水草情迷

小弟數星期前經網友Mr.Kxxg訂一對野生舊金寶，但定水後不像舊金寶(請參考小圖)，Mr.Kxxx看過相片後堅稱是舊金寶及冇寄錯魚。小弟唔介意d質有少少出入，但最緊要係Order舊金寶就係舊金寶，Order野生就係野生。

直此提醒各位朋友向Mr. Kxxg訂魚前三思，就算貨不對版都沒有: 冇部份或全數退錢 或 換其他魚 或 保留下次訂魚。而曾經向Mr. Kxxg 訂過魚而未發生事故的朋友，就祝你好運。就此收筆！

要包生仔？

唔洗包生仔，Order舊金寶就係舊金寶!

即你tommytcc出魚街買Tefe酋長，但比咗條亞卡西母。

有無公魚cc?

影咗條公魚尾部，所謂的公魚長2cm多。
請留意尾部是圓和冇尾花。

小弟一年前亦都和(他)買過魚,平心而論....
小弟買過兩次,一次是白蘭特而另一次是祖露亞,
現在過了一年,白蘭特質數可以面花OK, 但祖露亞則.....平平無奇.

身邊有很多魚友都曾經和(他)買過魚,大家綜合意見都是在於他所講的(尺寸)吧~

其實小弟覺得一買一賣,雙方都有責任...
Bfish 兄為點解咁大意不撿查清楚才進行交易?
經一事長一智吧~

經一事長一智吧~

因為Mr.Kxxg當日話要趕住外出，不能等小弟晚上親自交收，Mr.Kxxg要求經另一位網友代轉交。

Authuryan兄提到的(尺寸)雖然和訂魚時有大差別，預咗野生魚質數好難講，小弟唔介意。但最緊要係Order舊金寶就係舊金寶。奇怪他本人看完張female相後，都仍堅持是舊金寶，小弟就好差意。

Authuryan兄講出小弟的心意，各位買魚或訂魚時真係要三思，撿查清楚才進行交易。直此提醒各位朋友向Mr. Kxxg訂魚前三思，而曾經向Mr.Kxxg 訂過魚而未發生事故的朋友，就你好彩。

Ps: 成隻金牛掉咗落鹹水海....唉！

成隻金牛........

當時人....應該出黎澄清一下...如果唔係等同默認.....

_________________
God doesn't forbid anything .

order 左幾錢丫

ha.ha.ha....係架佢D價都......
所以.....我都無買LU....haha....
淨係同佢拗幾多cm幾多cm 就浪費時間啦~

小弟出Post是想各位向Mr.K..g訂魚要小心，所以希望大家看完便算，不要令SuperCTW難做….

記得有一次 , 同兩位魚友一齊去佢屋企"睇魚" , 之前佢電話中聲稱話有 5cm tefe酋長$500~ 出讓 , 實物一看最多得3cm左右 , 佢跟住攞把間尺出嚟 , 一度便知衰..但佢竟然話..(手指慢動作向前移動中)...嗱 !差不多3.5~4cm喇..差不多la..魚街交魚都係當5cm架!!!!!

我哋當場"呆鷄" , 冇幫襯想走人..佢就開始"變臉".. ...不歡而散..冇下次lu..

用佢既"量度標準" , 我就有6吋lu..

那裡有6吋,定係打錯字有6尺呀...師兄

((公魚長2cm多))~~~就算是野生也不值一隻金牛
((多咀多咀))~~~~母魚看來也不像

_________________
我有錢, 不過無人咁多~
我有魚, 不過無人咁靚~
養魚是, 自得其樂是也~

http://bbq196.sinaman.com/aqua_bbq_index.html

Bfish兄:

恕小弟直言啦...以事論事...究竟係咩原因你咬定佢係一定唔係舊金寶呢?係網友意見定係因為呢張相呢?小弟真係建議你睇定d或者影多幾張相post出嚟大家睇吓...因為淨係睇呢張相好難有定論...勉強嚟講小弟覺得你話佢係金寶,珍寶甚至乎亞卡西都得,因為金寶,珍寶肚嗰幾條橫紋正常時多數會有,但都未必時時有(小弟post過嘅金寶,珍寶都睇倒呢點,而小第條新入嘅珍寶乸就成個禮拜冇出肚紋),反而就唔似係酋長乸,因為第1,2係背鰭係咁嘅狀態下應該會黑黑地,相就唔覺有...

小弟當然明白以不菲價錢訂野生魚當然係有所期望,但重點係你同當事人當初講明係代訂(好似團購,佢冇賺錢)定同佢買(即佢赚你錢),同埋佢有冇講明生死,大小,公乸,狀態有出入時包唔包先,若果係前者同講明唔包,咁其實都好難怪人唧,係咪?

所以小弟網上賣魚基本上都會post埋d近照大家睇,大家返去先嘈就真係煩到死.