咁講唔好怪我
因為世界上就係好多人好心做壞事
知道時已經太遲了

3.你肯定佢識自負盈虧?
你肯定佢想結? (而唔係因為你叫佢結佢又無乜意見?)
我身邊人都遲婚
或甚至唔結(住埋)
識o既人結完離o既都有一堆
最後生結o個個, 係我表弟
搞大o左女友個肚
廿歲左友就結
擺酒都要阿媽籌錢搞.....
即係借錢, 我睇來完全係因為佢媽媽想搞
佢根本無主意

哈哈,二少把火燒到我頭上啦,不過有d冤枉,我唔會強加自己的意願俾個仔架,個仔也唔會奉子成婚架,至於"你肯定佢識自負盈虧?"你諗下我個仔讀大學要26歲先畢業,大學畢業好似應該23喎,讀乜要咁耐架?應該諗到佢有冇自負盈虧的能力了呱,畢業結婚只會係暫時性的經濟問題姐.人話救急唔救窮我明唔可以幫佢一世g.都係一句睇世界唔好睇得太灰.你地個個都有美好的將來.

_________________

x2

i really wish my dad is like u

my dad didn't even let me take photos when i first came back to HK, didn't let me have fish before i get a job, didn't let me this and that and even throw my stuff away WHEN he thinks it's useless...go to my room and throw tim...also say i'm bad at this and that even i did a great job, never say a word like "good job son".

we seldom talk, when we talk we usually blame on each other...always say i don't listen to him, but he never spend his time to talk to me, to care me, i'm good at what he doesn't even know...that's why i wanna get married without his help...and my mom is a good mom just like Mr. CHU being a good dad.

sigh~~~i really wish my dad can play fish and grass with me, take photos with me, etc...

chu:
如果要擺酒, 一般的, 不太寒酸, 你點都要預支10萬, 因為上年係盲年關係, 我洗左7萬幾(15圍), 回應都話唔差.. 其實我覺得後生仔要結婚應該俾佢地自己諗辦法, 而唔係由父母操心, 當然, 作為父母的可能想俾d心意錢, 但唔好俾後生一種依賴.

而家有很多人遲婚, 遲婚其實可能會令婚姻更好, 因為, 雙方各方面條件比較成熟, 有責任心,我同我老公都係 25畢業, 因為要靠自己, 大家做左4年野先結婚,況且, 男人30先叫做開始佢地既"黃金時期", 在我眼中, 男人35結婚都未叫遲, 因為哩段時期既男人開始有自己既事業, 思想比較成熟, 人亦比較穩重, 如此一來, 先有更好的條件去照顧好一個家庭.. 哩d只係我個人觀點

以前真係唔明點解阿媽成日叫我找個大5年的男人, 而家我先明白, 不過, 已經太遲了...

唔該Florence小姐,睇左咁多意見大概心中有個數啦,各位的意見都好中肯,唔該曬!

_________________

chowdee 朋友:二代人的相處真的會有代溝,越來越疏遠大家都有責任,我同個仔一路係當朋友咁,大家有時都會有唔同睇法,咁就放係一邊讓時間證明邊個啱邊個錯,由佢小學起我地一齊打機,一齊玩電腦,個時電腦係286機,行dos,我地第一部腦係冇硬碟架,我教佢著圍棋,宜家佢攞左大學圍棋冠軍,我就原地踏步,我成日同佢講你想玩的野即係你最有興趣的事,如果咁都玩唔好咁做乜都唔會成功啦,而讀書佢由細個開始就養成快速完成法,舉個例:學中文如果個字佢識默,先生話要抄十次,我就會代佢抄,唔洗佢曬時間,同一解決方法的數學題識一題就得了,慳返來的時間可以玩.直到宜家我地都好中意玩,養魚佢就冇乜興趣,中意睇唔中意落手落腳去做,宜家到佢教我啦,我唔識英文佢上網搵d軟件幫下我,所以都可以睇得明少少你篇post.
嘩 Andy Kong又要叫我改「教仔篇」啦.唔講啦.

_________________

http://www.v2.net.cn/work/index.asp

定我要求低呢,我看大陸婚紗网站都有ok

CHU兄:
睇到哩句, 我即刻諗起讀小學時D 阿蛇真係好鐘意叫人抄抄抄, 我好記得個陣時個MISS叫我地抄100次, 為節省時間, 我偷用阿爸幾十張複印紙, 就甘抄幾次就OK, 點知換來重抄500次, 我個時真係咸住黎抄, 其實個位MISS應該覺得開心就真, 起碼佢D學生識得諗辨法如何在短時間內完成工作, 而唔係刻板只懂得去做 ...不過, 可能佢覺得我哩種行為已構成詐騙罪, 所以, 要罰我,,,

大陸係睇你去邊間, 有D大公司D相都唔差, 不過個人就要不斷按攝影師要求擺POST, 而我係去台灣影, 全程很少擺POST,個攝影師會去捕捉你地最真實的一面, 好好彩 好多朋友都話影得唔錯.不過, 就唔只幾千蚊了, 而家台灣佬見生意好做, 已經抬高左個價錢, 單係影相套餐已經萬幾, 兩萬, 而且只得30-50張相你去選擇, 如果加埋機票,酒店, 3萬蚊找數都差唔多了..去年我影, 所有費用約2.5萬 (因為個陣時去台灣影無而家甘貴)
但我地父母會較喜歡香港STYLE