<炎之舞>的構思:
設缸時正是炎夏, 所以想做一個比較野性, 顏色豐富, 層次比較多的缸; 因為先前兩個景都用青頭石做主打, 所以想轉一轉, 用全木景去layout今次個缸!
這個缸已經差不多用晒我家的所有細木, 當然, 木型, 大小都有選擇過...........最後也選了10枝木! 木一多時就是頭痛, 一是太多時用的空間多了, 可能有好多空位不能種草; 二是很難把木放得自然, 又match缸的比例! 木我放置用了大半天時間 待景期間也有modify過~
<炎之舞> 也是一個Concave造景, concave也是我的強項吧!
我多時用九宮格, 黃金分割和 1/3, 2/3做景.....可是太悶了.....這次就用上了1/2....比例上可能冇咁舒服呢!
整個景由小圓葉帶動, 由左高到中間最低, 再由中間最低去番右面的高處! 而木和細葉鐵皇宮就是分開左1/3, 右2/3的要點....而紅松尾就是最eye-catching 的 point! 是在九宮格線上的右上點!
而選用迷你牛毛做前景是因為佢比迷你矮珍珠更野性, 當然用迷你矮珍珠就可能冇迷你牛毛咁撞啦......不過生密左之後, 我覺得又ok wor! 而細葉紅蝴蝶同小紅梅就是用黎增加layers! 當然它們不可以一group大大的, 因為會disturb左紅松尾的吸引力!
<炎之舞>的日常管理:
細缸水質的變化就是頭痛, 生藻差不多是必然之事, 可是.........奇蹟卻發生了!
我覺得<原野之風>比<炎之舞>是更難管理的, 原因是草種生長較慢, 和青龍石對水質的影響!
<炎之舞>只須一星期換水一次, 每天加入一些蒸發了的水! 每日加 1 ml ADA step 1, 2 滴 ADA ECA, 紅草附近加了3枝 ADA iron bottom! CO2就是24小時, 一秒3波.....(因為冇魚的)!光照時間是分段, 4 hours light-->1 hour break-->5 hours light--->2 hours break--->2hours light........共11小時....
草草應全部在良好狀態, 連我種咁多次失敗咁多次的紅松尾, 也能展現閃粉紅色, 真係喜出望外....而藻就因為草的強勢而不能生長, 連青苔都冇, 玻璃都唔洗刷! 而狀態最唔好的, 應是簣藻吧! 因為太多肥同光, 它變得異常紅色, 不夠翠綠!
而每星期都要大剪一次, 因為生得太快啦......
<炎之舞>的攝影:
事前當然要準備黑card封邊, 拿走所有器材, set好腳架, 吹水風筒等等!
用AV mode測光是我的慣例, 我通常都會教ev-0.3或-0.6去影, 因為在我缸是剛剛好唔會爆!
用UV filter, 因為可以令顏色更加saturate......我試過唔用uv, 同用uv, 可能是B+W的關係, 色水是沒有偏的, 只是加了saturation! 哈哈, 草草看上黎更加嬌艷!
用ND的漸變灰, 就是希望缸的上部與下部的光更加平均, 你們可以清楚看到, 上部明顯暗了些, 草的層次更多, 更出.....不過今次失敗了, 因為下部爆了些....
blue light effect是新嘗試, 和<原野之風>的攝影方法一樣, 背景用了白底, 缸背加了一塊磨沙膠片, 只是背燈就轉用了一支藍光T5.....我發現不用背景紙而用打燈的方法是很好玩的, 因為看上去, 眼睛很舒服, 背景也渡有咁實的感覺, 也令缸的景深增大了....其實#1, 同期3是同一日影, 但就因為我的缸得9吋景深, 令背光有機會從背景透了出來.....所以令到d草好似少左咁.....這只是錯覺吧!大缸應該沒有此問題.......
後記:
玩左細缸咁耐, 造左咁多個景, 其實好似已經有點靈感不存, 因為發展空間實在有限! 轉大缸可能是唯一令自己的技術更上一層樓的辦法, 但家中實是冇法達成此願望........無奈中!
登入
註冊
問答集
)
