水草情迷

各位大師﹐ 小弟是初哥﹐前幾日剛剛搞掂左個缸﹐買左兩條波子魚仔﹐其中一條尋晚返屋企見到離奇仙遊,再細心睇下﹐另外一條波子魚又好似有D唔妥,拖屎(D屎唔係黑色﹐是淺啡色﹐而且好幼下)﹐透氣節奏亦好似有D唔妥(好急速)﹐但係見牠游水又唔見得有唔妥!請問係唔係腸道感染??點辦??死左條波子魚搞到我老婆好唔開心!
另外, 尋晚亦發現死左4隻蝦仔(水草蝦)﹐係唔係水質有問題?我用試紙睇過﹐大概讀數如下:(試紙是一條有5格果隻﹐可以試晒NO3,NO2,KH,PH,仲有隻唔記得左)
NO3 ~ 20(唔記得左咩單位﹐只記得係顏色中頭第二個色)
NO2 =0
KH 頭第一格
PH 頭第一格 ~ 5.5

我想問下係唔係水質有問題?? (其他燈魚同藍鑽石魚都好健康)


謝謝

剛剛開缸ma?......係會死魚嫁la~

係呀! 剛剛開缸的! 一定要死魚嗎? 甘到幾時先無事呢??
我已落左定水劑/新水劑﹐ 硝化菌﹐生化環(不過未落活性碳﹐因為無位﹐正在諗辦法中)﹐唔通燈魚會粗生過金魚?? 蝦仔死就唔出奇(因為水質要求高)﹐但係金魚死就......
會唔會係我D水草唔乾淨??

謝謝~

有冇換水呀?兩個可能性，一係波子本身有病，捱到去你個缸度啱啱夠鐘；二係亞摩尼亞含量太高，中毒而死。因你一次過放成廿條魚落缸，而魚同人一樣，係會排放亞摩尼亞，但相對分解亞摩尼亞的細菌(亞硝酸菌)含量仍然不足夠，導致亞摩尼亞含量太高。如果沒有其他魚死，前者機會大D；如果陸續有其他魚死，後者機會大D。暫時要換密D水，以減低缸內的毒素，代硝化系統形成時，可減少換水次數。

謝謝~ 甘係唔係一定要換D去左碌的水呀?我無隔夜水,甘急真係唔知邊樹穩!
Anyway, Thanks very much..

你有定水劑，可中和氯氣，水喉水加定水劑，隔一個鐘可落缸。可每日換1/5水。但如可隔夜，就不用落定水劑，化學嘢可免則免。

非常多謝你呀﹐鏍絲兄~
我係新手,其實想問左好耐, 一般如果發現缸內有魚有病,搞到全缸魚都係的話,係應該點做呢?係唔係要全缸消毒?如果有草又點呢?
D蝦仔係唔係好難養架??有D咩要注意呢?
而家我個缸D PH值係~5.5, 對D金魚會唔會唔好呢?

太多擔懮,唔好意思

謝謝~

一般病一條，分隔一條，以免傳染。成缸有事咪成缸分隔，响隔離缸落藥，响草缸換水。冇位咪直接落藥落缸度，睇D魚同D草造化，聽天由命。
蝦怕熱唔怕冷，含氧量要高，水質要穩定，其他唔係咁識。
你一時講金魚，一時講波子，是否講金波子？無記錯金波子係偏鹼好D。
新養魚係緊張D，人同魚一樣，都有生老病死，唔雖要太介懷。