早2日當死左條荷蘭鳳凰公之後~心情連續2日好差,好唔開心~
本來想搵過條公魚,再次向"散魚大作戰"努力~
點知走到去8號,間來間去...都搵唔到岩心水~
轉身睇下其他魚啦~
點知一睇就俾d 鯛魚吸引左,當時俾一對好似叫"維吉塔"ge鯛吸引~
嘩好鬼靚呀~
我對鯛魚一d都唔識~更唔識分咩叫好咩叫唔好~單係俾佢地d 體形吸引~我見百幾蚊一對~都唔係貴(可能中毒問題)~於是立即跑去提款就買~
提完款~再睇真d 佢地~睇多陣,我覺得佢地都好大條,個口wow~
大到呀!!我一時又再想想.....(因為我都覺得大唔係太好~我鐘意細~:p)
轉眼望去隔離果缸...(我唔知叫咩魚名呀~~~~)
e??都好靚wo,而且size都ok~魚身修長.....再睇下個price,又唔錯wo~同維吉塔比都係差20蚊~而且顏色係我最販ge yellow x blue x black line!!
於是便向老闆"明哥",問問點分魚公母,點睇條魚ok 唔ok等等,
明哥好有心機講解(當時ge我竟然冇咩點入腦,淨條眼甘甘咁睇佢地),講完,我就決定買呢隻魚,明哥就問我係唔係想散,我當然係想啦,佢就開始教我間邊條魚公好...
於是我就間左一條當時係最惡,同埋d色最好ge一條公魚,但明哥講,我間果條係中成魚,仲有得大,大左會更靚更惡,之後,明哥好好人,同我間幾條母魚去同佢配對,花了30分鐘到...就配到喇~
haha~我都係第一次見人咁有心機做生意~同fs果d比~真係冇得頂呀!
我再間個鯛樽,就懷著極興趣ge心情帶佢地返家~
hoho.....對埋水,對左1個鐘到....就放左佢地兩公婆入缸喇~入左缸2個鐘,兩公婆就一齊入左個樽到,我見佢地都好合拍,每當其他魚游近,兩公婆都會合力攻擊,趕左就會一齊入返去個樽~而且佢地輪住去守門口tim~
昨日,我試下餵d野乾糧俾佢地,發覺佢地唔多會上水面搶食,都係等d糧去到泥面先食,而且都係公魚食小小~母魚就唔會食,試左幾隻唔同ge乾糧都係咁....頭痛.....
今日已經係第2日~見佢地開始習慣新環境,於是就俾d冰虫佢地,wow!!!佢地係咁搶住食呀!!!既然咁開心,就影左d相同大家分享下~
希望各師兄可以指教一下我,同埋分享一下養鯛魚ge經驗啦~
最後...想請教師兄佢地叫咩名呢?
我有冇聽漏書分錯公母呢??
thanks!!
登入
註冊
問答集
