水草情迷

聽人講養紅色水草額外用紫色光管會好d, 咁人地齋用一支鹵素燈已經搞到d草標晒泡, 究竟邊樣先至真?

我想知道那個跟你說"養紅色水草額外用紫色光管會好d"的人係邊個........有d想認識佢.......

講真呀，無話邊樣真唔真既，你都識話"人地齋用一支鹵素燈已經搞到d草標晒泡"，你有眼見的，當然係真啦；不過，如果你亦親眼睇過"養紅色水草額外用紫色光管會好d"，咁呢樣野又係真喎，對嗎？

咁你又有無聽人講過剩係用t8都可以搞到d紅蝴蝶出泡呀？如果無既，等我話你知啦，那個人就係我喇 。可以翻看我之前的缸裡的紅蝴蝶，我無用t5同hqi，紅蝴蝶同紅太陽都可嘔泡。http://www2.aqugrass.com/phpBB2/viewtopic.php?t=15048

種紅草最緊要夠光，夠co2，同夠鐵肥。

我係睇d水族雜誌同埋d朋友話嫁, 其實自己養魚已幾年, 但都係求求其其咁, 見哩度咁多勁人, 人地d缸又咁正, 咪的起心肝想搞好d自己個缸囉, 如如蠢問題請不要介意

你誤會了我的意思啦，我的意思係話，人地各施各法，你有你的一套，我地養魚玩草既最緊要係實踐，有好多野唔係人地話點就一定百份百適合自己，要自己去囉多D實戰經驗，反覆考証，才可以做出自己既一套。如果人地話買支紫外光燈D紅草會好D，你大可以自己試下，無壞架，不過想把自己的草種好，並不是一兩樣東西便可，係須要好多經驗加上硬件配套才可成功。如果你自己唔可以從經驗裡學習，就算比你全套ADA同DUPLA的裝備，玩兩野你D草都唔得啦，係唔係？

所以唔好話自己蠢，我都唔見得聰明左去邊，我地呢度都無話邊個係高手，邊個係初哥，大家都係上來交換心得，最重要係你自己可以過濾邊D資料適合你，邊D聽左就算，既然你都"的"起個心肝，就繼續努力，將自己個缸搞好佢，我相信呢到每個人都希望可以看到你的心血，對嗎？

希望你真係明白我既意思啦

明白, 多謝你的意見.