水草情迷

小弟呢次真係加燈加出禍！小弟水缸有12L水，原本用一支11w雙白管PL燈，前幾日跟風買左支九吋6w的T5燈，又加埋上去。第一日真係好見效，水草嘔晒泡，好鬼欣欣向榮咁！第二天又開埋支T5啦，點知過得兩個鐘度，成缸水白晒！呢個情況同唔同一般初設缸出現的白濁問題呢？會唔會係因為光照太強？呢d白濁係咪水中的懸浮生物或者「藻」呢？
我停左用支T5，換左四份一水，又加左d水藻抑制劑，過左一晚，今朝仍然係白，又加左d硝化細菌……各位兄台，有乜解救噢？？

會唔會係自己d水的問題呀?有冇落硝化細菌呀?

應該唔關燈事.

_________________

我都唔知道呀？？我今朝加左硝化細菌，仲係比平時多50%，不過好似冇乜改善！市面有冇乜野可以令水澄清既呢？可以在濾材方面搞下佢？聽講話有d乜野羊毛纖維之類，我應唔應該試下呢？
我聽日諗住落魚街，希望各位俾d意見，我怕俾d sales搵笨噢！THANKX！

唔駛加o架啦, 都唔關藻事. 其實等就得, 你用什麼過濾o架. 得 12升水, 水質控制真的有點困難呀.

_________________
多多交流, 多多研究, 多多搜尋
我的水族相簿

Super兄講得對啦, 不必心急做很好野, 令水變返清, 水濁原因大多是水裡細小的微粒--例如加新泥, 第二係根本生物過濾未完全結立, 平時好似好清, 一加魚, 有死魚, 生物過濾突然overload, 就有咁情況, 俾d時間, 亦唔需要加細菌, 因為你的過濾裡的 surface area 的數量比你加的細菌的多小更重要...記著, 你個缸咁細, 成日加乜加乜會另水質唔stable, 魚同草都好難適應架!!