水草情迷

最近受魚民茶毒, 愛上左水中世界.

設缸不夠一個星期, 這两日來, 沒再看到有死魚死蝦, 想水質算穩定下來吧. 但d水草係咁標, 有d重冲出水面 tim, 都唔知營養過盛亦或追光, 每日長半寸, 還開始有啡藻tim. 以致跟原來所計劃期望的有大大分別, 成個熱帶雨林咁.

定眼看看每個角落, 都發現有小魚在穿梭覓食, 就像我們的大街小巷, 迂迴曲拆, 柳暗花明, 每處都有不一樣的景點. 平時各自各地經營, 但一到喂食時候就洶湧而岀. 缸中間前面較空懭, 就像我們的綜合公衆場所, 草林石隙是各自私魚空間. 佢地真係自成一國, 事實又確實如此bor.

有時間閒閒地望實佢地, 成粒鐘也不嫌多. 有人喜歡養魚, 有d鐘意種草, 又有人渴望有完美構圖佈景. 我較為大貪, 以上樣樣喜愛之餘還要追求個中意境.

相信大家都讀過桃花源記, 又或者看過笑傲江湖中令狐冲學琴的綠竹叢綠竹舍. 匪夷所思, 真想變成一尾小魚, 溶入牠們的社會, 置身在那綠油油的草叢深處, 遠離繁囂.

還有, 水世界之所以吸引, 原因之一是它脫離左二維空間, 魚兒就像鳥一般, 在水中上下遊暢.

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

景就不過不失!但似乎太多魚 ,同時我都幾擔心你D塘泥底,現在你要留意水質多D,勤D換水,黑綱沙是無肥的,而你咁快有啡藻好可能D塘泥已經開始溶同滲漏出來,你再插多兩次草就會更多肥滲漏,到時水質更難控制,幸好你那些都是快高長大的草種,希望佢地夠快搶晒D肥啦!努力呀

_________________
"一起推動水族設景潮流, 集思廣益, 雅俗共賞。"
Life is to enjoy.....

果汁先生, 你種的草類90%都係快速生長的類型,要好有心機打理喎!
用黑鋼沙係有其好處,但用磁刷洗缸時,要小心,唔係會刮花玻璃!(d沙其實幾利)

唔錯，種得很好， 前面布景如果種些矮草如矮珍珠等等就會更加好看， 努力啊，果汁先些！

果汁兄, 終於有景睇囉~ 你終於都中毒啦~ 哈~

你話 : 相信大家都讀過桃花源記, 又或者看過笑傲江湖中令狐冲學琴的綠竹叢綠竹舍. 匪夷所思, 真想變成一尾小魚, 溶入牠們的社會, 置身在那綠油油的草叢深處, 遠離繁囂.

真係講左我個心事出黎呀!

_________________

www.cau-aqua.net


http://killieclub.hk

" 相信大家都讀過桃花源記, 又或者看過笑傲江湖中令狐冲學琴的綠竹叢綠竹舍. 匪夷所思, 真想變成一尾小魚, 溶入牠們的社會, 置身在那綠油油的草叢深處, 遠離繁囂. "

你呢個係大部份養魚造景人o既心態,收o左工,食完飯,坐起魚缸前面分分鐘粒幾鐘.
講番你缸草...大部份都係比較粗生,如果經常番插d草,就好易將基肥揚晒出o黎...小心!
想...你好快會換草. 到時d肥可能會被吸得咁上下,再換番d生得冇咁勁o既.
努力!

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

haha, 果汁終於新缸落成啦, 恭喜曬
個景都唔錯, 不過多了點魚魚, 只是養同一種燈魚仔?
遲下你就會不甘於養一種魚的啦, 到時又會買呢樣買果樣
錢就用得更加多呢.
haha, 中毒啊嘛......
剛開缸會有點藻的了, 記住勤換水yo, 唔係就好似我開缸果陣的啦
加油oh

果汁兄, 唔錯的一個缸呀, 我都好喜歡睇住個缸成粒鍾唔郁, 老婆當正我係石像, 掃地果陣仲好唔客氣甘講, 行開! 可能真係冷落左佢囉!

很好的景像，
缸內的石頭，好像在武俠小說裹華山論劍的地方，
好正。

GWU兄, 你話 “景就不過不失!” 可能我影得差咋, 其實序中有亂, 都…都…都係不過不失….
你跟住又話 “努力呀”, 係咪叫d草快d搶晒肥呀? 吓?

amencheng1113兄, 你梗係試過刮花玻璃嘞! 我用手擰住塊布潛落去抹架. 你真細心, 多謝你.

李大明兄, 鬼唔知咩! 我都想種矮珍珠, 但佢地係陽性草, 加大光之後又要吹風扇降溫, 好煩架, 無時間打點呀大佬.

大白菜兄, 我d草真係同閣下一樣, 成棵菜咁gar! 好靚果隻呢.

老通Tony兄, 沉晚貼完文之後, 有d忐忑不安. 希望d人唔好當我傻瓜! 乜原來好多人都係咁架? 我真係大驚小怪嘞. 多謝你先.

Goodfeikk兄, 我情有獨忠/終. 較喜歡紅蓮燈及紅眼銀屏. 不過唔排除將來有所改變 -> 移情別戀 bor.

Fans兄, 你大可薰陶你位太座大大… Hum.. 到時睇怕掃地果陣好唔客氣咁叫" 行開!”果個係你bor! 你諗你lor!

TakKee兄, 哈哈… 華山論劍? 好主意! 不過還差一大點! 去邊到搵人客串歐陽鋒, 洪七公, 黃老邪, 郭靖, 黃蓉………

啱啱忍唔住, 換水, 同個缸剪髮, 技術有限, 不倫不類, 遲d 先敢獻醜.

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

我的桃源居.

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

好似差咁個老人(魚翁)釣魚喎.

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

魚翁賣魚去了, 只留下一個讀書郎.
收唔收貨呀老通兄?

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

"中國式"造景?

錯!
係無招式造景 , 鍾意做乜就做乜.

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情