水草情迷

各位大大,

我個缸生左好多深深地綠色, 成層o既, 都幾厚o既唔知係咪藻類物體... 睇睇相...(第二張中間果舊係被覆蓋了的婑珍珠...)

佢地生得都幾快下, 覆蓋著我d草... 我d婑珍珠好多都被遮住...

究竟層野係咩黎架?? 唔係黑毛, 唔係絲藻, 青苔??? 唔會咁勁 gra, 又唔多似... 點解會有架? 咩原因 and 如何解救?

唔該救救我個缸

thx~

漏了 config:

16' tank, DIY CO2, T5 8W x 3 (9hours), ADA mud, no 小精靈 or 飛孤, only hv 4 金清道夫(有冇用?), temp is not a problem, 25 - 26 all the time, grass is not health, no fertilizer added...( no money...), no overfeeding...

放飛狐
我都有呢個問題~~飛狐會清d
痴左草果d...整唔走去就唔好要啦...生得好鬼快....我清到家陣都未洗得完~.~
螺都得~~可以同你清下牆邊
減下光照啦~~換水就唔知得唔得啦....我發覺我換水佢生得仲快......

_________________
~狗會~有興趣可以加入
http://www.hkschnauzer.net

大熱天時,d藻會生得好快,又係o個句,
加支uv啦.

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

Oh, 是藍綠藻, 好嗅好惡心, 生得好快, 睇舊文話是細菌類, 好難攪. 好似話可以用藥"萬能博士"

search下藍綠藻會有多D資料

首先多謝咁多位解答

o 原來係 藍綠藻...

F91: 咁 我 cut 光照, 照番平時一般咁換水啦~ 飛孤都係清d ja...? 小精靈得唔得呀?

老通: 我個缸 24 小時 keep 住 air-conditioned, 四季都係一樣溫度, 係近le 半個月先係咁...

狐狸: 好我會 search search

藍綠藻對光線唔敏感, 有冇光都照生, 冇魚會食佢的.
精華區有講點對付, 生長原因係水流唔夠, 廢物積聚, 勤些換水吧, 順手人工吸走大部份呀.

_________________
多多交流, 多多研究, 多多搜尋
我的水族相簿

藍綠藻.......我第一次開缸個時都有, 你個case同我個時一樣.
1. 草生得唔好
2. 草缸不夠健康

我有一d建議可以參考一下:
1. 加根肥(草草可以生得快d, 又唔會加快生藻速度)
2. 停/減co2(減慢生藻速度,可以待草生好先加反)
3. 改善水流(減少藍綠藻重生機會)
4. 如果係鴨寮個d T5, 我建議你換做正貨(不用說明相信你都明白)

我做左以上改變草缸同草就生得好啦.

To 老通Tony:
16"缸咁細有UV加嗎??!!
可否介紹給我...THX!!

不是CO2越多，越有利于水草的吗，我那里有一点点澡，没发现有增多，我换了水，水草开始长了
也没加肥，准备第2天看情况再加一点点

多謝大家

綜合各位的意見, 我即係:

1. 唔使 cut 光照 ( super 網主話藍綠藻生長係 independent of light intensity)
2. 多 d 換水, 一個 week 換一次 三份一 夠未?
3. 加大水流 ( 我用緊 eden 501 in this 16' tank, 用雨林管, 好唔好轉用鴨咀?)
4. 盡量用手清左佢

5. ultimately, 如果 algal growth 都仲唔受控, 落藥? EM 丸? 甽咁我個缸一次落半粒呀? (50- 60 L 水就落一粒, from hightlight)

any recommendation?

一定要人手清 ， 見幾多清幾多， 即刻種蜈蚣草 ， 越多越好， 藥物就 ADA Phyton-Git 很有效， 嚴重時要用針桶真接 apply 落去， 或用那草上來毛筆 apply 落去。 佢地係菌膜內 細胞分裂繁殖， UV 燈或外部藥物功效很有限， 又無魚蝦會食的， 真的幾難攪。

thx macbrush

我都聽過話種蜈蚣莫 or 其他 cheap 草, 但其實係點解呢?
吸哂藍綠藻所需 untrients?

一星期換一次水可能少了點, 建議每日 or 隔日 換少量比較好

就算看似已經受控, 但都要落藥完成整個療程, 因藍綠藻的繁殖力驚人, 如不小心, 好快又會再黎過 @_@

蜈蚣草是籃綠藻的天敵， 會釋放出可壓制籃綠藻生長的物資， 很有用的。 其他 cheap 草就係利用它們快長快吸肥的能力， 來控制水中肥料的含量。

換水來說我的經驗是每星期換 1/2 至 1/3 以是很好的， 一般藻類不能像植物那樣儲存生長所需的原素， 定期大量沖淡過量的原素應比太密換水但還有一些肥過剩對藻類控制來得有效。 如果需要加密換水次數， 也要保持每次換水的量， 不能做到 100% 也要有 80% - 90%， 否則會有反效果。 千萬不可唸住一星期一次就 1/3， 一星期兩次就 1/6 okay， 起碼要 1/4 才會有同樣效果。

原來係咁, 真係一物治一物, 糯米治木蝨

換水方面, 如果照你所言, 換得密都要keep 番換差唔多咁多水量, 咁我怕我個缸細 buffering capacity 不足, 會有反效果 wor 怕唔怕?