水草情迷

本人養魚數月, 是一名初學者, 現有一些問題想請教大家

1)最初條金清道夫都好盡忠職守, 但近來佢好似發咗癲, 猛咁鑽d沙, 鑽到我僅有嘅水草d根都飛晒出嚟, 攪到成個缸沙塵滾滾, 連我都滾埋, 請問此魚因何如此, 而你們又有沒有如此情況出現?

2)我見到條清道夫有時會啄其他魚, 佢究竟係同佢哋玩定係有暴力傾向?
(因有次條燈魚死咗, 我見佢食佢條屍食得好開心, 條屍浮下浮下, 佢重
一時睇錯, 啄錯隔離條活魚, 嚇死!!)

3)最初我係養燈魚嘅, 但經過佢哋相繼去逝, 剩番8條, 所以買咗d孔雀魚
陪佢哋, 大概十二條, 自此以後, d 燈魚都"哩埋"喺一角, 直至我熄燈先
出嚟活動, 其實未買d孔雀魚之前已經有呢個情況出現, 點解?

4)最近有條孔雀魚好似休息咁瞓喺沙地, 我開頭以為佢就嚟唔得, 點知我
餵佢食嘢, 佢又龍精虎猛, 佢係咪有咗BB定係果頭近?

5)究竟清道夫會唔會寂寞, 駛唔駛買多條陪下佢?不過我個缸得12吋, 我
驚冇位容納佢

本人養魚經驗尚淺, 請各位多多見諒, 指教指敎

hi!水草
1)我沒有如此情況出現
2)魚係有時會,don't mind/其他魚唔會啄死 by 清道夫
3)燈魚膽小
4)孔雀魚 靜 d,唔會成日move ga,唔係有

hi~水草~
1. 你o個條金清道夫係咪好平o個d....(o個隻魚唔好放入草缸)
2. 不論任何魚都會啄下d 死屍 (因為佢o地以為係食物)
3. 燈魚係比教細膽..但習慣o左好快無事
4. 你累時都要休息啦....魚都會累o架....放心啦...無事o既
5. 我o地都唔知條魚唸乜...無話寂寞唔寂寞...一條夠啦....d 魚會大o架.......

首先多謝兩位的指教

1)十幾蚊條算唔算平? 究竟有冇人條金清道夫會鑽沙呢?

2)你有所不知, 佢唔係啄下, 佢係食, 好似人咁成條食晒, 剩番棚骨!

3)但係佢哋開頭唔係咁, 不過可能驚d孔雀魚

4)可能我誤會咗佢啦, 因為由買佢哋番嚟開始, 佢哋好似唔駛瞓咁, 由朝
游到晚,而最近又剩係得一條有d咁嘅情況出現, 所以有咁嘅疑慮

5)因為我見人人都有伴, 得金清道夫自己一個, 我怕佢悶丫嗎
佢已經好大條, 咁金清道夫會有幾大

1) 普通o個d金清道夫會番你個缸o架
2) 正常呀...佢o地係魚...唔係人呀....(雖然有人肉叉燒包)
3) 佢唔只驚魚.....仲會驚人
4) 放心吧
5) 嘩......好似有宏高o個d o甘大條o架~

1）草缸放清道夫要用鱼苗，0吾好超过2寸，我用紧两条普通0既都无事啦。
3）如果够开阔就无问题（想哩埋都吾得啦。）

你可以放d沉木或盆, 等條淸道夫有地方躲藏. 它會鑽個洞然後乖乖休息

1.我讚成mtricky 的方法
你可以放d沉木或盆, 等條淸道夫有地方躲藏. 它會鑽個洞然後乖乖休息
2.這是此魚在缸中的主要工作[清道夫]專清死魚。
3.養多些就會大膽游出來。
4.此條真是好大機會就嚟唔得。
5.金清道夫會打交架[有地盆]。我家金清道夫成日同印第安，亞加西，金胡子打交。一條夠啦。大起來成條雪笳甘大。
以上只是我缸曽發生的事，希望幫到你

I won't keep this horrible creature in my tank. The reason I call it like this is: it suck other fish's skin. I think it is getting food by doing this. I have a goldfish which lost all its scales and finally dead becasue of 金清道夫.

It is a murder, it is a murder!!!!!!!!

其實草缸唔係太應養金清道夫,琵琶ga.....因為d 水酸左少少
草缸可養飛狐食藻ar....

嘩, 成條雪茄咁大 , 唔好嚇我呀, 魚檔阿伯都算大整蠱, 叫佢幫我揀條清道夫, 佢就揀條幫我番缸嘅(owen4880講得啱), 等我重以為條清道夫咁靚添(恕本人無知, 因為我以為所有清道夫都係烏卒卒嘅)
哦, 原來金清道夫要鑽洞休息嘅, 等我開頭重以為佢玩自閉, 其實佢都鑽咗個洞休息, 但係佢都唔知足, 日日幫我設計個缸, 有時波浪型, 有時就斜坡, 我都無晒佢符 雖然我都同意dunn嘅講法, 不過成個缸我最鍾意條金清道夫 , 好似有d怪咁, 講出嚟都有d唔好意思, 所以我唯有容忍佢所做嘅一切, 不過都好多謝大家嘅寶貴意見!!

God Bless Me......................

嘩, 成條雪茄咁大 , 係真唔係呀

真真真!珍宝熱狗腸細D 短小小 聽牛xx老細講之前在錦鯉池養的。當日見到也嘩嘩嘩

啦！真是有㗎 今日又在牛頭角魚舖見條小雪茄咁上下大的金清道夫啦[今次比上次嗰條小3/1約4,5寸長，身肥寸鬆小小]，無聊又有空閒去睇睇啦。

_________________
你一天中僅有這麼多個小時，你只能在這個時間內努力工作，那麼為甚麼為錢而拚命工作呢？是不是應該學會讓錢和別人為你工作？這樣你才能夠自由自在地去做其他重要的事情。

青苔鼠幼魚為草食性，喜食藻類、亦食活餌、薄片飼料，成魚則漸轉變成具肉食性。成魚具領域觀念，僅幼魚可一起混養，成魚應該單獨飼養，牠喜歡使用吸盤狀的嘴，吸食水族箱中的藻類、青苔及其他魚兒吃剩的殘渣，故大多數的人把牠幼體當成清藻魚飼養。