水草情迷

現在人們用來種水草的光管有那幾種?有什麼分別?我知道有一些光管很多人都說很好用,但價錢就真的是......

可否介紹一些價錢比較便宜,用來種水草又不會太差的光管?

嘻. 你都問了不少關於 光管的相同問題呀.
水草光管, 只要是 daylight , 5000-6500k 色溫o既已經合用, 貴同平都有. 貴野 ADA當然有其好處啦, 最平o既光管, 就係家用o既飛利甫 865系列光管, 十幾蚊大大枝, 貴同平都有人用, 點解你唔實踐下呢, 講埋你知, 光管係水草種植上o既有效壽命, 係 4 個月左右就要換啦.唔係枝管唔光，　記住人眼同水草對光線的要求都唔同. 有冇去台灣翠湖網站了解了解呀.

_________________
多多交流, 多多研究, 多多搜尋
我的水族相簿

咁意思係唔係咁--> 由買光管當日開始計起約4個月後就要換過一支新o既(就算支光管冇壞及肉眼望落支管仲係好光)，其實係點解呢？ 莫非支管係嗰几個月裡會損耗了某d對植物有益o既物質？ 可否指教一吓~thx

版主我去咗台灣翠湖網站了解啦~當中對光嘅色温已有一d理解啦~ 但都係有小小唔明白o阿~
其色溫值約為4500 ~ 5000K；
就以4500- 5000k 為例，此色温与陰天的正午光色相似(文章內容)，但此色温嘅管是否會再有不同W數所選擇？ 咁w數大嘅，光度就會好強(咁咪唔切合內容所講，与陰天的正午光色相似)？ 因為陰天嘅天色應係昏暗。 定係兩樣嘢嘅作用係分開，k數係草o既所需/w數係自已認為需要製造有几光嘅環境(視覺上)，但好多魚友又會話個缸要几多w先夠，真係明d唔明d呀？
-------------------------------------------------------------------

根據我嘅有限嘅知識，我嘅(陰性草)缸嘅光管所需嘅k及w如下：
(濶)21cm x (橫)39cm x (高)25cm
此缸大約有20L水，(陰性草)以1L需要1W咁計~咁即係大約需要18-20w嘅管，並且切合我o既(陰徃草缸)在觀賞時要与陰天的正午光色相似
所以就以5000ko既色温就ok la。 唔知係唔係咁樣呢？ 請指教啊~thx

係草缸處用, FL, PL 光管黎講, daylight 色多數都係有 6000-6500K O架啦, w 數是功率, 越大就當然越光啦, 有冇見過大排檔o的黃色燈膽, 成百w o架, 但係都係好黃, 只有3000k 左右, 魚街 9w 小PL 管, 都可以係 6000K 白色. 咁就應該了解到, 色溫同 W 數唔係成正比了吧.
係K 數, W 數分別唔同之外, 仲有埋 "RA" 值, 同"流明值", "RA" 值, 即係"演色"性 添, 即係色彩O既還原度, 以一百為最佳. "流明值" 就係每 W O既光度輸出. 不過你唔好理咁多吧, 唔明的, 只會越說說混亂啦, 用 DAYLIGHT 管種, 就唔會太差. 見好多草友 T5 都種得好掂, 都係個句, 實踐加嘗試最重要啦.

_________________
多多交流, 多多研究, 多多搜尋
我的水族相簿