水草情迷

好多謝各位支持
如果我要keep 呢個缸, 要用最省錢概方法係????
如果呢個缸乜都唔加, 可以維持到多久????

加返 diy co2, 只養小量蝦, 唔好養魚, 櫻桃蝦其實好命硬架, 對好水先落, 就有排養.
蜜蜂蝦唔好再養啦, 缸內環境比起野外相差太遠, 死既比生既多.
草唔夠光, 又想懶, 就只種莫絲, 鐵皇冠等, 就可以keep 好耐啦.
開得魚缸, 都預左用錢, 如果想慳, 點解唔用腐乳樽養鬥魚 ... 10蚊已經可以養好耐.

我裝左三支燈 , 都未得其實真係想解決,我今日返屋企影一影支燈, 俾各位睇一睇我買個時寫住係t5(not ho), 睇睇可以改良定係點

我都唔懶嫁 我每日都會幫個缸加0.5L水(因為蒸發), 每個月換三份一水再加菌

係呀 想問要完全成一個正常缸應該要繼續好定結束, 繼續的話 想知要用多幾多, 真係想慳(女友+阿媽)話我成日亂洗
(如果照我個餐單睇其實我係唔係真係有好多錢係洗多左呢) 又如果我再買要買d乜

我覺得......你用多1,2百蚊到....加多d陰草.....就會似樣d啦.....
陰草扎上木.....你可以唔洗加泥tim......
水係要換o家.....只加就好易爆藻o家喇.....
一個月定住用200蚊,半年就會加到好多野o家喇......200蚊一個月,一日都唔洗10蚊.

_________________

點解因為d草要不停換, 定d魚不停換

唔係d草要不停換或d魚不停換,
係增加器材

每月200蚊加d 乜器材???

3個月唔用咪買到2手co2囉....
一個月買到泥同肥料.......
2個月買到燈.....
草缸係要用錢買o家......如果真係唔放錢.....可能真係要諗一下.....
我個20寸缸,開缸半年,都用左2,3千蚊啦....但係我而家收手lu....
因為我冇時間打理....但係日日返到屋企....睇下個缸....真係幾好,幾舒服o家....

_________________

你要種陽草/ 陰草?
如果陽草, eden 501 瀘水己好夠, diy co2, 看看燈光是否夠用, <-所有資料可找舊文
缸細唔好放咁多木, 因為會冇左好多位, 種多小小草, 由其前景, 草缸養孔雀唔係太好,
可改養燈魚, 加兩條飛狐, 新缸唔使加肥 , 睇多d 舊文, 唔好放棄!

各位前輩大家好，我也是一位種草新人，我覺得是否可以先放一些易種的草，再放少許工作魚就夠，其他的暫時不必放太多。因為你的缸真的很小，不適合放大多的魚，草方面就要多少少。若資金可以的話，不妨考慮買部小小的co2，可能對你有所幫助。

環境未完善, 落蝦是有點危險的...

我就咁望落你個缸, 覺得有點污濁... 重好似有枯葉tim~

最好等d陰草轉晒水, 生得好少少, 落$10平魚養水... 兩個星期後, 買$10平蝦仔試水.

p.s. 1)水草生得不好, 就不能淨化水質, 重會有反效果. 水都未定, 養咩都死! 努力!

_________________

www.cau-aqua.net


http://killieclub.hk

我見d櫻桃蝦keep到兩個月, 所以估計完善


係呀 我種極都係咁d草唔死唔生, 水就唔濁


呢句唔係好明