水草情迷

究竟分段式光照是否有咁多好處,見各討論區都有唔同講法,
有說可以減少爆藻機會,小Ｄ青苔,紅草可以更紅.但唔好處又有話會追光.又話對Ｄ草冇咁好.........

無間斷式,亦有人話可以令水草生得更好,更加健康,紅草當然紅到爆咁話.

如果真係用分段式,咁要分幾多段好?段與段之間應該分開幾耐時間,如果只分兩段,頭段長時間Ｄ或尾段長Ｄ好?

而更深入可能會用分段式,唔同流明光度照草.

真係好希望聽一下大家有乜意見,有乜心得.不如大家講下大家Ｄ
光照時間,比小弟參考一下.

至於小弟因為岩岩爆完綠絲藻,掉左好多草所以暫時只用７小時無間斷式,希望唔會歷史重演.

其實都係各師各法, 唔用分段都一樣管理得好好既缸都有好多呀.
照以前既資料, 分段光照, 都係話等藻冇咁易適應, 而唔影生長吧.

呢個問題我都想知
其實睇書係話無間斷對草草好D
不過參考左前輩心得
我2星期前開始用分段光照共9個鐘
我D藻係少左
不過唔肯定關唔關分段事
因為我換水勤左,魚量少左,餵食都少埋
又換左品質好D既液肥

_________________

我覺得最少有兩個好處
1 避開日頭最熱既時間仲開住燈
2 配合我响屋企既時間至開燈,方便觀賞

_________________

我都覺得係
但我D草的確有追光現象，吾知關吾關事？

不過我覺得本來D草草都係連續光照,如果能夠維持原本的生長環境,
相信對草草會好些,至於藻呢個問題都係日常管理的問題(大部份)

請各大大如上述有錯請糾正之

_________________
每次為水族而感氣餒的時候,就是檢討及翻缸之時......

我都在試緊, 以前分兩段, 早上四小時, 晚上四小時, 起身可以看看, 晚上回家又可以看看.
現在改由黃昏至深夜八小時無間斷式, 只可在晚上觀賞, 間中早上會開燈看一看便關掉.
我都覺得好似以前D藻係少d, 草的生長不覺得有甚麼分別, 不過同樣一句唔肯定關唔關分段事.