水草情迷

請各位大大幫幫忙,燈科(特別想問紅鼻)/孔雀/鱂魚/神仙對水質的要求
(例如 :ph , 水溫）
仲想問下,鯛魚可以放在草缸同其他魚一齊養嗎？

Thanks

燈魚有分美洲燈;亞洲燈,有d係ph5.5~6.5,有d係ph6~7!!
紅鼻係可以5.5~7都得!!
孔雀最正係6.8~7.2!!
鱂魚好難答您,因您無問咩品種??有d要高ph;有d要低ph!!
神仙~係五彩定7彩??但都係唔高過6.8啦!!
水溫~養魚可以長期維持24~28就最正!!
鯛魚在草缸養可以好靚,但混燈魚要養少d上層性的魚類,因怕鯛魚唔夠快食嘢!! (另好難有下一代)

_________________
一切從心便是美...便是自己[email protected]

多謝你呀,唔該哂～
如果我個缸水 ph係 6.5-6.8 ,就可以混養紅鼻,孔雀 + 神仙(熊貓仙) ？
咁藍眼鱂又要求咩水呢？

PS ... 咁我都係唔養鯛魚啦，環境唔太適合 ^^"

唔好養[孔雀],[孔雀]要單獨養在草缸先靚!!
d[紅鼻]會咬[孔雀尾]!!
另[孔雀]好易生,但[神仙]會食晒d孔雀bb!!
藍眼鳉~ph7!!

_________________
一切從心便是美...便是自己[email protected]

一般如果你唔想繁殖， keep pH 7 都 okay 了。

d燈魚都會食孔雀bb架...
armarm唔小心放左一條bb出黎...造左生糧

嗯嗯 ... 聽完兩位既意見
我決定開個孔雀 + 蝦仔缸


如果我想佢地繁殖, ph 又要 keep 幾多呢?
其實我上年都養過孔雀,係生過 2次 bb ...
可惜一次意外 , 全缸反魚 ...


其實 ... 佢地父母都會食佢地架 ...
要好好保護 bb 呀

天下, 設陰草缸啦!!一般陰缸唔須要好多co2,d水keep得好,一般[孔雀];[蝦]都好易養!!
ph過低,反而d孔雀有時會[燒尾],ph6.5~7都ok!!
另如想d蝦都有bb的樂趣,易生的有藍蝦(仲會有色差,幾得意)!!網球蝦,大隻得意唔咬魚,但無得生bb!!***千其唔好養[大和沼蝦]咬魚同咬草,生咗蝦b仲煩!!!!!!!!

_________________
一切從心便是美...便是自己[email protected]

haha , 多謝意見

死啦 hp 過低孔雀會燒尾? 我仲諗住落紅泥 tim ... 似乎唔得 lu

蝦仔生 bb ... 咪會俾孔雀食哂? 還是要分開養呢 ?

網球蝦好得意架,不過 ... 佢地天生就係浪子 , 喜歡離缸出走 ...

大和沼蝦既惡行我見識過啦 ... 我一定唔會再養

差 d 唔記得講
我會開個陰陽缸(前陽後陰)
hehe , 養 4-5 對孔雀 , 10-20隻蝦仔 , 加一對工作魚
不過養既品種就末諗定

陰草有咩好推介呀? 我個缸 12"X12"X14"
再一次講,多謝