水草情迷

成日買返黎d魚第二日就死左
都唔知係我有問題定間鋪有問題既...
今日養左都幾耐下既粉紅旗kick住左o係d水草度....
變白死左....
唉....好沮喪

既然魚都養左一定時間啦..講真..好大機會係缸0既問題..同鋪頭無咩關係law 唔使0甘灰啦..呢度大把勁人..得閒多0的睇0下人地0的post...搵0下相同0既情況law...學0下點處理... 無問題0既!!

你買返黎d 魚有無對左水先落缸呀~??

係呀....唔好灰心住~
依度有兩個問題:

1. 成日買返黎d魚第二日就死左
我覺得好有可能係你落魚時處理不當, 例如冇兌水, 依個問題已經係足夠令魚在短時間之內死亡. 因為有溫差或 pH shock. 所以兌水係一個非常重要o既步驟, 唔可以唔做架~

2. 今日養左都幾耐下既粉紅旗...變白死左..
水質應該有問題, 你要 check check 搵出原因. 有可能係中毒或者細菌感染..總之你缸水係應該有問題...check 下會穩陣 d~

當缸有問題發生, 只要逐步去搵出原因, 咁先會學到養魚o既正確知識..
豬戀講得冇錯, 相信依度有好多魚友都好樂意去幫你, 而我亦不會例外~

魚死魚還再！

_________________
姓草名民，尚草下民，號刁民，因體胖，又名大肥。

魚街既魚，無論袋魚又好，缸魚又好，都好多菌你知唔知？最好就係先放個隔離缸（裸缸），買左番黎既魚先消毒，再睇幾日至一星期觀察過無事先會放落草缸度，因為好多時ｄ魚係魚場都未必會有事，但係去到魚街好多時會感染左都唔知，有時強既魚只係做帶菌者，但係都會惹到其他弱或正常既魚感染發病。如果醒目既，都會幫ｄ水草做埋消毒工作！

消毒既方法好簡單，輕藥性既可以落鹽，中度藥性就落甲基藍或者孔雀綠，重既可以用福爾馬林或者灰猛養。我自己最鍾意用福爾馬林，但係藥性最毒，有時老手都會死魚，並不見議使用。依家魚街可以買到已稀釋既福爾馬林，但我未用過唔知效果如何。

買開邊類魚?

對呀, 心急唔係好事.
你睇下人地養短鯛, 簡簡單單, 一個缸仔, 一個水妖, 養到魚仔都孵出黎都得.
所以一個合適既環境好重要囉.

咁如果我缸水有事
要點算呀??
因為之前好似講過唔可以換太多水
我驚換左死得仲快.....

以後買魚都係兌好d水先

有一個辦法 ,

- 死魚之後唔好再買新魚(又為俎魚加入新元素) , 讓未死的魚繼續活下去 ........