水草情迷

一個舖了珊瑚沙的淡水缸(已兩年)有可能降低ph嗎?

以我所知珊瑚沙會增加ph的！！！

現在ph幾多呀?
我諗要花好多功夫吓喎~
換泥方便啲

多謝兩位仁兄回應。真很無知，小弟因兩年多前，公司出現變化，人心立立亂，本人老Sales一名，無權無勢，唯有貪平養缸魚轉轉運，及調劑身心、怡情養性。卒之過了兩年，收咗不多不少長期服務金，現在家中接些Project做下，時間多些，在internet search 無意中撞咗入呢，經過連續三晚通宵查閱各位高仁前輩對答，才猛然驚覺，缸中兩年多來的慘案，原來由小弟無知所至。所以小弟前日才知珊瑚沙不可用作淡水草、魚缸用。唯有請教大家，有甚麽平、靚、正方法將PH降底。
今天晚上換了1/5缸水，取走用了過濾器內不知用了多久的活性炭，改用生物環。30分鐘後check了一次試劑形然是7.6，這數值不知是否嚴重超高，但這亦是我的試劑所能標示出的最高度數。試劑及生物環雖然是平嘢，但是在大家常常推介的'卡X'買的，哈哈。
如個三天後無乜改善，我會試用草泥丸，請間'aspchong'，jacksung'及各路高仁有何推介或方案，謝謝各位！！

長痛不如短痛, 拎走晒d 珊瑚沙啦~

Hi Cow,
如果拎走晒d 珊瑚沙，請問有甚麽'平'沙介紹呢？

平,可試黑剛沙 + 無色草泥丸
貴,就用ADA
不如講吓你嗰缸config有乜魚同草先啦

ADA 9L=$120,可用幾年,其實都唔太貴

計我話, pH7.6可以適合養孔雀同黑麼里. 睇過本水草書仲話有D草都種得...如金魚草同小對葉? 黑麼里係風水魚 , 可能命運安排你要養佢 ?

邊度 $120 咁平 ?

黑剛沙的用途是甚麽？徐了大眾名牌ADA外有咩好介绍。

黑剛沙係人工沙無肥,唔會影響PH.所以要加無色草泥丸至會酸
可以搜尋"黑剛沙"會有好多資料...
多D潛水,好有用架!!!
我咁夜仲潛緊,你都攞埋個汽樽一齊潛啦

究竟你養近咩呀????...

現在缸內有黑尾月光魚2條，琵琶魚1條,麗麗2條，鷄泡4條，飛狐5條(不知真假)，小精靈3條，白珍珠摩里1條及紅鰭扯旗1條。金魚茜(好似又叫菊藻),茨藻及2吋高皇冠(1年前原本有7吋高)。又問有甚麽辦法將金魚茜及茨藻種入沙裏？

黑鋼沙比起荷蘭沙, 會冇咁多石灰質, PH 會穩定係中性多O的, 唔會太高, 同一般冇養份O既沙一樣, 要鋪基肥係底.
金魚茜及茨藻莖部都較脆, 很易斷開, 不過都可輕手用陰力插入沙入面呀.

_________________
多多交流, 多多研究, 多多搜尋
我的水族相簿