水草情迷

孔雀新手，咩都唔知~想請教大家，未試過自己繁殖魚仔，想養d孔雀~唔該各位解答~唔該晒~

1.孔雀魚係咪胎生嫁?
2.點分男女?
3.條魚幾大左右會生?
4.佢地既壽命有幾長?
12"x7.5"既魚缸想以養幾多條~公同"那"既比例最好係幾多..

唔該晒大家~

1.孔雀魚係咪胎生嫁? 係.
2.點分男女? 仔有色彩,尾部大,下體有一支^ ,而女相反 ,
仲有D似沙坑魚
3.條魚幾大左右會生? 3-5個月.
4.佢地既壽命有幾長? 1-2年度(個人所得經驗)
12"x7.5"既魚缸想以養幾多條(1公同2"那"既比例最好)

唔該晒你

補充 : 1) 孔雀魚是卵胎生的。
2) 公魚肚位置生殖器像一支, 母魚肚位置像三角形並有胎斑。

2.孔雀仔d色靚好多,孔雀女就普通好多........
(去魚街睇下d袋裝魚就知~)

個人認為,孔雀女的數目一定要多過孔雀仔,否則,d孔雀女一定俾d孔雀仔追到氣都咳.............
到時真係無眼睇

補充一下3.
其實唔一定
我試過半年
仔魚的尾才剛出點顏色...
聽說要換缸
仔魚才會大...

還有一個問題
孔雀生存的ph,GH範圍有多大?
我把孔雀和紅蓮燈一起養
大家也十分健康

多謝各位既解答
完全解答到我既問題^^

我想問~我買左4條普通既孔雀黎養住做個實習~
我照你地家我既方法~買左2男2女 (係該係..):b
1.女既個肚同個身完全冇色~得條尾有少少色~<---有冇錯..係咪女嫁
2.男既就全身好艷麗好多色~<--又有冇錯
3.我依家4條既身形都係3cm左右~幾地依家大約幾大!?幾時可以生育?
4.點先知道佢地有左?

因為我想試下自己繁殖下d魚

1)係
2)係
3)隨時
4)女個肚有黑斑and個肚一日復一日漲大

隨時

唔該你呀~我要俾心機照顧d魚~

少少補充~

如果你知道孔雀媽媽大肚,又知道佢就快生bb的話,咁就要隔離佢,因為bb有好大機會俾缸內的魚吃掉架~
雖然早左d講,不過我諗你好快就有第一批孔雀bb架~
哈~