水草情迷

在下水草缸一直相安無事，但係自從星期六加o左兩條o係水x店買o既飛狐同埋廿隻水草蝦就o黎料……

第二日，率先陣亡係一條飛狐，我開頭以為佢唔適應ｄ水所以就去o左啦。點知由星期一開始陸續有死魚。死o既魚分別係企鵝燈 x1、日光燈 x2、鉛筆 x1、紅蓮燈 & 新燈各 x1.....

另一方面，可疑之處係星期日換水黎，之後加o左幾茶匙鹽補充補充，唔知有冇可能因為咁而中招……但係之前都有加過同等分量o既鹽……奇怪！

Details:
缸： 12" x 9" x 9"
泥：ADA黑泥
草：紅蝴蝶、絲葉太陽、牛毛
肥：完全無加過任何肥 or 藥

大家研究下～嗚嗚

幾茶匙鹽補充補充？
幾茶匙...加落12L水...好似多左d喎！

都可能既～不過我之前都係加同等分量但係無事……
可能係日子有巧慮積多o左，所以宜家已經換左水同埋冇加鹽睇睇

我諗唔關水x店買o既飛狐事! 事關我係同一日都買左一條, 到依家都冇事~
等我觀察多兩日再報告.......

thx~另一條都仲未死。
另外，今日再死多條櫻桃燈 都養o左佢有年幾了

又死多條新燈朋
經我觀察，ｄ魚死前都係冇病態。好似o岩o岩條新燈咁o係水入面狂標一陣就好快咁無左呼吸……去o左！

鹽份過高?

死魚正常呀...
個缸咁細...
落咁多魚...
硝化系統頂唔順囉...
惡性循環...
你落 2 條飛狐同 2x 隻蝦時就超出你個硝化系統上限
根據生態平衡.. 自然有魚要死...
但一死魚就令水質變得更差
令更多魚死...
水質更加差...
呢種咪叫反水囉...

唔好睇少 2x 隻蝦...
柯出來0既屎多個 2x 條魚呀

多謝賜教～
尋日開始總算冇死亡報告了～～依HKCyberCatt兄所言，在下個缸size最理想係大約幾多魚、蝦好呢！？