水草情迷

半年前大翻缸，換燈，加草後差不多從頭開始，不經不覺已完成了三個月，其間已將個小竹葉森林剷平，因忍受不住Ｄ葉比Ｄ小精靈吸食後在葉面留下的黑紋及個森林下半部因太密而光線不足，全部發黑．現在又到其它草有問題，其實Ｄ草好健康，好多泡，不過就有Ｄ不明的狀態想請教各位．
太陽狂爆頭而新生Ｄ頭都好細，幾個新頭生到成個波咁．
Ｄ小圓葉已經多到有成個藍球咁大，開始在最外個層不段生氣根，差不多三份一係氣根．（應該是時候修修了．）
Ｄ紅宮廷好紅，但Ｄ紅蝴蝶就普通．
最奇怪係大卷浪，不停長出花桱，將佢剪斷後過兩三日又再出另一支．
我個缸已斷糧一個月，因想Ｄ成日等食的工作魚做番Ｄ野唔好成日留在缸底等我Ｄ糧食．
最近一個月我試用過綠色樽仔的盆栽用觀葉植物活力素，不知是否有關．

設備：３６”缸，１００Ｌ水，４ｘ３９Ｗ　Ｔ５ＨＯ　每日兩段時間各４小時
ＣＯ２每秒一個泡與燈照同步
肥料用花寶一號（高鉀肥），稀釋後用樽仔在缸面向下慢慢倒流入缸．