水草情迷

過年前在水X店買了 1 盤太陽草，買0個時係綠色的，同埋 d 葉好密而向下彎的，好似噴泉咁樣，過了 2 星期後，d 葉變得無咁密，同埋再唔係好似噴泉咁向下彎，顏色就由綠色變成青綠，請問各位前輩，是甚麼原因呢？
缸: 18 " L X 10 " W X 14 " H ( - 泥後水深約 11 ")
泥: ADA 黑泥
燈: PL 24WX1 T5 12WX1
Co2:大約 1 秒 1 顆
開缸大約三個星期，用 P10 濾桶！

同我果D一樣喎，我D仲開始爛添呀！我去問老细佢話有好多原因，話我可能太光。

0下！我今晚原本諗住經過水X店時問下肥仔，點知佢鋪頭鬼死咁多人，
企左一陣見佢都好忙，唔想阻人做生意，於是走去新發記問下，佢 d
sales 話唔夠光喎

你d水太新,所以未定水,以你11"高d燈應該足夠,慢慢來吧....不要相信出面d魚shop,不過記得一定要落肥,我個人會用eca,tmg,如有紅草就會加
seachem(iron)....

但係我睇番 d 舊文章，又話新缸唔好咁快落肥

我想是真的不夠光，它們追光向上生長

我計過減泥後大約 32 L 水，我而家 24W PL X 1 T5 12 W X 1

加埋都有 36 W ，照 1 L 1 W 計就已經夠！

起缸三星期，冇大問題卽係冇問題，你都好呀，D草重係綠色，我都係起咗個缸兩個月，第一個月真係慘不忍睹，睇住D草，枯枯黃黃，營養不良，又唔敢落肥，睇舊文，發覺可能有十個以上的解釋，有D重係對立的，問你頭唔頭痕？再問都係嗰D解釋。
其實起新缸得四個字，"戒急學忍"，第一個月祗做一樣嘢，有枯葉就剪，比多D位健康嘅草生長，等新水變舊水、新泥變舊泥、新草變舊草，第二個月基本嘢定晒，D草自己會話比你聽佢有乜唔滿意：唔夠光佢會追光，唔夠肥料佢會瘦，唔夠鐵肥佢唔會紅比你睇。
暫時真係乜都唔洗做，設備冇大問題就OK，我有棵太陽第一個月枯淨一條莖，釣住幾塊枯葉，依家佢又標側芽，真係我死佢都未死。

多謝各位寶貴意見！