水草情迷

呢個係我既三尺缸, 高22吋, 大概有220L水, 兩支150W鹵仔, ADA泥, ADA LONG IRON BOTTOM, STEP 1, LIGHT, ECA. CO2 每秒4-5泡, 每星期換水4分1, 開燈時間2點至9點, 極勤力SAE6條, OK勤力小精靈6條, 彩虹鑽石蝦十隻. 先前爆過啡藻, 而家好番DD但都仲OK多, 有幾條絲藻, 但我見到就會拑走. 冇餵魚~

唔好意思個缸冇咩草, 因為仲有兩舊大沉木處理緊未放入去, 預計會放係中間位置. 所以中景草未點種, 但諗住係紫三角葉同紫紅圓菜. 另外都預備左D彩葉薄荷周圍插D~

想大家幫幫手既問題係, 隻百葉雖然有兩支鹵仔係佢頭頂, 但都係生到歪黎歪斜, 我真係俾佢吹脹. 而且間唔中就會縮下頭, 真係搞佢唔掂.

而絲葉太陽仲麻煩, 個頭好綠, 但下低俾啡藻遮哂, 唔知師兄們有咩好建議?

麻煩哂~

啡藻要快d搞搞佢呢...你d新寬葉中哂招呢...
買返幾條小精靈，一個禮拜內搞掂！

[b]過濾方面如何？可以用除藻樹脂幫助清除NO3及NH4。

我認為唔好落咁多肥，先種多些粗生草扯去水中多餘

_________________
穀精系列：霧島產穀精、鹿児島產朝日穀精、日本產穀精、日本白玉穀精、玻利維亞穀精2000, 2002, 2004型、南美Mini Taco、聖弗朗西斯科穀精、印尼蘇拉威西穀精、印尼火燄穀精、香港尼泊爾穀精、越南芒楊縣穀精......

過濾係祖國JEBAO(好似係咁串)濾桶, 聲稱有1200L/HR

我好少魚, 而且從未餵過魚, NO3同NH4應該唔會好高, 要出動到樹脂掛~

其實絲藻都冇咁驚, 因為都仲係幾條, 但啡藻真係頭痕....佢痴係缸邊唔緊要, 痴哂上D草到先煩嘛, 搞到啡啡綠綠咁

daniel師兄講得岩, 我諗我草太少, 空曠地方太多, 俾d藻有機可乘~

小弟多口講句，D草生長情況唔係好理想

試試剪短晒D草再插疏D，停肥，分段光照，每隔日換1/2水(要有心現準備魚蝦會有傷亡)