水草情迷

我係14吋缸,用緊ADA泥,主要都係太陽草,燈係takako(唔記得有冇串錯),11w2支,1個月前仲係用掛濾,早2日買左501,問題黎喇,水面有油膜,又有一粒粒啡色野,係唔係我個出水向下,水流太犀利?0的草,初初都好綠,整下整下就會由個底一路啡上去,會唔會係唔夠光?有蝸牛,我有2條8字娃娃,不過而家暫時分開養,因為我好驚佢咬我0的麗麗...我好鍾意我0的麗麗架,我一行埋去佢地就會過晒黎,反而米奇就唔會...其實娃娃幾耐要食一次?會唔會唔餓都咬魚?我而家放佢地0係醫生缸,但係咩境都冇,又好似好對佢地唔住咁...><好多問題呀,請咁多位高手幫幫我啦~

1. 新換濾水, 乜菌都要由頭養過, 有油膜唔奇, 而且水流方向都唔同O左, 以前掛濾出水應該會沖向水面, 有油膜都打返係水入面, 咪唔見囉. 501 有雨林管嘛, 唔一定出水向下呀.
2. 魚就日日都要食呀, 係睇佢捱得幾耐無野食之嘛, 你唔比佢食, 咪損害健康囉.

_________________
多多交流, 多多研究, 多多搜尋
我的水族相簿

我已經將個水稍為轉向,而家向住沉木..開左半日氣泵,而家0的膜冇晒喇.^^
咁請問下,我0的草點解生得唔好呢?有落根肥同液肥,開燈時間係朝9至下午1點,跟住6點至11點..會唔會太長?我0既CO2係一支tube,每日唧入去0個種..
咁我都係唔放娃娃落去住喇...過2日去開魚街,買0的草落醫生缸,等娃娃開心0的.

成十幾個鐘喎, 唔駛咁長吧. 只開16:00 - 23:00 都夠了呀.
你的草是什麼品種啦 ?

_________________
多多交流, 多多研究, 多多搜尋
我的水族相簿

有普通太陽,扭蘭,同埋細葉太陽...而家0的細葉太陽好多都變左啡色><

可能係 "褐藻" 黎呀, 最好有相睇睇啦, 呢隻藻好麻煩, 友人要用大量黑殼蝦去清除.

_________________
多多交流, 多多研究, 多多搜尋
我的水族相簿