水草情迷

我係新手黎嫁，嘗試過尋索舊貼文，但心中仍有一個疑問，希望各位可以幫忙︰
我剛剛買了一個JBL的CO2測試器 (JBL Permanent Test CO2 plus pH)，睇過佢份說明書，就好懷疑呢個測試器我合唔合用呢？說明書話，呢個儀器顯示CO2含量的原理，係「CO2含量隨碳酸鹽硬度的變化，可以通過pH值來控制」，不過就假設水中「沒有泥炭 (peat)、pH降低物質、硝酸鹽」。
咁問題就來了，我有用泥炭 (Amtra的Peat Granules) 做黑水，而且缸中總會有魚屎碎葉，咁相信總會有或多或少的硝酸鹽掛？？咁我用呢個測試器，係咪會唔準呢？會唔會有另一些CO2測試器，可以同時用泥炭的呢？ :j
感謝各位！！

其實呢個真係唔準..!!!
只不過係一個好過無既心態去用...

都準架~ 原理係靠缸中co2散發入容器後再與測試液作用~
有用架~
但要長用先準~ 如果新裝~ 要一日或幾日後先會有準確顏色~

其實呢個都有用o家
我試過改變co2既量,真係會令到試劑對應到佢個scale咁既色
說明書咁話係因為泥炭 (peat)、pH降低物質、硝酸鹽會改變水中ph值
從而令顯示顏色不能正確代表水中co2量
co2量準就唔準o家喇,反而ph值就幾準(我試過用其他方法測試ph)

多謝幾位的意見！咁我有用泥炭降pH，係咪要酌量用「想像力」加番深少少顏色呢？嘻嘻！

幾銀 ar?
我又想買來玩下wow

我琴晚終於發奮，查左一本叫《水草栽種指南》的書，裡面話︰若果用pH值推算CO2含量，pH值準確度達+/-0.1，可能引起CO2讀數25%偏差。哎呀，愈睇愈擔心自己可能做左傻仔添……！
JBL測試器在金魚街近旺角道一間新開的舖頭買，叫科X，$56；其餘店舖睇過，要$59。另外Tetra亦有CO2測試器，無話可以同時測pH值，不過要$88。不如你試下呢隻，然後大家交換下情報丫？

this one?

係呀Philipnq兄，試過覺得點呢？
聽日去上海工幹，睇下果度有冇「金魚街」，去觀摩下先！