水草情迷

其實大家係買魚之後會做d咩先會放落缸架呢????
不如大家分享下
多謝哂

對水囉

對完溫..再對水

大家不會.......係隔離缸養下先架~?~?~?
姐係........杜下虫.....咁囉~?

唔會﹐揀魚要細心﹐重要有信心
如果條魚健康﹐無端端杜佢唔係o甘好啦

基本上所有買回來的生物, 先兌水質/水溫,
再入醫生缸, 隔兩至三日先入大缸, 無啦啦又唔會杜佢,
佢要係入大缸後先病發我都無佢符.

_________________
黑毛/絲藻是損友, 要疏遠他,
水草/莫絲才是蝦仔的最佳拍擋。

07迷上紅水晶, 搗蛋小蝦b ! 嘻~ (八月號)
http://www.youtube.com/watch?v=ELq6edcYOSA
唔怕貨比貨, 最怕唔識貨!!

咁醫生缸..............放佢係入面.......
係咪乜都吾洗做~?只係觀察呢?

「揀魚要細心﹐重要有信心」這點我很同意

「如果條魚健康﹐無端端杜佢唔係o甘好啦」這點我不同意
魚何為健康??體內有小毛病外表是察覺不到的。
不先做功夫，體內的小毛病發出體外時已是病入膏肓。
正如冇感冒都打定感冒針，預防勝於治療。

_________________

魚病有好多﹐我唔係高手﹐搞錯藥份量仲死
我又唔清楚邊D係預防藥邊D係治療藥
真係無信心我頂多鹽浴一陣
未有病徵唔識同佢預防啊

唔識唔緊要，但這樣說會誤導別人!!

_________________

嚴重D掛?我個人意見o者﹐可以唔聽
我又唔係提出好有違常理一跟即死o既意見
事實好多魚友都無預防藥浴o既做法
如果好似我o甘唔算經驗豐富﹐的確係唔用藥好過
好多人成日用錯藥一用就死

事實好多魚友都無預防藥浴o既做法，但實際這一點很重要，所以就必要提供正確的訊息。

你的思想真簡單且有點自私～
而家人地唔係揾你吹下水，而家係新人有唔識問野，你答得就要是自己認為新人跟了會好的。這是基本的個人操守及成擔。
你答D自己都唔清楚的錯答案，此新人相信了會走Y路，之後又有新人尋舊文看了信了又走Y路...影響何其深遠!!三思!!

_________________

兌溫>兌水>用TDC檢疫再放落隔離缸觀察3-4星期先放落大魚缸，會1-2個月係大缸裡杜體內及體外蟲，因為有時會餵生口野！

_________________
成敗得失都看淡，夢未盡會復還！

其實....成缸度......會吾會有事架?

請看清主題﹐佢無問人教佢點做
係分享我地自己點做

[閒聊] 其實大家係買魚之後會做d咩先會放落缸架呢?

其實大家係買魚之後會做d咩先會放落缸架呢????
不如大家分享下
多謝哂


跟主題的話你應該講下自己用咩藥﹐會點做
並唔係同我討論﹐我都係講自己做法
armaningan,pui87都無話會藥浴
何解只係我自私﹐誤導?
呢度o既舊post甚至有人唔對水
你可以指我錯處﹐但係自私﹐誤導對[閑聊]o既指控太重
我已講明係我對藥唔熟o既做法﹐我並無"導"人
仲有主題[閑聊]﹐唔係吹水?如果唔係[閑聊]﹐我就唔發表

請青頭高手另開主題去指導我地後輩
如果閑聊係唔吹得水﹐恐妨難有人舒發己見
我本人尊重閣下知識﹐並不想罵戰
但跟主題發表對forum都幾重要﹐認同嗎?