水草情迷

若果種陰性草，是否用1升水1W燈呢個論句。
咁若果我只用了1公升水o黎種陰性草，咁是否只用1Wo既燈具就得呢？

其實好多尼 D 數都係睇外國文章得反尼， 但係好多睇一半唔睇一半。 人地都有講明缸越細， 比例越大， 反之缸越大， 比例越細。

其實我覺得用咁比例係無準，係要睇情況及水草雖要，若真係跟論句，1W燈根本係種唔到草。

(其實好多尼 D 數都係睇外國文章得反尼， 但係好多睇一半唔睇一半。 人地都有講明缸越細， 比例越大， 反之缸越大， 比例越細。 )

如果依以上論句，咁我用1W燈要幾大個缸呢？

陰性草...我而家都係陰缸丫
120升水..(未加滿,滿左150升)放左36w咋...
缸高18吋左右,得10吋唔夠既北極衫插左落陰缸都生得好靚...
唔知北極衫係咪屬陰性呢?好少聽人提呢種草

明顯係單向的方， 好似可以話打幾多 CO2 就降幾多 pH， 但係唔可以用 pH down 來加 CO2一樣， 1W 係無答案， 養唔到。 所謂比例都係約數， 不過都唔差得很遠， 好似一個 300L 缸為例， 用 HQI 種陽性草， 你都走唔甩兩支 150W， 而現實當然係 set 了缸後養草就燈 ， 有幾多人會同時有能力做到養草後再就草加/減燈呢？ 環境通常係以定， 再因環境養吧。

hi mftin,

其實我同意Macbrush講的:

但1W 1L 好像易理解點, 沒所謂吧, 又不是個實驗, 用最簡單, 最易HANDLE, 最EFFECTIVE的方法觀察吧.

Takashi Amano的用燈理論:
http://www.fitchfamily.com/lighting.html

我覺得各施各法...十指有長短, 有利有弊... ^^"

ps.
- 如果用lumen計算的話...不同牌子不同種類的燈都有不同的"lumen per watt" 0拉, 所以我都好懷疑1W 1L的理論, 注意WOR...HQI的"lumen per watt"其實是很低的 (因很多的能量都轉變成熱能了) 但正如Macbrush說:"所謂比例都係約數， 不過都唔差得很遠" 我想會容易明白DD掛...@@.
- 我也很同意陰性草的用燈理論不可以與陽性草並談, 本身就是很不同的東西, 要觀察取約數了 ^^"

Hi Wins：
其實我出此貼文，係想話俾o的新手知，在1W燈同1升水比例，只係一個理論而己，其實都係要睇種乜野草，水深，實際都係要睇情況，須要而定，因我發覺好多新手網友，同我o的新手朋友都誤解o左呢個理論，亦好多謝你同 Macbrush 兄o既回覆，好希望o的新加入養草行列o既網友能睇到，以自己作適當調整，常見到網友問我個缸幾大，要幾多 W 燈呢o的問題，其實好難答到佢地，因大家都唔知佢養乜草，好多時答o左佢地都會令到佢買錯唔適合o既燈具，例如我24吋缸,60升水，我種綠角苔，幾款太陽，矮珍珠，水榕，莫絲，鐵皇冠咁，我就用o左 150W HQI ，可謂陰陽大調和，同在一缸，郤陰陽草都生得好好，陽性草要強光，種在一邊，而另一邊用鹿角苔浮係水面做頂庶陰，下面種陰性草，兩種草都生得好靚，希望新手們能自己適當調整。

正！ 尼個論點好好！ 最重要係用自已的腦去想， 將知識同常識有彈性咁利用， 答案並唔係得一個。 只要知道箇中道理， 變就通。 唔單只係燈， 好似濾水器， 無答案， 有多當然好， 但係草勁多， 魚小的話無濾水都得， 所以無話夠唔夠。 最重要係深入了解。

等我仲想討論落去睇下咁多位用唔同既環境種同樣既草會有幾大差別

hi all,
真好, 大家有相同的概念, 我都好怕有人問要取標準答案, 基本上, 大概的概念是差不多, 但到最後都要靠自己的"觀察". 窮則變, 變則通!

hi Rei,
hoho, 都幾有趣wor, 可以繼續ga...
"種得到"和"種得靚"是兩回事... ^^"

Hi ：
好多謝大家及有相同見解，其實種草養魚靠經驗累積，種到草未必種得靚，種草學問真係千變萬化，要多自巳觀察，要有彈性咁利用，陰陽一缸都可以，只要草種配合，環境配合，就成功機會比較大，一個新手想種一缸草，係要花好多心機至會種到靚草，千萬別心急，點解人地o的展示缸咁靚，我o個缸就????比的心機慢慢來啦。