水草情迷

小弟買過三次“珠麟”金魚仔養,三次都係養唔夠一個禮拜就死晒!!好傷心同灰心!!
頭一次當係唔識,第二次當再試,但前兩日買第三次,尋晚已經死左條。今次我已經用左個細缸仔分開養,落左暖管(30度),加左TDC,少許鹽,少許新水劑(D水留過夜架,仲留左兩日添),點知尋晚返到屋企有條(最靚果條)死左,頭部有好多血管現晒出黎,另一條今朝睇過﹐全身有白色野(唔知係唔係白點),即刻今朝換水,落新水劑,少量TDC(根據說明書睇,用嚴重醫療劑量),少量鹽,依然用暖管28~30度,個缸仔係好細個的,大概4~5升水左右。唔知今晚會點!!
點解!!!唔明!!!!頭兩次就話唔識o者,但係第三次都係甘!!唔明呀!!
有無邊位養過/緊呀??幫幫手,係點養架???
(特徵:買返去都係個口吸氣好急的,唔知關唔關事!)

另外小弟係養緊燈魚同荷蘭鳳凰仔,個缸(開缸差唔多三個禮拜多DD)就35升水左右,有泥,有沉木,草,沉底格屎板等,D魚好健康,最初D燈魚D尾唔知點解爛晒,後黎加暖管到28~30度,格幾日都會落少許TDC,而家已經生返晒D尾仔出黎,幾靚同好活潑!不過呢幾日發現缸壁有好多一達達綠色野(好似係青苔),唔知係唔係我開燈開得耐呢?(我返工前就開,夜晚十點靚就息左去,D草好茂盛)。
但係D金魚仔就.......唉...


請幫忙解答一下
唔該~

(心疼兼失望)

d魚係咪同一批?有無留意魚舖未賣果d有無問題?
有無對水?有無氣pump?有無過濾?
開唔開口食野?游水時有無異常?

每次買兩條,兩條都係同一批吧?(同缸),其他魚就有一兩條(全缸有成幾百條)有問題。
我有對水架!個缸仔有氣泵,暖管,但係就無慮水器(太細喇個缸,得4~5升水),所以我每朝都有換1/5水架!
最初係開口食野架!不過就會沉晒底唔多想游,但係一用手指響缸出面“嚇嚇”佢就會游。
我曾經都諗過係唔係店入面果缸水有問題,但係三次都唔同鋪頭買架,唔會甘黑仔掛??而且我返到屋奇都會落TDC同鹽。

真係唔明!!!

我未養過，如果想再養，試下用低溫偏鹼水養，卽唔用泥、唔用暖管，其他照舊。

有氣泵不如加個氣泵推動的水濾好過日日換水

你無做錯喎，重好好添，同埋金魚應該好粗生，無咁易死，會唔會擺錯風水呀?同你擋