[討論]你地點睇做景????

tommysllo · **發表於 :** 2005-01-20 14:55

睇完
http://www.aqugrass.com/phpBB2/viewtopic.php?t=38544
Lee Lee的reply有感而發

你地覺得點先算做到一個靚景???
草生得靚???? 佈局細密??? 睇得舒服???
自己睇得開心,但係人地話唔靚都係好?
小弟想引起大家思考同討論, 交流心得.....好過新手"抄考"而埋沒了自己的做景能力...無左自己style

請各位多多支持!!!
(若此post放的位置不對....請提點)

[/url]

奸仔 · **發表於 :** 2005-01-20 15:09

任何興趣都係在於自我滿足~
滿足到自己就係好0既造景...

我會咁睇: 養草係第一步; 抄考係第二步(當然唔係照抄, 應該自己諗0下變化, 試0下新野~); 抄到喇, 先去諗自己0既style..抄都係一門學問

但係草生得靚係大前題, 草唔靚造鬼都唔靈..

David@情迷 · **發表於 :** 2005-01-20 15:29

ganboy 寫:

任何興趣都係在於自我滿足~
滿足到自己就係好0既造景...

我會咁睇: 養草係第一步; 抄考係第二步(當然唔係照抄, 應該自己諗0下變化, 試0下新野~); 抄到喇, 先去諗自己0既style..抄都係一門學問

但係草生得靚係大前題, 草唔靚造鬼都唔靈..

小弟對以上的每一個字都絕對，絕對，絕對同意！

薑雞 · **發表於 :** 2005-01-20 15:30

草生得靚係最基本因素. 草生得靚之後就係構圖之上見高低.
當然構圖靚否係因人而異, 所以都係從自己出發.

大家心目中都有一個理想造景構圖, 而高手就係可以把心目中的造景, 真實咁表現出來.
而我相信好多人(包括我自己)都係因為技巧問題, 未能造到自己滿意的"靚"景.

F91 · **發表於 :** 2005-01-20 16:01

我既話就係.....簡單....自然(其實係懶得諗亂咁放又懶剪是但剪)
唔會特別擺位整到好似相架咁......種到成個森林咁都唔知做乜...都唔知係未用黎養魚既...游既地方都無呀

肥肥魚 · **發表於 :** 2005-01-20 16:48

自己鍾意就得,每人有唔同既感覺
好似有D造景,個個網友都讚,但係我就覺得麻麻,不過唔好意思講

wk_law · **發表於 :** 2005-01-20 17:29

我個人認為造景是一種比較自我嘅創作,個景靚唔靚自已最清楚,對往個景最長時間嘅係自已,整體佈局,前後景層次,色彩分佈,主題焦點,邊啲草生得靚邊啲草生得未夠好等好多好多因素。而將造景放上討論區除希望有人欣賞外,亦希望有人能指出景中有何不足,其實好多時新手(像我自已)是非常需要大家分享自已嘅心得從而改善造景。我時有人指出造景有問題但自已又覺得咁樣靚啲,有時有人欣賞自已又覺得唔夠好,若要人似我除非兩個我,忠於自已吧！
另外"抄"嘅問題,個人絕對鼓勵發揮個人風格,但在有個人風格之前之需要不繼觀摩其他人嘅作品。我覺得"抄"是必經,而在"抄"之中學到幾多?點樣用自已嘅方法表達?在"抄"之餘學到點樣種水草先靚,點樣修剪保持整體佈局,認識水草生長速度高度、顏色變化等等先係最重要。我個奇怪嘅想法:依家有個天野尚先生創作嘅景在面前,同時有另外一套完全一樣嘅硬件、同品種嘅水草、枕木、石、、、、、、、有幾多人有信心種番同一個景出來而又能保待長時間同天野尚先生創作嘅景一樣呢?(我無,有一半都開心死)。但另一方面又有好多網友能用自已嘅創作而造出超越天野尚先生嘅景,就好似最近嘅"風。林。火。山",所以大家有信心超越自已之前抄過的景嗎？有信心超越自已之前所造嘅景嗎?......有！......恭喜你！

劍桃太郎 · **發表於 :** 2005-01-20 17:31

個缸係自己.想點齊就點齊.自己覺得靚咪得囉.個景係做比自己睇.又唔係比人睇.

大肥 · **發表於 :** 2005-01-20 19:08

砌景=主觀+自我。
若post出來，係為o左收集意見。

以上自我觀點。

Cliff Hui · **發表於 :** 2005-01-20 19:29

我同意 wkw 兄o既講法~~!

我覺得造景係有基礎, 例如 : 草要健康, 魚要健康, 硬件外露不要太多....等等~
之後就靠個人o既美學要求, 及一些插草技巧~
當然, 個人美學冇一定o既標準~

不過, 我覺得靚唔靚係一件事, 從看一個缸可以見到主人有冇落心機, 我比較欣賞有心機有heart的造景~ 可以用最cheap最冇人要o既水草, 一樣可以做出靚景~

好似講多左好多廢話~

大肥 · **發表於 :** 2005-01-20 20:32

Totally agree 大大大棵大白菜o幾觀點。

自覺草無話cheap吾cheap，和個價值高低，只有配櫬全在。如果吾櫬，送比我都無用。

Ｂig Ｂrother · **發表於 :** 2005-01-20 22:53

自由發揮 , 隨自己喜歡 ,
最緊要自己喜歡

Andy Kong · **發表於 :** 2005-01-20 23:47

我認同，連草都養唔掂，真係唔好吹水話做景。

我喜歡引用金字塔 theory: Maslow Hierachy of Need.

有Ｄ基本野，係無得講係Ａ級定 B 級，你無就唔得，未到位就差Ｄ都唔收貨。好似跳十呎縣崖咁，跳八呎和跳五呎的結果是一樣，唯有跳多過十呎才可以話我跳二十呎所以比你跳十二呎更強！

所以草唔健康唔駚講；某些基本美感犯錯也不能算做景成功。個人認為層次／立體感，point of focus，和利用不同葉或草的形態這些都是基本功 (還有其他末能盡列)，是 Basic Need, 是金字塔的底層。先在這些項目上把握到不至犯錯，不會前景草比中景更高更密，或將全缸唯一束的紅色草放在單邊，那我們才開始談景做得美不美，意境有幾高，或壓迫感有幾強等！

除此之外，技術和資源都係重要原素。技術不足，輕則眼高手低或剎那光輝 (keep 唔到個境)，重則連個輪廓都起唔到，唔好講成景。

果汁先生 · **發表於 :** 2005-01-21 00:14

自言自語獨自欣賞, 推敲之後都認為滿意, 咪就算係靚景一個lor. 係人都叫好既,唔使講梗係靚景啦. 大多數話好既, 又或者反之, 咁就較複雜嘞(未必係好又未必係唔好). 係咪好似冇講野呢?

其實靚同唔靚係非常主觀. 視乎品抨果個既審美水平. 如果我話Twins唱歌乍? 佢班fans實同我死過.

人總喜歡聽恭維說話, 順耳嘛! 往往就忽畧左存在既事實.

無所謂啦, 品抨即係分享. 靚又聽吓, 話唔靚都要聽架, 話唔定有意外收獲呢!

種草係技巧. 你會期望一個技術平平既花王造出個漂亮既玫瑰園咩!

有技巧加埋創意, 距離靚就差不多嘞.

Style? 我認為不用刻意造就. 佢係不自覺咁型成/流露出黎既, 係對方既感受.

szechun · **發表於 :** 2005-01-21 00:27

各花入各眼,不過最起碼都要知道自己種緊咩草,唔好亂夾
風格既野好睇人,唔好係咁抄人跟風,真係自己鐘意就得
我自己就鐘意園林既感覺,不過係用魚既角度去睇,種滿曬個缸就最正

水草情迷

[討論]你地點睇做景????

誰在線上